ನಾಳೆಯಿಂದಲೇ ಈ ಒಟಿಟಿಯಲ್ಲಿ ಪ್ರಸಾರವಾಗಲಿದೆ ಆಚಾರ್​ & ಕೋ.

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:

ಅಶ್ವಿನಿ ಪುನೀತ್​ ರಾಜಕುಮಾರ್​ ನಿರ್ಮಾಣದ, ಸಿಂಧು ಶ್ರೀನಿವಾಸಮೂರ್ತಿ ಚೊಚ್ಚಲ ಬಾರಿಗೆ ನಿರ್ದೇಶಿಸಿರುವ ಚಿತ್ರ 'ಆಚಾರ್​ & ಕೋ'. ಕಳೆದ ಜು. 28ರಂದು ರಾಜ್ಯಾದ್ಯಂತ ರಿಲೀಸ್​ ಸಿನಿಮಾ ರಿಲೀಸ್​ ಆಗಿತ್ತು. ಇದೀಗ ಚಿತ್ರ 25 ದಿನಗಳನ್ನು ಪೂರೈಸಿದ್ದು, ಅದರ ನಡುವೆಯೇ ಒಟಿಟಿಯಲ್ಲಿ ಬಿಡುಗಡೆಯಾಗಲು ಸಜ್ಜಾಗಿದೆ.

ಇದನ್ನೂ ಓದಿ : ಕಪ್ಪು ಬಣ್ಣದ ಸೀರೆಯುಟ್ಟು ನ್ಯೂಯಾರ್ಕ್​​​ನಲ್ಲಿ ಮಿಂಚಿದ ಸಮಂತಾ

ಹೌದು, 'ಆಚಾರ್​ & ಕೋ' ನಾಳೆ (ಆ.23) ಅಮೇಜಾನ್​ ಪ್ರೈಮ್​ ವಿಡಿಯೋದಲ್ಲಿ ರಿಲೀಸ್​ ಆಗಲಿದೆ. ಸಿಂಧು ಶ್ರೀನಿವಾಸಮೂರ್ತಿ ನಿರ್ದೇಶನದ ಜತೆ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದು, ಅನಿರುದ್ಧ್​ ಆಚಾರ್ಯ, ಹರ್ಷಿಲ್​ ಕೌಶಿಕ್​, ಸುಧಾಲ ಬೆಳವಾಡಿ, ಅಶೋಕ್​ ಪ್ರಮುಖ ತಾರಾಗಣದಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ : ತಲ್ವಾರ್​ ಹಿಡಿದ ಧರ್ಮ ; ವೊದಲ ಬಾರಿಗೆ ಖಳನಟನಾಗಿ ಬಣ್ಣ ಹಚ್ಚುತ್ತಿರುವ ನಟ

ಈ ಚಿತ್ರದ ಮೂಲಕ ಸಿಂಧು 1960ರ ದಶಕದ ಬೆಂಗಳೂರನ್ನು ಮತ್ತೆ ಅನಾವರಣಗೊಳಿಸಿದ್ದಾರೆ. ಸಿವಿಲ್ ಇಂಜಿನಿಯರ್ ಮಧುಸೂಧನ್ ಆಚಾರ್ ಮತ್ತು ಅವರ ಪತ್ನಿ ಸಾವಿತ್ರಿ ಅವರ ಸಾಂಪ್ರದಾಯಿಕ ಕುಟುಂಬ ಮತ್ತು ಅವರ ಪರಂಪರೆಯನ್ನು ಎತ್ತಿಹಿಡಿಯುವಾಗ ಆಧುನೀಕರಣದೊಂದಿಗೆ ಸೆಣೆಸಾಡುವ ಪ್ರಸಂಗದ ಸುತ್ತ 'ಆಚಾರ್​ & ಕೋ' ಕಥೆ ಸುತ್ತುತ್ತದೆ. ಮಹಿಳಾ ಸಬಲೀಕರಣ, ಸ್ವಾವಲಂಬನೆ, ಮತ್ತು ಕೌಟುಂಬಿಕ ಬಂಧಗಳನ್ನು ಮೌಲ್ಯೀಕರಿಸುವ ವಿಷಯಗಳ ಮೇಲೆ ಸಿಂಧು ಈ ಕಥೆಯಲ್ಲಿ ಬೆಳಕು ಚೆಲ್ಲಿದ್ದಾರೆ.

https://www.vijayavani.net/nikhil-kumaraswamy-new-movie-by-lyca-productions