ರಾಜ್ಯಕ್ಕೆ ಡಿಕೆಶಿ ಮೆಗಾ ಗಿಫ್ಟ್: ‘ಪ್ರಜಾಸೇವೆ’ ಆರಂಭ, ರೈತರಲ್ಲಿ ಮನವಿ; ಕಲಬುರ್ಗಿಯಲ್ಲಿ ಜವಳಿ, ದೇವನಳ್ಳಿಯಲ್ಲಿ ಏರೋ ಪಾರ್ಕ್ ನಿರ್ಮಾಣ! D K Shivakumar

ಸಿಎಂ ಡಿ.ಕೆ.ಶಿವಕುಮಾರ್ ಸುದ್ದಿಗೋಷ್ಠಿ ಬಿಗ್ ಅಪ್ಡೇಟ್ಸ್!

Published on:

02 Jul 2026, 12:40 pm

ಪ್ರಮುಖ ಮುಖ್ಯಾಂಶಗಳು

ಸಿಎಂ ಡಿ.ಕೆ.ಶಿವಕುಮಾರ್ ಸುದ್ದಿಗೋಷ್ಠಿ ಬಿಗ್ ಅಪ್ಡೇಟ್ಸ್!
ಜನರ ಮನೆ ಬಾಗಿಲಿಗೆ 'ಪ್ರಜಾಸೇವೆ' ಇಲಾಖೆ ಸ್ಥಾಪನೆ
ರೈತರಿಗೆ ಬರಗಾಲದ ಎಚ್ಚರಿಕೆ ನೀಡಿದ ಮುಖ್ಯಮಂತ್ರಿ
ಕಲಬುರ್ಗಿಯಲ್ಲಿ 1700 ಕೋಟಿಯ ಜವಳಿ ಪಾರ್ಕ್, ದೇವನಹಳ್ಳಿಯಲ್ಲಿ ಏರೋ ಪಾರ್ಕ್ ಸ್ಥಾಪನೆ.

ಬೆಂಗಳೂರು: ರಾಜ್ಯ ರಾಜಕಾರಣ ಹಾಗೂ ಆಡಳಿತದಲ್ಲಿ ಸಂಚಲನ ಮೂಡಿಸಬಲ್ಲ ಹಲವು ಪ್ರಮುಖ ನಿರ್ಧಾರಗಳನ್ನು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ (D K Shivakumar) ಗುರುವಾರ (ಜು.2) ನಡೆದ ಸುದ್ದಿಗೋಷ್ಠಿಯಲ್ಲಿ ಪ್ರಕಟಿಸಿದ್ದಾರೆ.

ಜನರ ಸಮಸ್ಯೆ ಆಲಿಸುವ ಹೊಸ ಇಲಾಖೆಯಿಂದ ಹಿಡಿದು, ಭೀಕರ ಮಳೆ ಕೊರತೆಯ ಎಚ್ಚರಿಕೆ, ಬೆಂಗಳೂರಿನ ಕಟ್ಟಡಗಳ ಒಸಿ-ಸಿಸಿ ನಿಯಮ ಹಾಗೂ ಹಳ್ಳಿ-ನಗರಗಳ ಅಭಿವೃದ್ಧಿಗೆ ಕೋಟ್ಯಂತರ ರೂಪಾಯಿಗಳ ಬಂಪರ್ ಕೊಡುಗೆಗಳ ಬಗ್ಗೆ ಡಿಕೆಶಿ ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಮೋದಿ-ತಕೈಚಿ ಮಾತುಕತೆ ಫಲ: ಭಾರತದಲ್ಲಿ ಜಪಾನ್ 10 ಬಿಲಿಯನ್ ಡಾಲರ್ ಹೂಡಿಕೆ; AI, ಸೆಮಿಕಂಡಕ್ಟರ್ ಸೇರಿ 120 ಉದ್ಯಮಗಳಿಗೆ ಬೆಂಬಲ! Japan Investment In India

ಜನರ ಮನೆ ಬಾಗಿಲಿಗೆ ‘ಪ್ರಜಾಸೇವೆ’!

ಇನ್ಮುಂದೆ ಸಾರ್ವಜನಿಕರು ತಮ್ಮ ಸಮಸ್ಯೆಗಳು, ದೂರುಗಳು ಅಥವಾ ಪ್ರತಿಭಟನೆಯ ಅರ್ಜಿಗಳನ್ನು ಹಿಡಿದು ಅಲ್ಲಿ-ಇಲ್ಲಿ ಅಲೆಯುವ ಅಗತ್ಯವಿಲ್ಲ. ಜನರ ಕಷ್ಟ ಆಲಿಸಲು ಸರ್ಕಾರ ಹೊಸದಾಗಿ ‘ಪ್ರಜಾಸೇವೆ’ ಎಂಬ ವ್ಯವಸ್ಥೆಯನ್ನು ತಂದಿದ್ದು, ಒಬ್ಬ ಸಚಿವರಿಗೆ ಇದರ ಸಂಪೂರ್ಣ ಜವಾಬ್ದಾರಿ ವಹಿಸಲಾಗುತ್ತಿದೆ ಎಂದು ಸಿಎಂ ಡಿ.ಕೆ. ಶಿವಕುಮಾರ್ ತಿಳಿಸಿದ್ದಾರೆ. ಪ್ರತಿ ಜಿಲ್ಲಾ ಉಸ್ತುವಾರಿ ಸಚಿವರು ಎರಡು ವಿಧಾನಸಭಾ ಕ್ಷೇತ್ರಗಳಲ್ಲಿ ತಿಂಗಳಿಗೆ ಕಡ್ಡಾಯವಾಗಿ 2 ದಿನ ಈ ಪ್ರಜಾಸೇವೆ ಅಭಿಯಾನ ನಡೆಸಬೇಕೆಂದು ಸಿಎಂ ಆದೇಶಿಸಿದ್ದಾರೆ.

ನೀರು ನಂಬಿ ಬೆಳೆ ಹಾಕಬೇಡಿ!

ರಾಜ್ಯದಲ್ಲಿ ಈ ಬಾರಿ ಶೇ. 20 ಕ್ಕಿಂತ ಹೆಚ್ಚು ಮಳೆ ಕೊರತೆಯಾಗಲಿದ್ದು, ಭೀಕರ ಜಲಕ್ಷಾಮ ಎದುರಾಗುವ ಲಕ್ಷಣಗಳಿವೆ ಎಂದು ಡಿ.ಕೆ.ಶಿವಕುಮಾರ್ ಆತಂಕ ವ್ಯಕ್ತಪಡಿಸಿದ್ದಾರೆ. ತಕ್ಷಣವೇ ಜಿಲ್ಲೆಗಳಿಗೆ ಭೇಟಿ ನೀಡಿ ಪರಿಸ್ಥಿತಿ ಪರಿಶೀಲಿಸುವಂತೆ ಸಚಿವರಿಗೆ ಸೂಚಿಸಿದ್ದಾರೆ.

ಇದನ್ನೂ ಓದಿ: ಮುಂಬೈನಲ್ಲಿ ಮಳೆ ಆರ್ಭಟಕ್ಕೆ ಮತ್ತೊಂದು ಬಲಿ: ತೆರೆದ ಒಳಚರಂಡಿಗೆ ಬಿದ್ದು 60 ವರ್ಷದ ವೃದ್ಧ ದುರ್ಮರಣ! Mumbai Manhole Tragedy

ಕೇಂದ್ರ ಸರ್ಕಾರ ಭೀಕರ ಬರಗಾಲದ ಸಂದೇಶ ನೀಡಿದೆ. ಅನೇಕ ನದಿಗಳಲ್ಲಿ ಒಳಹರಿವು ಶೂನ್ಯವಾಗಿದೆ. ಜಲಾಶಯಗಳು ಭರ್ತಿಯಾಗುವವರೆಗೆ ಬೆಳೆಗೆ ನೀರು ಕೊಡಲು ಸಾಧ್ಯವಿಲ್ಲ. ಹಾಗಾಗಿ ನೀರನ್ನು ನಂಬಿ ಯಾರೂ ಬೆಳೆ ಹಾಕಬೇಡಿ, ಎಂದು ರೈತರಲ್ಲಿ ಮನವಿ ಮಾಡಿದ್ದಾರೆ.

ಬೆಂಗಳೂರಿಗರಿಗೆ ಬಿಗ್ ರಿಲೀಫ್; ಆಗಸ್ಟ್ 15 ಕೊನೆ ದಿನ!

ಬೆಂಗಳೂರಿನಲ್ಲಿ ಒಸಿ (OC) ಮತ್ತು ಸಿಸಿ (CC) ವಿಚಾರದಲ್ಲಿ ಕೋರ್ಟ್ ವಿನಾಯಿತಿ ನೀಡಿದ ಬೆನ್ನಲ್ಲೇ, ಕಟ್ಟಡ ಕಟ್ಟಿದವರು ಅರ್ಜಿ ಸಲ್ಲಿಸಲು ಆಗಸ್ಟ್ 15ರವರೆಗೆ ಕಾಲಾವಕಾಶ ವಿಸ್ತರಿಸಲಾಗಿದೆ.

ಇನ್ನು ಫುಟ್‌ಪಾತ್ ಒತ್ತುವರಿ ತೆರವು ವಿಚಾರದಲ್ಲಿ ಹೈಕೋರ್ಟ್ ಆದೇಶವನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಲಾಗುವುದು ಎಂದಿದ್ದಾರೆ. ನಗರದ 37 ಸಾವಿರ ಬೀದಿ ಬದಿ ವ್ಯಾಪಾರಿಗಳಿಗೆ ವಾಹನ ನೀಡಲು 60 ಕೋಟಿ ಮೀಸಲಿಡಲಾಗಿದ್ದು, ಮುಖ್ಯ ರಸ್ತೆ ಬಿಟ್ಟು ಅಕ್ಕಪಕ್ಕದಲ್ಲಿ ಜಾಗ ಗುರುತಿಸಲು ಸೂಚಿಸಲಾಗಿದೆ ಎಂದಿದ್ದಾರೆ.

ಇದನ್ನೂ ಓದಿ: ಅಟಲ್ ಸುರಂಗದ ಬಳಿ ಭೀಕರ ಅಪಘಾತ: ಸ್ಕಾರ್ಪಿಯೋ ಕಾರಿನೊಳಗೆ ನುಗ್ಗಿದ ಕಬ್ಬಿಣದ ರಾಡ್‌ಗಳು; ವಿಡಿಯೋ ವೈರಲ್! Atal Tunnel Accident

ಕರ್ನಾಟಕದ ಅಭಿವೃದ್ಧಿಗೆ ಮೆಗಾ ಪ್ಯಾಕೇಜ್‌ಗಳು!

ಸುದ್ದಿಗೋಷ್ಠಿಯಲ್ಲಿ ಡಿಕೆಶಿ ರಾಜ್ಯದ ವಿವಿಧ ಭಾಗಗಳಿಗೆ ಭರ್ಜರಿ ಯೋಜನೆಗಳನ್ನು ಪ್ರಕಟಿಸಿದ್ದಾರೆ. ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಜಂಟಿ ಸಹಭಾಗಿತ್ವದಲ್ಲಿ ಕಲಬುರಗಿಯಲ್ಲಿ ಸುಮಾರು 1,700 ಕೋಟಿ ವೆಚ್ಚದಲ್ಲಿ ಬೃಹತ್ ಜವಳಿ ಪಾರ್ಕ್ ಸ್ಥಾಪನೆಗೆ ಅನುಮೋದನೆ ನೀಡಲಾಗಿದೆ. ಇದರಿಂದ ಸಾವಿರಾರು ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ತಿಳಿಸಿದ್ದಾರೆ.

ಬೆಂಗಳೂರಿನ ಎನ್‌ಜಿಇಎಫ್ (NGEF) ಆವರಣದಲ್ಲಿ 26.23 ಕೋಟಿ ವೆಚ್ಚದಲ್ಲಿ ಟ್ರೀ ಪಾರ್ಕ್ ನಿರ್ಮಾಣಕ್ಕೆ ಅನುಷ್ಠಾನ ಅನುಮೋದನೆಯಾಗಿದೆ. ದೇವನಹಳ್ಳಿಯಲ್ಲಿ ಏರೋ ಪಾರ್ಕ್ ನಿರ್ಮಾಣಕ್ಕೆ 30 ಕೋಟಿ ಮಂಜೂರು ಮಾಡಲಾಗಿದೆ.

ಕೈಗಾರಿಕೆ ಇಲಾಖೆಯಿಂದ ವಿಕಲಚೇತನರ ಭೂ ಮೀಸಲಾತಿಗೆ ಶೇ.5 ಅನುದಾನ ನೀಡಲಾಗುತ್ತಿದ್ದು, ದರದಲ್ಲಿ ಶೇ.10 ಅಥವಾ 20 ಲಕ್ಷದವರೆಗೆ ರಿಯಾಯಿತಿ ಸಿಗಲಿದೆ ಎಂದಿದ್ದಾರೆ. ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯಡಿ ವಸತಿ ಶಾಲೆ/ಕಾಲೇಜು(ಮೌಲಾನ ಆಜಾದ್ ಶಾಲೆ)ಗಳ ವಿದ್ಯಾರ್ಥಿಗಳ ಸಮವಸ್ತ್ರ, ಶೂ ಮತ್ತು ಕ್ರೀಡಾ ಸಾಮಗ್ರಿಗಳಿಗೆ 33.06 ಕೋಟಿ ಬಿಡುಗಡೆ ಮಾಡಲಾಗಿದೆ.

ಇದನ್ನೂ ಓದಿ: ದಳಪತಿ ಅಭಿಮಾನಿಗಳಿಗೆ ಸಿಹಿ ಸುದ್ದಿ: 'ಜನನಾಯಗನ್' ಬಿಡುಗಡೆಗೆ CBFC ಹಸಿರು ನಿಶಾನೆ; ವಿಜಯ್ ಕೊನೆಯ ಸಿನಿಮಾ ಬಿಡುಗಡೆ ಯಾವಾಗ? Jananayagan

ವಿದ್ಯುತ್ ಖಾಸಗೀಕರಣ ಹಾಗೂ ಅಧಿವೇಶನ

ಬಿಜೆಪಿ ಸರ್ಕಾರದ ಅವಧಿಯಲ್ಲಿ ವಿದ್ಯುತ್ ಪ್ರಸರಣ ಖಾಸಗೀಕರಣಕ್ಕೆ ಲೈಸೆನ್ಸ್ ನೀಡಲಾಗಿತ್ತು. ಸರ್ಕಾರ ಇದನ್ನು ಸಮರ್ಥಿಸುವುದಿಲ್ಲ, ಸದ್ಯ ಇದನ್ನು ಕೆಇಆರ್‌ಸಿ (KERC) ತೀರ್ಮಾನಕ್ಕೆ ಬಿಡಲಾಗಿದೆ ಎಂದು ಡಿಕೆಶಿ ಸ್ಪಷ್ಟಪಡಿಸಿದರು.

ಇನ್ನು ರಾಜ್ಯದ ಎಲ್ಲಾ ರಸ್ತೆಗಳನ್ನು ಸರ್ಕಾರಿ ರಸ್ತೆಗಳಾಗಿ ದಾಖಲೆ ನಿರ್ಮಿಸಲು ಕಾನೂನು ಚೌಕಟ್ಟು ಸಿದ್ಧವಾಗುತ್ತಿದೆ. ಆಗಸ್ಟ್ 5 ರಂದು ಎಸ್‌ಐಆರ್ (SIR) ಕರಡು ಪ್ರಕಟವಾದ ಬಳಿಕ, ಆಗಸ್ಟ್ ಎರಡನೇ ಅಥವಾ ಮೂರನೇ ವಾರದಲ್ಲಿ ವಿಧಾನಸಭೆ ಅಧಿವೇಶನ ನಡೆಸಲು ದಿನಾಂಕ ನಿಗದಿಪಡಿಸಲಾಗುವುದು ಎಂದು ಅವರು ಮಾಹಿತಿ ನೀಡಿದ್ದಾರೆ, (ಏಜನ್ಸೀಸ್).

DKShivakumar