ದಳಪತಿ ಅಭಿಮಾನಿಗಳಿಗೆ ಸಿಹಿ ಸುದ್ದಿ: 'ಜನನಾಯಗನ್' ಬಿಡುಗಡೆಗೆ CBFC ಹಸಿರು ನಿಶಾನೆ; ವಿಜಯ್​ ಕೊನೆಯ ಸಿನಿಮಾ ಬಿಡುಗಡೆ ಯಾವಾಗ? Jananayagan

ಚೆನ್ನೈ: ಕಾಲಿವುಡ್​ ನಟ ಹಾಗೂ ಪ್ರಸ್ತುತ ತಮಿಳುನಾಡಿನ ಮುಖ್ಯಮಂತ್ರಿಯಾಗಿರುವ ಜೋಸೆಫ್​ ವಿಜಯ್​ ಅಲಿಯಾಸ್​ ದಳಪತಿ ವಿಜಯ್​ ಅವರ ಕೊನೆಯ ಸಿನಿಮಾ ಜನನಾಯಗನ್​​ (Jananayagan) ಸಿನಿಮಾಗೆ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) ಬಿಡುಗಡೆಗೆ ಹಸಿರು ನಿಶಾನೆ ನೀಡಿದೆ ಎಂದು ತಿಳಿದುಬಂದಿದೆ.

ಜನವರಿ 9 ರಂದು ತೆರೆಕಾಣಲು ಸಿದ್ದವಾಗಿದ್ದ ಈ ಸಿನಿಮಾ ಮತ್ತು ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) ನಡುವೆ ವ್ಯತ್ಯಾಸ ಉಂಟಾದ ಹಿನ್ನಲೆಯಲ್ಲಿ ಚಿತ್ರದ ಬಿಡುಗಡೆ ವಿಳಂಬವಾಗಿತ್ತು.

ದಳಪತಿ ವಿಜಯ್​ ಕಾಣಿಸಿಕೊಳ್ಳುತ್ತಿರುವ ಕೊನೆಯ ಸಿನಿಮಾ ಎಂದು ಹೇಳಲಾಗುತ್ತಿರುವ ಈ ಜನನಾಯಗ್​ ಸಿನಾಮಾಗೆ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ (CBFC) 'A' ಸರ್ಟಿಫಿಕೇಟ್​ (18 ವರ್ಷ ಮೇಲ್ಪಟ್ಟವರಿಗೆ ಮಾತ್ರ) ಅನ್ನು ನೀಡಿದೆ ಎಂಬ ಮಾಹಿತಿ ದೊರೆತಿದೆ.

ಲಭ್ಯ ಮಾಹಿತಿ ಪ್ರಕಾರ, ನಿರ್ದೇಶಕ ಎಚ್​, ವಿನೋತ್​ ಜುಲೈ ತಿಂಗಳಲ್ಲೇ ಸಿನಿಮಾ ಬಿಡುಗಡೆ ಮಾಡಲು ಮುಂದಾಗಿದ್ದಾರೆಂದು ಹೇಳಲಾಗುತ್ತಿದೆ. ಜುಲೈ 16 ಅಥವಾ ಜುಲೈ 23 ರಂದು ಸಿನಿಮಾ ಬಿಡುಗಡೆಯಾಗಲಿದೆ ಎಂಬ ಮಾಹಿತಿ ದೊರೆತಿದೆ. ಆದರೆ ಜುಲೈ 31 ರಂದು ವಿಜಯ್​ ಪುತ್ರ ಜೇಸನ್​ ನಿರ್ದೇಶನದ ಚೊಚ್ಚಲ ಸಿನಿಮಾ ಸಿಗ್ಮಾ ಬಿಡುಗಡೆಯಾಗುತ್ತಿರುವ ಹಿನ್ನಲೆ, ಜನನಾಯಗನ್​ ಸಿನಿಮಾ ಅಗಸ್ಟ್​ ತಿಂಗಳ ಮೊದಲ ವಾರ ತೆರೆಕಾಣಬಹುದು ಎನ್ನುವುದು ಸಿನಿಮಾ ತಜ್ಞರ ಅಭಿಪ್ರಾಯವಾಗಿದೆ, (ಏಜನ್ಸೀಸ್​).