ಪ್ರೇಕ್ಷಕನಿಂದ ಬುಮ್ರಾ, ಸಿರಾಜ್‌ಗೆ ಜನಾಂಗೀಯ ನಿಂದನೆ, ಭಾರತ ತಂಡ ದೂರು

ಸಿಡ್ನಿ: ಭಾರತ ತಂಡದ ಬೌಲರ್‌ಗಳಾದ ಜಸ್‌ಪ್ರೀತ್ ಬುಮ್ರಾ ಮತ್ತು ಮೊಹಮದ್ ಸಿರಾಜ್ ಆಸೀಸ್ ವಿರುದ್ಧದ 3ನೇ ಟೆಸ್ಟ್ ಪಂದ್ಯದ ವೇಳೆ ಆಸ್ಟ್ರೇಲಿಯಾದ ಕುಡುಕ ಪ್ರೇಕ್ಷಕನಿಂದ ಜನಾಂಗೀಯ ನಿಂದನೆ ಎದುರಿಸಿದ್ದಾರೆ. ಭಾರತ ತಂಡ ಈ ಸಂಬಂಧ ಐಸಿಸಿ ಮ್ಯಾಚ್ ರೆಫ್ರಿ ಡೇವಿಡ್ ಬೂನ್‌ಗೆ ಶನಿವಾರ ಅಧಿಕೃತವಾಗಿ ದೂರು ಸಲ್ಲಿಸಿದೆ.

ಎಸ್‌ಸಿಜಿ ಮೈದಾನದ ಸ್ಟಾೃಂಡ್‌ನಿಂದ ಕುಡುಕ ಪ್ರೇಕ್ಷಕ, ಸಿರಾಜ್ ಅವರನ್ನು ‘ಮಂಗ’ ಎಂದು ನಿಂದಿಸಿದ್ದಾನೆ. ಭಾರತದ ಒಟ್ಟಾರೆ ನಾಲ್ವರು ಆಟಗಾರರು ನಿಂದನೆಗೆ ಗುರಿಯಾಗಿದ್ದಾರೆ ಎಂದೂ ಹೇಳಲಾಗಿದೆ. ಈ ಘಟನೆ 2007-08ರ ಆಸೀಸ್ ಪ್ರವಾಸದ ಮಂಕಿಗೇಟ್ ಪ್ರಕರಣವನ್ನು ನೆನಪಿಸಿದೆ. ಆಗ ಸಿಡ್ನಿ ಟೆಸ್ಟ್‌ನಲ್ಲೇ ಆ್ಯಂಡ್ರ್ಯೋ ಸೈಮಂಡ್ಸ್‌ರನ್ನು ಹರ್ಭಜನ್ ಸಿಂಗ್ ‘ಮಂಕಿ’ ಎಂದು ನಿಂದಿಸಿದ್ದರು ಎಂಬ ಆರೋಪ ಎದುರಾಗಿತ್ತು. ಬಳಿಕ ಬಜ್ಜಿ ಆರೋಪಮುಕ್ತಗೊಂಡಿದ್ದರು.

ಇದನ್ನೂ ಓದಿ: ಸಿಡ್ನಿ ಟೆಸ್ಟ್‌ನಲ್ಲಿ ಭಾರತ ತಂಡಕ್ಕೆ ಇನಿಂಗ್ಸ್ ಹಿನ್ನಡೆ, ಗಾಯದ ಹೊಡೆತ

ಆಸ್ಟ್ರೇಲಿಯಾದ 2ನೇ ಇನಿಂಗ್ಸ್ ವೇಳೆ ಫೀಲ್ಡಿಂಗ್ ಮಾಡುತ್ತಿದ್ದಾಗ ಬುಮ್ರಾ, ಸಿರಾಜ್‌ಗೆ ನಿಂದನೆ ಎದುರಾಗಿದೆ. ಭಾರತ ತಂಡದ ದೂರಿನಿಂದ 3ನೇ ದಿನದಾಟದ ಬಳಿಕ ಅಂಪೈರ್‌ಗಳು ಮತ್ತು ಮೈದಾನದ ಭದ್ರತಾ ಸಿಬ್ಬಂದಿ, ಬುಮ್ರಾ-ಸಿರಾಜ್ ಅವರಲ್ಲದೆ ನಾಯಕ ಅಜಿಂಕ್ಯ ರಹಾನೆ ಜತೆಗೂ ಘಟನೆಯ ಬಗ್ಗೆ ಮಾತನಾಡಿದ್ದಾರೆ. ಪಂದ್ಯಕ್ಕೆ ಪ್ರತಿದಿನ ಕೇವಲ 10 ಸಾವಿರ ಪ್ರೇಕ್ಷಕರ ಪ್ರವೇಶಕ್ಕೆ ಅವಕಾಶ ನೀಡಲಾಗಿದೆ.

https://www.vijayavani.net/ipl-stars-in-domestic-t20-cricket/

https://www.vijayavani.net/gymnast-does-gravity-defying-backflips-in-a-saree-and-the-internet-cant-keep-calm/

https://www.vijayavani.net/sydney-ravindra-jadeja-steve-smith-runout-direct-hit-test-cricket-fielding/

https://www.vijayavani.net/csk-players-released-list-for-14ipl/