ಬೆಂಗಳೂರು: ಕನ್ನಡದ ಬೃಹತ್ ರಿಯಾಲಿಟಿ ಶೋ ಬಿಗ್ ಬಾಸ್ ಕನ್ನಡ ಹತ್ತನೇ ಆವೃತ್ತಿಯ ಹದಿನಾರು ಸ್ಪರ್ಧಿಗಳ ಪೈಕಿ ಈಗಾಗಲೇ ಆರು ಸ್ಪರ್ಧಿಗಳ ಅಧಿಕೃತ ಘೋಷಣೆ ಮಾಡಲಾಗಿದೆ. ಆದರೆ ಈ ಮಧ್ಯೆ ಸ್ಪರ್ಧೆಗೆ ಆಕಾಂಕ್ಷಿ ಆಗಿದ್ದವರೊಬ್ಬರ ಪರಿಸ್ಥಿತಿ ‘ಹಾರದ ಡ್ರೋನ್ ಹೋಲ್ಡ್ನಲ್ಲಿ ಪ್ರತಾಪ’ ಎಂಬಂತಾಗಿದೆ.
ಹೌದು.. ಬಿಗ್ಬಾಸ್ ರಿಯಾಲಿಟಿ ಶೋಗೆ ಸಂಭಾವ್ಯ ಸ್ಪರ್ಧಿಗಳ ಪೈಕಿ ಒಬ್ಬರಾಗಿರುವ ಡ್ರೋನ್ ಪ್ರತಾಪ್ ಆರಂಭಿಕ ಹಂತದಲ್ಲಿ ಬಿಗ್ ಬಾಸ್ ಮನೆಯೊಳಕ್ಕೆ ಪ್ರವೇಶ ಮಾಡುವಲ್ಲಿ ವಿಫಲರಾಗಿದ್ದಾರೆ. ಬಿಗ್ ಬಾಸ್ ಮನೆಯೊಳಕ್ಕೆ ಪ್ರವೇಶ ನಿಗದಿ ಮಾಡುವ ನಿಟ್ಟಿನಲ್ಲಿ ಪ್ರೇಕ್ಷಕರ ಸಮ್ಮುಖದಲ್ಲಿ ನಡೆಸಲಾದ ವೋಟಿಂಗ್ನಲ್ಲಿ ಪ್ರತಾಪ್ ಅಗತ್ಯ ಸಂಖ್ಯೆಯ ಮತ ಗಳಿಸದ್ದರಿಂದ ಬಿಗ್ ಬಾಸ್ ಮನೆ ಪ್ರವೇಶ ಸದ್ಯಕ್ಕೆ ತಪ್ಪಿಹೋಗಿದೆ.
ಡ್ರೋನ್ ಪ್ರತಾಪ್ಗೆ ಪ್ರೇಕ್ಷಕರಿಂದ ಶೇ. 41 ಮತಗಳಷ್ಟೇ ಸಿಕ್ಕಿರುವುದರಿಂದ ಅವರ ಬಿಗ್ ಬಾಸ್ ಮನೆ ಪ್ರವೇಶವನ್ನು ಸದ್ಯ ಹೋಲ್ಡ್ನಲ್ಲಿ ಇಡಲಾಗಿದೆ. ಹಾಗಂತ ಇದೇ ಅಂತಿಮ ಅಂತೇನಲ್ಲ. ಹೋಲ್ಡ್ನಲ್ಲಿ ಇಡಲಾದ ಸಂಭಾವ್ಯ ಸ್ಪರ್ಧಿಗಳಿಗೆ ಬಿಗ್ ಬಾಸ್ ಮನೆ ಪ್ರವೇಶಕ್ಕೆ ಇನ್ನೊಂದು ಅವಕಾಶ ಸಿಗುವ ಸಾಧ್ಯತೆ ಇರುತ್ತದೆ.
ಇದನ್ನೂ ಓದಿ: ನಮಸ್ಕಾರ ದೇವ್ರು.. ಇಲ್ಲಿ ದೇವ್ರದ್ದೇ ಬ್ಯಾಟಿಂಗ್-ಫೀಲ್ಡಿಂಗ್!; ಡಾ.ಬ್ರೋ ಭೇಟಿ ನೀಡಿರುವ ಈ ಕ್ರಿಕೆಟ್ ದೇವಸ್ಥಾನ ಎಲ್ಲಿದೆ?
ಅಂದರೆ, ಹೋಲ್ಡ್ನಲ್ಲಿರುವ ಸಂಭಾವ್ಯರ ಪೈಕಿ ಗರಿಷ್ಠ ಅಂಕ ಪಡೆದ ಒಬ್ಬರಿಗೆ ಸ್ಪರ್ಧಿಯಾಗುವ ಅವಕಾಶ ಇರುತ್ತದೆ. ಸದ್ಯ 777 ಚಾರ್ಲಿ ಖ್ಯಾತಿಯ ನಟಿ ಸಂಗೀತಾ ಶೃಂಗೇರಿ, ನಟ ಬುಲೆಟ್ ಪ್ರಕಾಶ್ ಪುತ್ರ ರಕ್ಷತ್ ಬುಲೆಟ್, ನಟಿ ತನಿಷಾ ಕುಪ್ಪಂಡ ಕೂಡ ಹೋಲ್ಡ್ನಲ್ಲಿದ್ದಾರೆ. ಸುರಸುಂದರ ಅವಿನಾಶ್ ಕಡಿಮೆ ಅಂಕ ಬಂದಿದ್ದರಿಂದ ಸ್ಪರ್ಧಿ ಆಗುವ ಅವಕಾಶ ಕಳೆದುಕೊಂಡಿದ್ದಾರೆ.
ಬಿಗ್ ಬಾಸ್ ಕನ್ನಡ ಸೀಸನ್ 10 ಮೊದಲ ಸ್ಪರ್ಧಿಯಾಗಿ ಕಿರುತೆರೆ ನಟಿ ನಮ್ರತಾ ಗೌಡ ಆಯ್ಕೆ ಆಗಿದ್ದಾರೆ. ಬಿಗ್ ಬಾಸ್ ನಿರೂಪಕ ಕಿಚ್ಚ ಸುದೀಪ್ ನೀಡಿದ ಟಾಸ್ಕ್ನಂತೆ ಈಕೆಯೇ ಬಿಗ್ ಬಾಸ್ ಮನೆಯ ಹಾಲು ಉಕ್ಕಿಸಿದ್ದಾರೆ. ಉಳಿದಂತೆ ಸ್ನೇಹಿತ್ ಗೌಡ, ಈಶಾನಿ, ಸಂತೋಷ್ ಕುಮಾರ್, ನೀತು ವನಜಾಕ್ಷಿ, ಸಿರಿ, ವಿನಯ್ ಗೌಡ ಸ್ಪರ್ಧಿಗಳಾಗಿ ಆಯ್ಕೆ ಆಗಿದ್ದಾರೆ.
ಖಿನ್ನತೆ ತಲೆಯ ಸಮಸ್ಯೆ, ಅದಾಗ್ಯೂ ಪರಿಹಾರ ಕಾಲುಗಳಲ್ಲಿದೆ!; ಅಧ್ಯಯನದಲ್ಲಿ ಬಹಿರಂಗ
ಇವರೆಲ್ಲ ದುಡಿಯದೇ ಕೋಟ್ಯಧಿಪತಿಗಳು; ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡಿದ್ರೆ ಕೋಟಿಗಟ್ಟಲೆ ಹಣ!