ಡ್ರೋನ್​ ಪ್ರತಾಪ್​ ಅನಾರೋಗ್ಯ ವಿಚಾರ: ನಿಜವಾಗಿಯೂ ನಡೆದಿದ್ದೇನು? ಅಸಮಾಧಾನ ಹೊರಹಾಕಿದ ಮೈಕಲ್​

ಬೆಂಗಳೂರು: ಬಿಗ್​​ಬಾಸ್​ ಮನೆಯಿಂದ ಡ್ರೋನ್​ ಪ್ರತಾಪ್ ಕೆಲ ಸಮಯ ಕಣ್ಮರೆಯಾದ ಸುದ್ದಿ ಕೆಲ ದಿನಗಳ ಹಿಂದೆ ಹರಿದಾಡಿತ್ತು. ದೊಡ್ಮನೆಯಲ್ಲಿ ಪ್ರತಾಪ್​ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ ಎಂದು ವದಂತಿಯನ್ನು ಹಬ್ಬಿಸಲಾಗಿತ್ತು. ಆದರೆ, ಅದು ಸುಳ್ಳು ಸುದ್ದಿ ಪ್ರತಾಪ್​ಗೆ ಫುಡ್​ ಪಾಯಿಸನ್​ ಆಗಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದಾರೆ ಎಂದು ಬಿಗ್​ಬಾಸ್​ ಮೂಲಗಳು ಸ್ಪಷ್ಟನೆ ಸಹ ನೀಡಿದವು. ಇದೀಗ ಪ್ರತಾಪ್​ ಅನಾರೋಗ್ಯ ವಿಚಾರವಾಗಿ ಕಳೆದ ವಾರವಷ್ಟೇ ಮನೆಯಿಂದ ಹೊರಬಂದ ಮೈಕಲ್​ ಅಜಯ್​ ಮಾತನಾಡಿದ್ದು, ಪ್ರತಾಪ್​ ವಿರುದ್ಧ ಅಸಮಾಧಾನ ಹೊರಹಾಕಿದ್ದಾರೆ.

ವಿಜಯವಾಣಿ ಸಂದರ್ಶನದಲ್ಲಿ ಡ್ರೋನ್​ ಪ್ರತಾಪ್​ ಅನಾರೋಗ್ಯ ವಿಚಾರ ಪ್ರಸ್ತಾಪ ಮಾಡಿದ ಮೈಕಲ್​, ಅಸಮಾಧಾನವನ್ನು ಹೊರಹಾಕಿದರು. ಆಸ್ಪತ್ರೆಯಿಂದ ಮನೆಗೆ ವಾಪಸ್​ ಬಂದಾಗ ಪ್ರತಾಪ್​ ಒಂದು ಭಾಷಣ ಮಾಡಿದ. ಆತನ ಮಾತು ಮುಗಿಯುತ್ತಿದ್ದಂತೆ ಸಂಗೀತಾ ಮುಂದೆ ಹೋಗಿ ಇನ್ನೂ ಮೂರೇ ವಾರ ಇದೆ ಈ ರೀತಿ ಚುಚ್ಚು ಚುಚ್ಚಿ ಮಾತನಾಡಬಾರದು ಎಂದರು. ಆ ಸಮಯದಲ್ಲಿ ಆ ವಿಚಾರವನ್ನು ಹೇಳಲು ಕಾರಣವೇ ಇರಲಿಲ್ಲ. ಏಕೆಂದರೆ, ನಾವ್ಯಾರು ಪ್ರತಾಪ್​ಗೆ ಏನು ಹೇಳಿರಲಿಲ್ಲ. ಅವನು ಊಟ ಮಾಡದೇ ಇರಲು ಯಾರೊಬ್ಬರು ಕೂಡ ಕಾರಣರಲ್ಲ. ಆ ಸಮಯದಲ್ಲಿ ನಾವೇ ಏನೋ ಮಾಡಿದ್ದೀವಿ ಎಂಬಂತೆ ಬಿಂಬಿಸುವ ಪ್ರಯತ್ನವು ಕೂಡ ನಡೆದಿತ್ತು. ಇದು ಯಾಕೋ ನನಗೆ ಸರಿ ಅನಿಸಲಿಲ್ಲ ಎಂದು ಮೈಕಲ್​ ಅಸಮಾಧಾನ ಹೊರಹಾಕಿದರು.

ಡ್ರೋನ್​ ಪ್ರತಾಪ್​ ಅವರನ್ನು ತಂತ್ರಿ ಎಂದು ಉಲ್ಲೇಖಿಸಿದ ಮೈಕಲ್​, ಚೆನ್ನಾಗಿ ಆಡುತ್ತಿದ್ದಾನೆ. ಜನರಿಗೆ ಏನು ಇಷ್ಟ ಆಗುತ್ತದೆ ಎಂಬುದು ಆತನಿಗೆ ಚೆನ್ನಾಗಿ ಗೊತ್ತಿದೆ. ಹಳ್ಳಿ ಕಡೆ ಜನರು ಮುಗ್ಧ ಮನಸ್ಸಿನಿಂದ ನೋಡುವವರಿಗೆ ಅಯ್ಯೋ ಪಾಪ ಅನಿಸುವಂತೆ ಆಡುತ್ತಿದ್ದಾನೆ. ಇದು ಆತನಿಗೆ ಚೆನ್ನಾಗಿ ಉಪಯೋಗ ಸಹ ಆಗುತ್ತಿದೆ. ತುಂಬಾ ಸ್ಮಾರ್ಟ್​ ಆಗಿ ಆಡುತ್ತಿದ್ದಾನೆ ಎಂದು ಹೇಳಿದರು.

ಇದೇ ಸಂದರ್ಭದಲ್ಲಿ ವಿನಯ್​ ಬಗ್ಗೆ ಮಾತನಾಡಿದ ಮೈಕಲ್​, ವಿನಯ್​ ಅಂದ್ರೆ ಆಕ್ರಮಣಕಾರಿ ಎಂದು ಹೇಳಬಹುದು. ಏಕೆಂದರೆ, ಎಲ್ಲಾ ಟಾಸ್ಕ್​ಗಳಲ್ಲಿಯೂ ಆಕ್ರಮಣಕಾರಿಯಾಗಿ ಆಡುತ್ತಾರೆ ಮತ್ತು ಮಾತನಾಡುವುದು ಕೂಡ ಆಕ್ರಮಣಕಾರಿಯಾಗಿ ಮಾತನಾಡುತ್ತಾರೆ. ಕೆಲವೊಮ್ಮೆ ಮೃದುವಾಗಿ ಮಾತನಾಡುವಾಗ ಯಾಕೆ ರೀತಿ ಮಾತನಾಡುತ್ತಿದ್ದಾನೆ ಅಂತ ನಮಗೂ ಅನಿಸುತ್ತದೆ. ಹೀಗಾಗಿ ಆಕ್ರಮಣಕಾರಿಯಾಗಿಯೇ ಅವರು ಇರಬೇಕು ಎಂದು ಮೈಕಲ್​ ಅಭಿಪ್ರಾಯ ವ್ಯಕ್ತಪಡಿಸಿದರು.

ಬಿಗ್​ಬಾಸ್​ ಫಿನಾಲೆಗೆ ಇನ್ನೇನು ಕೆಲವೇ ವಾರಗಳು ಬಾಕಿಯಿದ್ದು, ಸ್ಫರ್ಧಿಗಳು ಗೆಲ್ಲಬೇಕೆಂಬ ಹಂಬಲದೊಂದಿಗೆ ಒಂದಿಲ್ಲೊಂದು ಸ್ಟ್ರಾಟರ್ಜಿ ಮಾಡುತ್ತಿದ್ದಾರೆ. ವಿನಯ್​ ಗೌಡ, ಸಂಗೀತಾ ಶೃಂಗೇರಿ, ಕಾರ್ತಿಕ್, ಡ್ರೋನ್​ ಪ್ರತಾಪ್​, ತನಿಷಾ ಕುಪ್ಪಂಡ, ತುಕಾಲಿ ಸಂತೋಷ್​, ವರ್ತೂರು ಸಂತೋಷ್​ ಹಾಗೂ ನಮ್ರತಾ ಗೌಡ ಯಾರು ಟಾಪ್​ ಐದು ಸ್ಫರ್ಧಿಗಳಾಗಲಿದ್ದಾರೆ ಎಂದು ಕಾದು ನೋಡಬೇಕಿದೆ.

https://www.vijayavani.net/bigg-boss-kannada-contestant-michael-ajay-reveals-interesting-facts-about-show

https://www.vijayavani.net/colors-kannada-gives-clarification-over-drone-prathap-rumors

https://www.vijayavani.net/drone-pratap-health-has-suddenly-deteriorated-in-bigg-boss-house