1 ಮಿಲಿಯನ್​ ಫಾಲೋವರ್ಸ್​ಗೆ ಬಿಕಿನಿ ವಿಡಿಯೋ ಗಿಫ್ಟ್​ ಅಂತೆ! ನೆಟ್ಟಿಗರಿಗೆ ಹೆದರಿ ಸೋನು ಏನು ಮಾಡಿದ್ದಾರೆ ನೋಡಿ…

ಬೆಂಗಳೂರು: ಇನ್​ಸ್ಟಾಗ್ರಾಂನಲ್ಲಿ ಒಂದು ಮಿಲಿಯನ್​ ಫಾಲೋವರ್ಸ್ ಆಗಿದ್ದಕ್ಕೆ ತುಂಬಾ ಖುಷಿಯಲ್ಲಿರುವ ಮಾಜಿ ಬಿಗ್​ಬಾಸ್​ ಸ್ಪರ್ಧಿ ಹಾಗೂ ಟ್ರೋಲಿಗರ ಫೇವರಿಟ್​ ಸೋನು ಶ್ರೀನಿವಾಸ ಗೌಡ ಬಿಕಿನಿ ವಿಡಿಯೋವನ್ನು ಹಂಚಿಕೊಂಡಿದ್ದಾಳೆ. ​

ಸಾಮಾಜಿಕ ಜಾಲತಾಣವನ್ನು ಹೆಚ್ಚು ಬಳಸುವವರಿಗೆ ಸೋನು ಶ್ರೀನಿವಾಸ ಗೌಡರನ್ನು ಪರಿಚಯಿಸುವ ಅಗತ್ಯವಿಲ್ಲ. ಏಕೆಂದರೆ, ಆಕೆಯ ಬಗ್ಗೆ ಸಿಕ್ಕಾಪಟ್ಟೆ ಟ್ರೋಲ್​ ವಿಡಿಯೋಗಳು ಮತ್ತು ಮೀಮ್ಸ್​ ಯಾವಾಗಲೂ ಹರಿದಾಡುತ್ತಲೇ ಇರುತ್ತವೆ. ಪ್ರತಿಭೆಯಿಂದ ಗುರುತಿಸಿಕೊಳ್ಳಲು ಸಾಧ್ಯವಾಗದೇ ವಿವಾದಗಳಿಂದಲೇ ಹೆಚ್ಚು ಸದ್ದು ಮಾಡಿರುವ ಮತ್ತು ಮಾಡುತ್ತಿರುವ ಸೋನು, ವಿವಾದಗಳ ಕಾರಣದಿಂದಲೇ ವಿವಾದಿತ ಬಿಗ್​ಬಾಸ್​ ಶೋನಲ್ಲೂ ಭಾಗವಹಿಸಿ ಕೆಲವೇ ವಾರಕ್ಕೆ ಹೊರಗಡೆ ಬಂದಿದ್ದು ಅನೇಕರಿಗೆ ತಿಳಿದಿದೆ.

ಇದನ್ನೂ ಓದಿ: ಪೊಲೀಸ್​ ಇಲಾಖೆಗೆ ಮೇಜರ್​ ಸರ್ಜರಿ: 35 IPS​ ಅಧಿಕಾರಿಗಳ ವರ್ಗಾವಣೆ, ಬೆಂಗಳೂರಿನ ಬಹುತೇಕರಿಗೆ ಗೇಟ್​ಪಾಸ್

ಪ್ರಸ್ತುತ ಸೋನು ಗೌಡ ಪ್ರವಾಸಿಗರ ಸ್ವರ್ಗ ಮಾಲ್ಡೀವ್ಸ್​ನಲ್ಲಿ ಬೀಡುಬಿಟ್ಟಿದ್ದಾರೆ. ಪ್ರಕೃತಿಯ ಸೌಂದರ್ಯವನ್ನು ಸವಿತ್ತಿರುವುದರ ಜತೆಗೆ ಹಾಟ್​ ಫೋಟೋ ಮತ್ತು ವಿಡಿಯೋಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹರಿಬಿಡುವುದರೊಂದಿಗೆ ಪಡ್ಡೆ ಹುಡುಗರ ಮೈ ಬಿಸಿಯೇರಿಸುತ್ತಿದ್ದಾರೆ. ಅವರ ಫೋಟೋ ಮತ್ತು ವಿಡಿಯೋಗಳು ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದ್ದು, ಟ್ರೋಲಿಗರನ್ನು ಕೆರಳಿಸುತ್ತಿವೆ. ಹೀಗಾಗಿ ಕಾಮೆಂಟ್​ ಬಾಕ್ಸ್​ನಲ್ಲಿ ಅಶ್ಲೀಲ ಕಾಮೆಂಟ್​ಗಳೇ ತುಂಬಿ ಹೋಗಿವೆ.

ನಿನ್ನೆಯಷ್ಟೇ ಸೋನು ಗೌಡ ಅವರ ಇನ್​ಸ್ಟಾಗ್ರಾಂ ಖಾತೆ 1 ಮಿಲಿಯನ್​ ಫಾಲೋವರ್ಸ್​ ದಾಟಿದ್ದು, ಇದೇ ಖುಷಿಯಲ್ಲಿ ಬಿಕಿನಿ ವಿಡಿಯೋ ಹಂಚಿಕೊಂಡಿರುವ ಸೋನು, ಈ ವಿಡಿಯೋ 1 ಮಿಲಿಯನ್​ ಫಾಲೋವರ್ಸ್​ ಆಗಿದ್ದಕ್ಕೆ ಎಂದು ಅಡಿಬರಹ ಬರೆದುಕೊಂಡಿದ್ದಾಳೆ. ಬಿಕಿನಿ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿದ್ದು, 14 ಲಕ್ಷ ವೀಕ್ಷಣೆ ಮತ್ತು 58 ಸಾವಿರಕ್ಕೂ ಹೆಚ್ಚು ಲೈಕ್ಸ್​ ಬಂದಿವೆ.

ಆದರೆ, ಕಾಮೆಂಟ್​ನಲ್ಲಿ ಜನರು ಕೆಟ್ಟ ಕಾಮೆಂಟ್​ಗಳನ್ನು ಮಾಡುತ್ತಾರೆ ಅಂತ ಕಾಮೆಂಟ್​ ಮಾಡುವ ಆಪ್ಸನ್​ ಅನ್ನೇ ನಿಖರವಾಗಿ ಬಿಕಿನಿ ವಿಡಿಯೋಗೆ ಆಫ್​ ಮಾಡಿದ್ದಾರೆ. ಆದರೂ ಬೇರೆ ವಿಡಿಯೋಗಳಲ್ಲಿ ಸೋನು ಅವರನ್ನು ನೆಟ್ಟಿಗರು ತರಾಟೆಗೆ ತೆಗೆದುಕೊಂಡಿದ್ದಾರೆ. ಹದ್ದು ಮೀರಿದ್ದಾಳೆ ಎಂದು ಟೀಕಾ ಪ್ರಹಾರ ಮಾಡುತ್ತಿದ್ದಾರೆ. ಇನ್ನು ಕೆಲವರು ಸೋನು ಬೆಂಬಲಕ್ಕೆ ನಿಂತಿದ್ದು, ಅವರ ಜೀವನ, ಅವರ ಇಷ್ಟ. ನೀವು ಎಂಜಾಯ್​ ಮಾಡಿ, ಕೆಟ್ಟ ಕಾಮೆಂಟ್​ಗಳಿಗೆ ತಲೆ ಕೆಡಿಸಿಕೊಳ್ಳಬೇಡಿ ಎಂದು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ: ಶಿಕ್ಷಕರ ಬೇಡಿಕೆ ಪರಿಗಣಿಸಿ: ಶಿಕ್ಷಣೇತರ ಚಟುವಟಿಕೆಗಳಿಂದ ಶಿಕ್ಷಕರಿಗೆ ಮುಕ್ತಿ ಯಾವಾಗ?

ವಿವಾದಗಳು ಹಾಗೂ ಬಿಗ್​ಬಾಸ್​ ಸ್ಪರ್ಧೆಯಿಂದ ಪಡೆದ ಖ್ಯಾತಿಯಿಂದ ಸೋನು ಶ್ರೀನಿವಾಸ್​ ಗೌಡ ಅವರಿಗೆ ಸಿನಿಮಾ ಆಫರ್​ಗಳು ಬರುತ್ತಿವೆ. ಬರೀ ಸಿನಿಮಾ ಮಾತ್ರವಲ್ಲ, ವೆಬ್​ ಸಿರೀಸ್​ ಮತ್ತು ಶಾರ್ಟ್​ ಸಿನಿಮಾಗಳಲ್ಲೂ ಈಕೆ ಬಣ್ಣ ಹಚ್ಚಿದ್ದಾರಂತೆ. ಟಿಕ್​ಟಾಕ್​ ಮಾಡಿದಷ್ಟು ಸುಲಭವಲ್ಲ ಈ ಸಿನಿಮಾವೆಂದು ಆಕೆ ಈ ಹಿಂದೆ ಹೇಳಿಕೊಂಡಿದ್ದಾಳೆ. ಕ್ಯಾಡ್ಬರೀಸ್​ ಜತೆಗೆ ಅನೇಕ ಸಿನಿಮಾಗಳಲ್ಲಿ ಅವಕಾಶ ಸಿಗುತ್ತಿದೆ. ಎಲ್ಲ ಸಿನಿಮಾಗಳಲ್ಲೂ ಬೋಲ್ಡ್ ಪಾತ್ರವನ್ನೇ ಮಾಡುವಂತೆ ಕೇಳುತ್ತಿದ್ದಾರೆ. ಆದರೆ ಈಗ ಅದರಿಂದಲೇ ಆರಂಭಿಸಿದರೆ ಮುಂದೆ ಬೇರೆ ಪಾತ್ರಗಳಿಗೆ ಅವಕಾಶ ಸಿಗುವುದಿಲ್ಲವೆಂದು ನಾನೇ ಸುಮ್ಮನಾಗಿದ್ದೇನೆ. ಬೇರೆ ರೀತಿಯ ಪಾತ್ರಗಳನ್ನು ಮಾಡುತ್ತೇನೆ ಎಂದು ಆಕೆ ಈ ಹಿಂದೆ ಹೇಳಿಕೊಂಡಿದ್ದರು.

https://www.vijayavani.net/bigg-boss-former-contestant-sonu-srinivas-gowda-befitting-reply-for-bad-comments

https://www.vijayavani.net/bigg-boss-former-contestant-sonu-srinivas-gowda-shares-pics-from-maldives-tour