ಡಿಯರ್​ ಹೇಟರ್ಸ್​… ಕೆಟ್ಟದಾಗಿ ಕಾಮೆಂಟ್​ ಮಾಡುವವರಿಗೆ ಹಾಟ್​ ವಿಡಿಯೋ ಮೂಲಕವೇ ಸೋನು ತಿರುಗೇಟು!

ಬೆಂಗಳೂರು: ಹಾಟ್​ ವಿಡಿಯೋವೊಂದನ್ನು ಹಂಚಿಕೊಳ್ಳುವ ಮೂಲಕ ಕೆಟ್ಟ ಕಾಮೆಂಟ್​ ಮಾಡಿ, ಟ್ರೋಲ್​ ಮಾಡುವವರಿಗೆ ಮಾಜಿ ಬಿಗ್​ಬಾಸ್​ ಸ್ಪರ್ಧಿ ಹಾಗೂ ವಿವಾದಗಳಿಂದಲೇ ಸುದ್ದಿಯಾದ ಸ್ವಯಂಘೋಷಿತ ಸೋಶಿಯಲ್​ ಮೀಡಿಯಾ ಸೆಲೆಬ್ರಿಟಿ ಸೋನು ಶ್ರೀನಿವಾಸ ಗೌಡ ಅವರು ಖಡಕ್​ ತಿರುಗೇಟನ್ನು ನೀಡಿದ್ದಾರೆ.

ಸಾಮಾಜಿಕ ಜಾಲತಾಣವನ್ನು ಹೆಚ್ಚು ಬಳಸುವವರಿಗೆ ಸೋನು ಶ್ರೀನಿವಾಸ ಗೌಡರನ್ನು ಪರಿಚಯಿಸುವ ಅಗತ್ಯವಿಲ್ಲ. ಏಕೆಂದರೆ, ಆಕೆಯ ಬಗ್ಗೆ ಸಿಕ್ಕಾಪಟ್ಟೆ ಟ್ರೋಲ್​ ವಿಡಿಯೋಗಳು ಮತ್ತು ಮೀಮ್ಸ್​ ಯಾವಾಗಲೂ ಹರಿದಾಡುತ್ತಲೇ ಇರುತ್ತವೆ. ಪ್ರತಿಭೆಯಿಂದ ಗುರುತಿಸಿಕೊಳ್ಳಲು ಸಾಧ್ಯವಾಗದೇ ವಿವಾದಗಳಿಂದಲೇ ಹೆಚ್ಚು ಸದ್ದು ಮಾಡಿರುವ ಮತ್ತು ಮಾಡುತ್ತಿರುವ ಸೋನು, ವಿವಾದಗಳ ಕಾರಣದಿಂದಲೇ ವಿವಾದಿತ ಬಿಗ್​ಬಾಸ್​ ಶೋನಲ್ಲೂ ಭಾಗವಹಿಸಿ ಕೆಲವೇ ವಾರಕ್ಕೆ ಹೊರಗಡೆ ಬಂದಿದ್ದು ಅನೇಕರಿಗೆ ತಿಳಿದಿದೆ.

ಇದನ್ನೂ ಓದಿ: ಗುತ್ತಿಗೆದಾರರ ಸಮಾಧಾನಕ್ಕೆ ಸರ್ಕಾರ ಪಾವತಿ ಸೂತ್ರ: 80:20 ಅನುಪಾತದಲ್ಲಿ ಬಾಕಿ ಪಾವತಿಗೆ ನಿರ್ಧಾರ

ತಾಜಾ ವಿಚಾರ ಏನೆಂದರೆ ಪ್ರಸ್ತುತ ಸೋನು ಗೌಡ ಪ್ರವಾಸಿಗರ ಸ್ವರ್ಗ ಮಾಲ್ಡೀವ್ಸ್​ನಲ್ಲಿ ಬೀಡುಬಿಟ್ಟಿದ್ದಾರೆ. ಪ್ರಕೃತಿಯ ಸೌಂದರ್ಯವನ್ನು ಸವಿತ್ತಿರುವುದರ ಜತೆಗೆ ಬಿಕಿನಿ ಫೋಟೋ ಸೇರಿದಂತೆ ಹಾಟ್​ ಫೋಟೋಗಳನ್ನು ಇನ್​ಸ್ಟಾಗ್ರಾಂನಲ್ಲಿ ಹರಿಬಿಡುವ ಮೂಲಕ ಪಡ್ಡೆ ಹುಡುಗರ ಮೈ ಬಿಸಿಯೇರಿಸುತ್ತಿದ್ದಾರೆ. ಆದರೆ, ಸೋನು ಗೌಡ ಹಾಟ್​ ಅವತಾರ ಕಂಡು ಸಾಕಷ್ಟು ಮಂದಿ ಅಶ್ಲೀಲ ಕಾಮೆಂಟ್​ಗಳನ್ನು ಮಾಡುವ ಮೂಲಕ ಟ್ರೋಲ್​ ಮಾಡುತ್ತಿದ್ದಾರೆ. ಬಹುತೇಕ ಮಂದಿ ಕೆಟ್ಟ ಕಾಮೆಂಟ್​ಗಳನ್ನೇ ಮಾಡಿದ್ದಾರೆ.

ಕೆಟ್ಟ ಕಾಮೆಂಟ್​ಗಳನ್ನು ಗಮನಿಸಿರುವ ಸೋನು ಗೌಡ ಇದೀಗ ವಿಡಿಯೋವೊಂದನ್ನು ಹಂಚಿಕೊಂಡು ಅಶ್ಲೀಲ ಕಾಮೆಂಟ್​ ಮಾಡುವವರಿಗೆ ಖಡಕ್​ ಪ್ರತಿಕ್ರಿಯೆ ನೀಡಿದ್ದಾರೆ. "ಡಿಯರ್​ ಹೇಟರ್ಸ್​ (ಪ್ರೀತಿಯ ದ್ವೇಷಿಗಳೇ) ಕಾಮೆಂಟ್​ ಬಾಕ್ಸ್​ ನಿಮ್ಮದೆ. ನೆಗಿಟಿವ್​ ಅಥವಾ ಪಾಸಿಟಿವ್​ ಆಗಿರಲಿ, ಪಾಪ ನಿಮ್ಮ ಸಮಯವನ್ನು ನನ್ನ ಕಾಮೆಂಟ್​ ಬಾಕ್ಸ್​ಗೆ ಕೊಡ್ತಿರಾ ಅಂದ್ರೆ ನಿಜಕ್ಕೂ ಗ್ರೇಟ್"​ ಎಂದು ಕೆಟ್ಟ ಕಾಮೆಂಟ್​ ಮಾಡುವವರಿಗೆ ತಿರುಗೇಟು ನೀಡಿದ್ದಾರೆ.

ಆದರೆ, ಸೋನು ಗೌಡ ಕಾಮೆಂಟ್​ಗೆ ನೆಟ್ಟಿಗರು ಸಹ ಅಷ್ಟೇ ತೀಕ್ಷ್ಣವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ. ನಿನಗೆ ಇನ್ನೂ ಬುದ್ಧಿ ಬಂದಿಲ್ಲ ಅಲ್ವಾ? ನಿನಗೆ ಮಾನ ಮರ್ಯಾದೆ ಇಲ್ಲಾ ಅಂತೆಲ್ಲಾ ಕಾಮೆಂಟ್​ ಮೂಲಕ ಸೋನು ಗೌಡರನ್ನು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಾರೆ. ಆದರೆ, ಸೋನು ಗೌಡ ಇದ್ಯಾವುದಕ್ಕೂ ಕ್ಯಾರೆ ಎನ್ನದೆ ತಮ್ಮ ಪ್ರವಾಸಿ ಕ್ಷಣಗಳನ್ನು ಎಂಜಾಯ್​ ಮಾಡುತ್ತಿದ್ದಾರೆ. ಸಾಕಷ್ಟು ಹಾಟ್​ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: ಫೇಕ್ ವೆಬ್​ಸೈಟ್​ಗಳ ಹಾವಳಿ: ಶಾಪಿಂಗ್, ನೌಕರಿ, ತರಬೇತಿ ಹೆಸರಲ್ಲಿ ಮೋಸ; ಜನರ ಸಾವಿರಾರು ಕೋಟಿ ರೂಪಾಯಿ ಲೂಟಿ

ವಿವಾದಗಳು ಹಾಗೂ ಬಿಗ್​ಬಾಸ್​ ಸ್ಪರ್ಧೆಯಿಂದ ಪಡೆದ ಖ್ಯಾತಿಯಿಂದ ಸೋನು ಶ್ರೀನಿವಾಸ್​ ಗೌಡ ಅವರಿಗೆ ಸಿನಿಮಾ ಆಫರ್​ಗಳು ಬರುತ್ತಿವೆ. ಬರೀ ಸಿನಿಮಾ ಮಾತ್ರವಲ್ಲ, ವೆಬ್​ ಸಿರೀಸ್​ ಮತ್ತು ಶಾರ್ಟ್​ ಸಿನಿಮಾಗಳಲ್ಲೂ ಈಕೆ ಬಣ್ಣ ಹಚ್ಚಿದ್ದಾರಂತೆ. ಟಿಕ್​ಟಾಕ್​ ಮಾಡಿದಷ್ಟು ಸುಲಭವಲ್ಲ ಈ ಸಿನಿಮಾವೆಂದು ಆಕೆ ಈ ಹಿಂದೆ ಹೇಳಿಕೊಂಡಿದ್ದಾಳೆ. ಕ್ಯಾಡ್ಬರೀಸ್​ ಜತೆಗೆ ಅನೇಕ ಸಿನಿಮಾಗಳಲ್ಲಿ ಅವಕಾಶ ಸಿಗುತ್ತಿದೆ. ಎಲ್ಲ ಸಿನಿಮಾಗಳಲ್ಲೂ ಬೋಲ್ಡ್ ಪಾತ್ರವನ್ನೇ ಮಾಡುವಂತೆ ಕೇಳುತ್ತಿದ್ದಾರೆ. ಆದರೆ ಈಗ ಅದರಿಂದಲೇ ಆರಂಭಿಸಿದರೆ ಮುಂದೆ ಬೇರೆ ಪಾತ್ರಗಳಿಗೆ ಅವಕಾಶ ಸಿಗುವುದಿಲ್ಲವೆಂದು ನಾನೇ ಸುಮ್ಮನಾಗಿದ್ದೇನೆ. ಬೇರೆ ರೀತಿಯ ಪಾತ್ರಗಳನ್ನು ಮಾಡುತ್ತೇನೆ ಎಂದು ಆಕೆ ಈ ಹಿಂದೆ ಹೇಳಿಕೊಂಡಿದ್ದರು.

https://www.vijayavani.net/bigg-boss-former-contestant-sonu-srinivas-gowda-shares-pics-from-maldives-tour

https://www.vijayavani.net/kannada-actress-tanya-hope-talks-about-her-big-lips

https://www.vijayavani.net/ragini-dwivedi-shares-swimming-pool-photoshoot