T20 ಸರಣಿ ಆರಂಭಕ್ಕೂ Team Indiaಗೆ ದೊಡ್ಡ ಹೊಡೆತ​; ಬದಲಿ ಆಟಗಾರನಾಗಿ ಚಾನ್ಸ್​ ಪಡೆದ MI ಸ್ಟಾರ್​

ಗ್ವಾಲಿಯಾರ್​: ಇಲ್ಲಿನ ನ್ಯೂ ಮಾಧವರಾವ್​ ಸಿಂಧಿಯಾ ಕ್ರೀಡಾಂಗಣದಲ್ಲಿ ನಡೆಯಲಿರುವ ಭಾರತ (Team India) ಹಾಗೂ ಬಾಂಗ್ಲಾದೇಶ (Bangladesh) ನಡುವಿನ ಟಿ20 ಸರಣಿ (T20 Series) ಭಾನುವಾರ (ಅಕ್ಟೋಬರ್​ 06) ಶುರುವಾಗಲಿದ್ದು, ಸರಣಿಯಿಂದ (Series) ಪ್ರಮುಖ ಆಟಗಾರರು ಹೊರಗುಳಿದಿದ್ದಾರೆ. ಇನ್ನೂ ಸರಣಿಯ ಮೊದಲ ಪಂದ್ಯ ಶುರುವಾಗುವ ಮುನ್ನವೇ ಟೀಮ್​ ಇಂಡಿಯಾಗೆ ದೊಡ್ಡ ಹೊಡೆತ ಬಿದಿದ್ದು, ಸರಣಿಯಿಂದ ಸ್ಟಾರ್ ಆಟಗಾರರೊಬ್ಬರು ಹೊರಬಿದ್ದಿದ್ದಾರೆ. ಇವರ ಬದಲಿಯಾಗಿ ಹೈದರಾಬಾದ್​ ಮೂಲದ ಆಟಗಾರನನ್ನು ಬಿಸಿಸಿಐ ನೇಮಿಸಿದೆ.

ಇತ್ತೀಚಿನ ವರ್ಷಗಳಲ್ಲಿ ಟೀಮ್​ ಇಂಡಿಯಾವನ್ನು ಗಾಯದ ಸಮಸ್ಯೆ ಬಿಟ್ಟು ಬಿಡದೆ ಕಾಡುತ್ತಿದ್ದು, ಪ್ರಮುಖ ಆಟಗಾರರು ಗಾಯಕ್ಕೆ ತುತ್ತಾಗಿ ಪ್ರತಿಷ್ಠಿತ ಟೂರ್ನಿ ಹಾಗೂ ಸರಣಿಯಿಂದ ಹೊರಗುಳಿಯುತ್ತಿದ್ದಾರೆ. ಫಿಟ್ನೆಸ್​ ಕಾಯ್ದುಕೊಳ್ಳಲು ಆಟಗಾರರು ವರ್ಷಾನುಗಟ್ಟಲೆ ಹೆಣಗಾಡುತ್ತಿರುವ ನಡುವೆಯೇ ಇದೀಗ ಮತ್ತೋರ್ವ ಸ್ಟಾರ್​ ಆಟಗಾರ ಗಾಯಕ್ಕೆ ತುತ್ತಾಗಿರುವುದು ಆಯ್ಕೆ ಸಮಿತಿ ಹಾಗೂ ತಂಡಕ್ಕೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

ಇದನ್ನೂ ಓದಿ: Channel​ Debate ವೇಳೆ ಹೊಡೆದಾಡಿಕೊಂಡ ಧಾರ್ಮಿಕ ಮುಖಂಡರು; Video Viral

ಟೀಮ್​ ಇಂಡಿಯಾದ ಸ್ಟಾರ್​ ಅಲ್ರೌಂಡರ್​​ ಶಿವಂ ದುಬೆ ಬ್ಯಾಕ್​ ಇಂಜುರಿಯಿಂದಾಗಿ ಬಾಂಗ್ಲಾ ವಿರುದ್ಧದ ಸರಣಿಯಿಂದ ಹೊರಬಿದ್ದಿದ್ದಾರೆ. ಬಿಸಿಸಿಐ ಆಯ್ಕೆ ಸಮಿತಿ ದುಬೆ ಬದಲಾಗಿ ಹೈದರಾಬಾದ್​ ಮೂಲದ ಮುಂಬೈ ಇಂಡಿಯನ್ಸ್​ ತಂಡದ ಸ್ಪೋಟಕ ಬ್ಯಾಟರ್​ ತಿಲಕ್​ ವರ್ಮಾರನ್ನು ನೇಮಿಸಿದ್ದು, ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಣೆಯನ್ನು ಪೋಸ್ಟ್​ ಮಾಡಿದೆ. ಟೀಮ್​ ಇಂಡಿಯಾ ಪರ 33 ಟಿ20 ಪಂದ್ಯಗಳನ್ನು ಆಡಿರುವ ದುಬೆ 448 ರನ್ ಗಳಿಸಿ 11 ವಿಕೆಟ್ ಪಡೆದಿದ್ದಾರೆ.

ಸಂಭಾವ್ಯ ಪ್ಲೇಯಿಂಗ್​ 11 ಹೀಗಿದೆ

ಅಭಿಷೇಕ್​ ಶರ್ಮ, ಸಂಜು ಸ್ಯಾಮ್ಸನ್​ (ವಿ.ಕೀ), ಸೂರ್ಯಕುಮಾರ್​ (ನಾಯಕ), ರಿಯಾನ್​ ಪರಾಗ್​, ನಿತೀಶ್​ ರೆಡ್ಡಿ/ತಿಲಕ್​ ವರ್ಮ, ಹಾರ್ದಿಕ್​ ಪಾಂಡ್ಯ, ರಿಂಕು ಸಿಂಗ್​, ವಾಷಿಂಗ್ಟನ್​ ಸುಂದರ್​, ರವಿ ಬಿಷ್ಣೋಯಿ/ವರುಣ್​ ಚಕ್ರವರ್ತಿ, ಮಯಾಂಕ್​ ಯಾದವ್​, ಅರ್ಷದೀಪ್​/ಹರ್ಷಿತ್​ ರಾಣಾ.

https://www.vijayavani.net/skipper-harmanpreet-kaur-after-loss-in-womens-t20-world-cup-vs-new-zealand

https://www.vijayavani.net/bigg-boss-winner-manju-pavagada-engagement