ಬೆಂಗಳೂರು: ಕನ್ನಡ ಜನಪ್ರಿಯ ರಿಯಾಲಿಟಿ ಶೋ ಬಿಗ್ಬಾಸ್ ಈ ಬಾರಿ ಹಲವು ವಿಶೇಷತೆಗಳಿಂದ ಕೂಡಿದ್ದು, ಒಂದಿಲ್ಲೊಂದು ವಿಚಾರಕ್ಕೆ ಪ್ರೇಕ್ಷಕರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಫಿನಾಲೆಗೆ ಇನ್ನೇನು ಕೆಲವೇ ದಿನಗಳು ಬಾಕಿಯಿದ್ದು, ಮನೆಯಲ್ಲಿ ಸ್ಫರ್ಧಿಗಳು ಗೆಲ್ಲಬೇಕೆಂಬ ಹಂಬಲದೊಂದಿಗೆ ಒಂದಿಲ್ಲೊಂದು ಸ್ಟ್ರಾಟರ್ಜಿ ಮಾಡುತ್ತಿದ್ದಾರೆ.
ಇದೀಗ ಹೊರಬಂದಿರುವ ಸುದ್ದಿ ಪ್ರಕಾರ ಬಿಗ್ಬಾಸ್ ಮನೆಯ ಕೊನೆಯ ಟಾಸ್ಕ್ ಆಡಿಸಲಾಗಿದ್ದು, ಅತ್ಯುತ್ತಮ ಹಾಗೂ ಕಳಪೆಯನ್ನು ನೀಡಲಾಗಿದೆ. ಸದ್ಯ ಕೇಳಿ ಬಂದಿರುವ ಮಾಹಿತಿ ಪ್ರಕಾರ ಪ್ರತಾಪ್ಗೆ ಮನೆ ಸದಸ್ಯರು ಕಳಪೆ ಪಟ್ಟ ನೀಡಿದ್ದಾರೆ ಎಂದು ತಿಳಿದು ಬಂದಿದೆ. ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಈ ಬಗ್ಗೆ ಉಲ್ಲೇಖಿಸಲಾಗಿದೆ ಎಂದು ತಿಳಿದು ಬಂದಿದೆ.
ಮನೆಯ ಬಹುತೇಕ ಸದಸ್ಯರು ಡ್ರೋನ್ ಪ್ರತಾಪ್ ಅವರಿಗೆ ಕಳಪೆ ಪಟ್ಟ ನೀಡಿದ್ದು, ಆದರೆ, ಮನೆಯ ಕ್ಯಾಪ್ಟನ್ ಸಂಗೀತಾ ನನ್ನ ಪ್ರಕಾರ ಟಾಸ್ಕ್ ವಿಚಾರಕ್ಕೆ ಬರುವುದಾದರೆ ಈ ಮನೆಯಲ್ಲಿ ಯಾರು ಕಳಪೆ ಇಲ್ಲ ಎಂದು ಹೇಳಿದ್ದಾರೆ. ಬಳಿಕ ಕಳಪೆ ಪಟ್ಟ ಪಡೆದಿರುವ ಆಟಗಾರನಿಗೆ ನೀಡಲಾಗುವ ಬಟ್ಟೆಯನ್ನು ಪ್ರತಾಪ್ ಅವರಿಗೆ ಸಂಗೀತಾ ಹಸ್ತಾಂತರಿಸಿದ್ದಾರೆ.
ಇದನ್ನೂ ಓದಿ: ಭಾರತ-ಅಫ್ಘಾನಿಸ್ತಾನ ಟಿ-20 ಪಂದ್ಯ; ಅಂಪೈರ್ ನಿರ್ಧಾರಕ್ಕೆ ಹಿಟ್ಮ್ಯಾನ್ ಕೊಟ್ಟ ರಿಯಾಕ್ಷನ್ ವೈರಲ್
ಸಂಗೀತಾ ಹಾಗೂ ಪ್ರತಾಪ್ ನಡುವಿನ ಬಾಂಡಿಂಗ್ ಈ ಬಾರಿಯ ಬಿಗ್ಬಾಸ್ನಲ್ಲಿ ಹೆಚ್ಚು ಗಮನ ಸೆಳೆದಿದ್ದು, ಪ್ರತಿಯೊಂದು ಸಂದರ್ಭದಲ್ಲಿ ಸಂಗೀತಾ ಅವರು ಡ್ರೋನ್ ಪ್ರತಾಪ್ ಅವರನ್ನು ಸಪೋರ್ಟ್ ಮಾಡಿದ್ದಾರೆ. ಪ್ರತಾಪ್ಗೆ ಮನೆಮಂದಿ ಕಳಪೆ ಪಟ್ಟ ನೀಡಿದಾಗ ಸಂಗೀತಾ ಭಾವುಕರಾಗಿರುವುದನ್ನು ನೋಡಬಹುದಾಗಿದೆ.
ಪ್ರತಾಪ್ ಜೈಲನ್ನು ಪ್ರವೇಶಿಸುವ ವೇಳೆ ಸಂಗೀತಾ ಪ್ರೀತಿಯ ತಮ್ಮನಿಗೆ ಮುತ್ತನ್ನು ನೀಡಿದ್ದು, ಇಬ್ಬರ ನಡುವಿನ ಆತ್ಮೀಯತೆಯನ್ನು ತೋರಿಸುತ್ತಿದೆ. ಯಾರು ನನ್ನ ಪಕ್ಕದಲ್ಲಿ ನಿಲ್ಲುತ್ತಾರೋ ಅವರು ಜೈಲಿಗೆ ಹೋಗುತ್ತಾರೆ. ಇದೇ ಈ ಮನೆಯಲ್ಲಿ ನಡೆಯುತ್ತಿರುವುದು ಎಂದು ಸಂಗೀತಾ ಬೇಸರ ಹೊರಹಾಕಿದ್ದಾರೆ.