BBK11: ಫಿನಾಲೆ ಓಟದಿಂದ ಹೊರಬಿದ್ದ 'ಬಿಗ್​' ಸ್ಪರ್ಧಿ ಚೈತ್ರಾ ಕುಂದಾಪುರ!

BBK11: ಕನ್ನಡದ ಅತಿ ದೊಡ್ಡ ರಿಯಾಲಿಟಿ ಶೋ ಬಿಗ್ ಬಾಸ್​ 11ರ ಗ್ರ್ಯಾಂಡ್​ ಫಿನಾಲೆ ಉಳಿದಿರುವುದು ಇನ್ನೂ ಎರಡೇ ವಾರಗಳಷ್ಟೇ. ಈ ವಾರದ ಮಧ್ಯೆ 100 ದಿನಗಳನ್ನು ಪೂರೈಸಿದ ಬಿಗ್ ಮಂದಿ, ವಾರಾಂತ್ಯದೊಳಗೆ ಆಡಿದ ಅಷ್ಟು ಮಾರಿಹಬ್ಬದ ಟಾಸ್ಕ್​ಗಳಲ್ಲಿ ಬಿರುಸಿನ ಪೈಪೋಟಿ ನೀಡಿ, ಇದೀಗ ಫಿನಾಲೆ ಟಿಕೆಟ್​ಗಾಗಿ ಸೆಣಸಾಡುತ್ತಿದ್ದಾರೆ. ಫಿನಾಲೆಯ ಕೊನೆಯ ಹಂತ ತಲುಪಲು ಉಳಿವಿಕೆಗಾಗಿ ಪ್ರಾರ್ಥಿಸುತ್ತಿದ್ದ ಐದು ನಾಮಿನೇಟ್ ಆದ ಸ್ಪರ್ಧಿಗಳ ಪೈಕಿ ಇದೀಗ ಚೈತ್ರಾ ಕುಂದಾಪುರ ಬಿಗ್ ಮನೆಯಿಂದ ಹೊರಬಂದಿದ್ದಾರೆ.

ಇದನ್ನೂ ಓದಿ: ಆರೋಗ್ಯಕರ ಟೀಕೆ ಸ್ವಾಗತ, ತಿದ್ದಿಕೊಳ್ಳುವೆ; ರಾಜಕೀಯ ಕಾರಣಕ್ಕೆ ಸುಳ್ಳು ಸುಳ್ಳೇ ಟೀಕಿಸಿದರೆ ಐ ಡೋಂಟ್ ಕೇರ್: ಸಿಎಂ

ಈ ವಾರ ನಾಮಿನೇಷನ್​ ಪಟ್ಟಿಯಲ್ಲಿ ಸಿಲುಕಿದ ತ್ರಿವಿಕ್ರಮ್, ಮೋಕ್ಷಿತಾ, ಧನರಾಜ್​, ಭವ್ಯ ಗೌಡ ಮತ್ತು ಧನರಾಜ್​ ನಡುವೆ ಅಂತಿಮವಾಗಿ ಚೈತ್ರಾ ಫಿನಾಲೆ ಓಟದಿಂದ ಹೊರಗುಳಿದಿದ್ದಾರೆ. ಮೋಕ್ಷಿತಾ, ಧನರಾಜ್​ ಜತೆ ಸಂಚಿಕೆಯ ಕೊನೆಯವರೆಗೂ ಉಳಿವು-ಗೆಲುವಿನ ಚಿಂತೆಯಲ್ಲಿ ಮುಳುಗಿದ್ದ ಚೈತ್ರಾ, ಸುದೀಪ್​ ಅವರ ಘೋಷಣೆಯ ಮೇರೆಗೆ ಬಿಗ್ ಮನೆಯಿಂದ ಎಲಿಮಿನೇಟ್ ಆಗಿ ಹೊರನಡೆದಿದ್ದಾರೆ.

ಈಗಾಗಲೇ ಫಿನಾಲೆ ಟಿಕೆಟ್​ ಗೆದ್ದು ನೇರವಾಗಿ ಗ್ರ್ಯಾಂಡ್​ ಫಿನಾಲೆ ವೇದಿಕೆ ಹತ್ತಿರುವ ಹನುಮಂತು ಜತೆ ಇನ್ನೂ ನಾಲ್ವರು ಯಾರಾಗುತ್ತಾರೆ ಎಂಬ ಕುತೂಹಲ ಸದ್ಯ ವೀಕ್ಷಕರಲ್ಲಿ ಕಾಡಿದೆ. ಮುಂದಿನ ವಾರ ಯಾರು ಮನೆಯಿಂದ ಎಲಿಮಿನೇಟ್ ಆಗಿ ಹೊರಬರಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ.

https://www.vijayavani.net/pavala-syamala-cries-for-help-from-tollywood-actors