ನವದೆಹಲಿ: ಲೈವ್ ಶೋನಲ್ಲಿ ಬಿಬಿಸಿ ನಿರೂಪಕಿಯೊಬ್ಬಳು ಮಧ್ಯದ ಬೆರಳು ತೋರಿಸಿ ವ್ಯಾಪಕ ಟೀಕೆಗೆ ಗುರಿಯಾಗಿದ್ದರು. ಬಿಬಿಸಿ ನ್ಯೂಸ್ ನಿರೂಪಕಿ ಮರ್ಯಮ್ ಮೋಶಿರಿ ಅವರು ತಮ್ಮ ಕೃತ್ಯಕ್ಕಾಗಿ ಕ್ಷಮೆಯಾಚಿಸಿದ್ದು, ಇದು ಬೇಕಾಗಿ ಮಾಡಿದ್ದಲ್ಲ ಎಂದಿದ್ದಾರೆ.
ಇತ್ತ ಮರ್ಯಮ್ ಮೊಶಿರಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ಬೆನ್ನಲ್ಲೇ ವ್ಯಾಪಕ ಟೀಕೆಗೆ ಗುರಿಯಾಗಿದ್ದರು ಮತ್ತು ನಿರೂಪಕಿಯಿಂದ ಈ ರೀತಿಯ ವರ್ತನೆಯನ್ನು ನಿರೀಕ್ಷಿಸಿರಲಿಲ್ಲ ಎಂದು ಹಲವರು ಕಮೆಂಟ್ ಮಾಡಿದ್ದರು.
ಇದನ್ನೂ ಓದಿ: ಮದುವೆ ದಿಬ್ಬಣದಲ್ಲಿ ಶುರುವಾದ ಗಲಾಟೆ; ಓರ್ವನ ಕೊಲೆಯಲ್ಲಿ ಅಂತ್ಯ
ಈ ಕುರಿತು ಪ್ರಕಟಣೆ ಹೊರಡಿಸಿರುವ ಮೋಶಿರಿ, ನಾನು ಆ ರೀತಿ ಮಾಡಿದ್ದರಿಂದ ಯಾರಾದರೂ ಮನನೊಂದು ಅಸಮಾಧಾನಗೊಂಡಿದ್ದರೆ ಕ್ಷಮಿಸಿ. ನಾನು ವೀಕ್ಷಕರಿಗಾಗಲಿ ಅಥವಾ ಯಾವುದೋ ಒಬ್ಬ ವ್ಯಕ್ತಿಗಾಗಲಿ ನಾನು ಆ ರಿತಿ ತೋರಿಸಿಲ್ಲ. ತಮಾಷೆ ಮಾಡಲು ಹೋಗಿ ಈ ರೀತಿಯಾಗಿದೆ ದಯವಿಟ್ಟು ಕ್ಷಮಿಸಿ ಎಂದು ಮೊಶಿರಿ ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಬುಧವಾರ ನೇರ ಪ್ರಸಾರದ ಸಂದರ್ಭ ಬಿಬಿಸಿಯ ಸುದ್ಧಿ ನಿರೂಪಕಿ ಮರ್ಯಮ್ ಮೋಶಿರಿ ಕೌಂಟ್ಡೌನ್ ಮಾಡುವ ವೇಳೆ ಕ್ಯಾಮೆರಾದತ್ತ ಮಧ್ಯದ ಬೆರಳು ತೋರಿಸಿದ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು ಮಾಧ್ಯಮ ಸಂಸ್ಥೆಯ ಬಗ್ಗೆ ಹಲವರು ಅಸಮಾಧಾನ ಹೊರಹಾಕಿದ್ದರು. ಡೆಸ್ಕ್ನಲ್ಲಿ ಕುಳಿತಿದ್ದ ನಿರೂಪಕಿ ಮರ್ಯಮ್ ಮೊಶಿರಿ ಕ್ಯಾಮರಾದತ್ತ ಮಧ್ಯದ ಬೆರಳನ್ನು ತೋರಿಸುತ್ತ ವ್ಯಂಗ್ಯಭರಿತವಾಗಿ ನಗುತ್ತಿದ್ದರು. ಕೂಡಲೇ ಕ್ಯಾಮರಾ ಆನ್ ಆಗಿದೆ ಎಂಬುದನ್ನು ಅರಿತು ದಿಸ್ ಈಸ್ ಬಿಬಿಸಿ ನ್ಯೂಸ್ ಲೈವ್ ಪ್ರಮ್ ಲಂಡನ್ ಎಂದು ಸುದ್ಧಿ ನಿರೂಪಣೆ ಆರಂಭಿಸಿದ್ದರು.