ಜಗಳವಾಡಲ್ಲ, ಕೇವಲ ನೂಡಲ್ಸ್​, ಲಡ್ಡು... ನಿಮ್ಮನ್ನು ಅಚ್ಚರಿಗೊಳಿಸುವ ಐದು ವಿಚಿತ್ರ ವಿಚ್ಛೇದನಗಳಿವು! Divorces

Divorces : ಭಾರತ ಕುಟುಂಬ ಸಂಬಂಧಗಳಿಗೆ ಹೆಚ್ಚಿನ ಮಹತ್ವ ನೀಡುವ ದೇಶ. ಹೆಂಡತಿಯಾಗಿ, ಮಕ್ಕಳಾಗಿ ಮತ್ತು ಗಂಡನಾಗಿ ಎಲ್ಲ ಸಂಬಂಧಗಳಲ್ಲೂ ಬಹಳ ಸಂತೋಷದಿಂದ ಬದುಕಲು ನಮ್ಮ ಹಿರಿಯರು ಹೇಳುತ್ತಾರೆ. ಒಂದು ಕಾಲದಲ್ಲಿ ವಿಚ್ಛೇದನ ಅನ್ನೋ ಮಾತು ಬಹಳ ವಿರಳವಾಗಿ ಕೇಳಿಬರುತ್ತಿತ್ತು. ಆದರೆ, ಈಗ ಕಾಲ ಬದಲಾಗಿದೆ. ಕ್ಷುಲಕ ಕಾರಣಗಳಿಗೂ ವಿಚ್ಛೇದನ ಪಡೆಯುವವರಿದ್ದಾರೆ.

ಮನೆಯಲ್ಲಿ ಜಗಳವಾಡಿ ಜೀವನ ಕಳೆಯುವುದಕ್ಕಿಂತ ಬೇರೆಯಾಗಿ ಶಾಂತಿಯುತವಾಗಿ ಬದುಕುವುದು ಉತ್ತಮ ಎಂಬ ನಿರ್ಧಾರಕ್ಕೆ ಬರುತ್ತಿದ್ದಾರೆ. ಇತ್ತೀಚೆಗೆ, ಭಾರತದಲ್ಲಿ ವಿಚ್ಛೇದನ ಪ್ರಕರಣಗಳಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ. ಕೌಟುಂಬಿಕ ಹಿಂಸಾಚಾರ ಮತ್ತು ವಿವಾಹೇತರ ಸಂಬಂಧಗಳು ವಿಚ್ಛೇದನಕ್ಕೆ ಸಾಮಾನ್ಯ ಕಾರಣಗಳಾಗಿವೆ. ಆದರೆ, ನಮ್ಮ ದೇಶದಲ್ಲಿ ಬಹಳ ವಿಚಿತ್ರವಾದ ಹಾಗೂ ಕ್ಷುಲಕ ವಿಷಯಗಳಿಂದಲೂ ಬೇರ್ಪಟ್ಟ ಕೆಲವು ಜನರಿದ್ದಾರೆ. ಅಂತಹ ಕೆಲವು ವಿಚಿತ್ರ ವಿಚ್ಛೇದನಗಳ ಬಗ್ಗೆ ನಾವಿಂದು ನಿಮಗೆ ತಿಳಿಸಿಕೊಡುತ್ತೇವೆ.

ಕೇವಲ ನೂಡಲ್ಸ್ ಮಾಡುತ್ತಾಳೆ

ಅನೇಕ ಪುರುಷರು ಅಡುಗೆಮನೆಯನ್ನು ಮಹಿಳೆಯರಿಗೆ ಮಾತ್ರ ಸೀಮಿತವಾದ ಸ್ಥಳವೆಂದು ಪರಿಗಣಿಸುತ್ತಾರೆ. ಹೆಚ್ಚಿನ ಜನರು ಅಡುಗೆ ಮಾಡುವುದು ಹೆಂಡತಿಯ ಕರ್ತವ್ಯವೆಂದು ಪರಿಗಣಿಸುತ್ತಾರೆ. ಅದೇ ರೀತಿ ಕರ್ನಾಟಕದ ಬಳ್ಳಾರಿ ಮೂಲದ ವ್ಯಕ್ತಿಯೊಬ್ಬ ತನ್ನ ಹೆಂಡತಿಗೆ ರುಚಿಕರವಾದ ಆಹಾರವನ್ನು ಹೇಗೆ ತಯಾರಿಸಬೇಕೆಂದು ತಿಳಿದಿಲ್ಲ, ನನಗೆ ವಿಚ್ಛೇದನ ಬೇಕಿದೆ ಎಂದು ನ್ಯಾಯಾಲಯದ ಮೊರೆ ಹೋಗಿದ್ದ. ಬೆಳಗಿನ ಉಪಾಹಾರ, ಮಧ್ಯಾಹ್ನ ಮತ್ತು ರಾತ್ರಿಯ ಊಟಕ್ಕೆ ಹೆಂಡತಿ ಕೇವಲ ನೂಡಲ್ಸ್ ಮಾಡುತ್ತಾಳೆ ಎಂಬುದು ಆತನ ದೂರಾಗಿತ್ತು. ಕೊನೆಗೆ, ದಂಪತಿ ಪರಸ್ಪರ ಒಪ್ಪಿಗೆಯಿಂದ ವಿಚ್ಛೇದನ ಪಡೆದರು.

ಕೇವಲ ಲಡ್ಡು

2019ರಲ್ಲಿ ಉತ್ತರ ಪ್ರದೇಶದ ಮೀರತ್‌ನ ಯುವಕನೊಬ್ಬ ಲಡ್ಡು ವಿಚಾರವಾಗಿ ತನ್ನ ಹೆಂಡತಿಗೆ ವಿಚ್ಛೇದನ ನೀಡಿದ್ದ. ಯುವಕನ ಹೇಳಿಕೆ ಏನೆಂದರೆ, ತನ್ನ ಹೆಂಡತಿ ಪಾದ್ರಿಯ ಸೂಚನೆಯಂತೆ ನಡೆದುಕೊಳ್ಳುತ್ತಾಳೆ. ನನಗೆ ತಿನ್ನಲು ಲಡ್ಡು ಮಾತ್ರ ಕೊಡುತ್ತಾಳೆ. ಪ್ರತಿದಿನ ಬೆಳಗ್ಗೆ ನಾಲ್ಕು ಮತ್ತು ಸಂಜೆ ನಾಲ್ಕು ಲಡ್ಡುಗಳನ್ನು ನೀಡುತ್ತಾಳೆ. ಲಡ್ಡು ಬಿಟ್ಟ ಬೇರೆ ಯಾವುದೇ ಆಹಾರವನ್ನು ತಿನ್ನಲು ಬಿಡುತ್ತಿಲ್ಲ ಎಂದು ಹೇಳಿದ್ದ. ಈ ಕಾರಣಕ್ಕಾಗಿಯೇ ಹತ್ತು ವರ್ಷಗಳ ದಾಂಪತ್ಯವನ್ನು ಕೊನೆಗೊಳಿಸಲು ಆ ಯುವಕ ನಿರ್ಧರಿಸಿದ.

ಇದನ್ನೂ ಓದಿ: 5ನೇ ಟೆಸ್ಟ್​ ಭಾರತ ಗೆದ್ದರೂ ಟ್ರೋಫಿ ಮಾತ್ರ ಇಂಗ್ಲೆಂಡ್​ಗೆ! ಹೇಗೆ ಅಂತೀರಾ? ಇಲ್ಲಿದೆ ನೋಡಿ ಅಚ್ಚರಿ ವರದಿ | IND vs ENG

ಜಗಳ ಆಡುತ್ತಿಲ್ಲ

ಎಲ್ಲರೂ ಪರಸ್ಪರ ಪ್ರೀತಿಯಿಂದ ಶಾಂತಿಯಿಂದ ಬದುಕಲು ಬಯಸುತ್ತಾರೆ. ಆದರೆ, ಅತಿಯಾದ ಪ್ರೀತಿಯನ್ನೇ ಸಮಸ್ಯೆಯಾಗಿ ನೋಡುವ ಕೆಲವು ಮಂದಿ ಇದ್ದಾರೆ. ಉತ್ತರ ಪ್ರದೇಶದ ಸಂಭಾಲ್ ಜಿಲ್ಲೆಯ ಮಹಿಳೆಯೊಬ್ಬರ ಸಮಸ್ಯೆಯು ಕೂಡ ಇದೇ ಆಗಿತ್ತು. ತನ್ನ ಪತಿ ತನ್ನನ್ನು ತುಂಬಾ ಪ್ರೀತಿಸುತ್ತಾನೆ ಮತ್ತು ಎಂದಿಗೂ ತನ್ನೊಂದಿಗೆ ಜಗಳವಾಡಲಿಲ್ಲ ಎಂದು ಮಹಿಳೆ ದೂರಿದಳು. ಈ ವಿಚಿತ್ರ ಘಟನೆ 2020ರಲ್ಲಿ ಸಂಭವಿಸಿತು. ಕೊನೆಗೆ, ವಿಚ್ಛೇದನ ಕೋರಿ ಆಕೆ ನ್ಯಾಯಾಲಯದ ಮೊರೆ ಹೋದಳು.

ಗಂಡನ ಅಧ್ಯಯನ

ಭೋಪಾಲ್‌ನ ಮಹಿಳೆಯೊಬ್ಬರು ತಮ್ಮ ಪತಿ ಯಾವಾಗಲೂ ಓದುತ್ತಿರುತ್ತಾರೆ ಎಂದು ದೂರು ನೀಡಿದ್ದರು. ಈ ಘಟನೆ 2019 ರಲ್ಲಿ ನಡೆದಿತ್ತು. ಅವರ ಪತಿ ಯುಪಿಎಸ್‌ಸಿ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದರು. ಹೀಗಾಗಿ ಯಾವಾಗಲೂ ತಮ್ಮ ಅಧ್ಯಯನದ ಮೇಲೆ ಮಾತ್ರ ಗಮನಹರಿಸುತ್ತಿದ್ದರು. ಈ ಮಧ್ಯೆ, ಅವರು ತನಗಾಗಿ ಒಂದು ಕ್ಷಣವೂ ನೀಡುತ್ತಿಲ್ಲ. ತಮ್ಮ ಸಂಬಂಧಿಕರನ್ನು ಭೇಟಿ ಮಾಡಲು ಸಹ ಹೋಗಲಿಲ್ಲ ಎಂದು ಮಹಿಳೆ ನ್ಯಾಯಾಲಯದ ಮೆಟ್ಟಿಲೇರಿದರು. ಭೋಪಾಲ್‌ನ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದಲ್ಲಿ ದಂಪತಿಗೆ ಕೌನ್ಸೆಲಿಂಗ್ ಅಧಿವೇಶನ ನಡೆದಾಗ ಈ ಘಟನೆ ಬೆಳಕಿಗೆ ಬಂದಿತು.

ಶುಚಿಯಾಗಿಲ್ಲ

ಮದುವೆಯಾದ ನಲವತ್ತು ದಿನಗಳಲ್ಲಿಯೇ ಮಹಿಳೆಯೊಬ್ಬರು ತನ್ನ ಪತಿಗೆ ವಿಚ್ಛೇದನ ನೀಡಿದರು. ಈ ಘಟನೆ ಉತ್ತರ ಪ್ರದೇಶದ ಆಗ್ರಾದಲ್ಲಿ ನಡೆದಿದೆ. ತನ್ನ ಪತಿ ಸ್ವಚ್ಛವಾಗಿಲ್ಲ ಎಂದು ಮಹಿಳೆ ಆರೋಪಿಸಿದರು. ಅವರ ದೇಹವು ಕೆಟ್ಟ ವಾಸನೆ ಬರುತ್ತಿದೆ ಎಂದು ದೂರಿದರು. ಕೌಟುಂಬಿಕ ಸಮಾಲೋಚನೆಯಲ್ಲಿ ತಿಂಗಳಿಗೆ ಒಂದು ಅಥವಾ ಎರಡು ಬಾರಿ ಮಾತ್ರ ಸ್ನಾನ ಮಾಡುತ್ತಿದ್ದು, ವಾರಕ್ಕೊಮ್ಮೆ ಗಂಗಾಜಲ ಸಿಂಪಡಿಸುತ್ತಿದ್ದೆ ಎಂದು ಆತ ಒಪ್ಪಿಕೊಂಡ. ಮದುವೆಯಾದ 40 ದಿನಗಳಲ್ಲಿ ಪತ್ನಿಯ ಒತ್ತಾಯದ ಮೇರೆಗೆ ಆರು ಬಾರಿ ಸ್ನಾನ ಮಾಡಿದ್ದಾಗಿ ಆತ ಹೇಳಿದ. ಪೊಲೀಸರು ಮಧ್ಯಪ್ರವೇಶಿಸಿದಾಗ ಪ್ರತಿದಿನ ಸ್ನಾನ ಮಾಡಲು ಆತ ಒಪ್ಪಿಕೊಂಡ. ಆದರೆ, ಮಹಿಳೆ ಮಾತ್ರ ತನ್ನ ಪತಿಯೊಂದಿಗೆ ಹೋಗಲು ನಿರಾಕರಿಸಿದಳು. (ಏಜೆನ್ಸೀಸ್​)

https://www.vijayavani.net/what-if-a-baby-was-born-in-space-a-scientist-breaks-it-down

https://www.vijayavani.net/we-cannot-continue-to-rely-on-this-income-alone-we-are-closing-our-youtube-channel-firoz-chuttipara-takes-a-new-step