90 ಲಕ್ಷಕ್ಕೂ ಹೆಚ್ಚು ಸಬ್​ಸ್ಕ್ರೈಬರ್ಸ್, ಲಕ್ಷ ಲಕ್ಷ ಆದಾಯವಿದ್ರೂ YouTube​ಗೆ​ ಗುಡ್​ಬೈ! ಖ್ಯಾತ ವ್ಲಾಗರ್ ಕೊಟ್ಟ ಕಾರಣ ಹೀಗಿದೆ... Firoz Chuttipara

Firoz Chuttipara : ಫಿರೋಜ್ ಚುಟ್ಟಿಪರಾ ಓರ್ವ ಫೇಮಸ್​ ವ್ಲಾಗರ್. ತಮ್ಮ ವಿಭಿನ್ನ ಅಡುಗೆ ವಿಡಿಯೋಗಳಿಂದಲೇ ಹೆಸರುವಾಸಿಯಾಗಿದ್ದಾರೆ. ಹಾವು ಮತ್ತು ಉಷ್ಟ್ರಪಕ್ಷಿಯನ್ನು ಗ್ರಿಲ್​ ಮಾಡುವುದು ಸೇರಿದಂತೆ ಅನೇಕ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ.

ಫಿರೋಜ್ ಅವರು ತಮ್ಮ ಯೂಟ್ಯೂಬ್‌ನಲ್ಲಿ ಒಂಬತ್ತು ಮಿಲಿಯನ್‌ಗಿಂತಲೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ. ಅವರೀಗ ತಮ್ಮ ಅಭಿಮಾನಿಗಳನ್ನು ನಿರಾಶೆಗೊಳಿಸುವ ನಿರ್ಧಾರವನ್ನು ಹಂಚಿಕೊಂಡಿದ್ದಾರೆ. ಫಿರೋಜ್ ತಮ್ಮ ಯೂಟ್ಯೂಬ್ ಚಾನೆಲ್ ಅನ್ನು ಮುಚ್ಚುತ್ತಿರುವುದಾಗಿ ಬಹಿರಂಗಪಡಿಸಿದ್ದಾರೆ.

ಇನ್ನು ಮುಂದೆ ಕೇವಲ ಯೂಟ್ಯೂಬ್​ ಆದಾಯವನ್ನೇ ಅವಲಂಬಿಸಲು ಸಾಧ್ಯವಿಲ್ಲ ಮತ್ತು ಹೊಸ ಹೆಜ್ಜೆ ಇಡಲು ಸಿದ್ಧತೆ ನಡೆಸುತ್ತಿದ್ದೇನೆ ಎಂದು ಫಿರೋಜ್​ ಹೇಳಿದ್ದಾರೆ. ನಾನು ಪ್ರಸ್ತುತ ಶಾರ್ಜಾದಲ್ಲಿದ್ದೇನೆ. ನಾವು ಒಂದು ಸಣ್ಣ ಹೆಜ್ಜೆ ಇಡುವ ಬಗ್ಗೆ ಯೋಚಿಸುತ್ತಿದ್ದೇವೆ. ಅದರ ಭಾಗವಾಗಿ ನಾವು ದುಬೈಗೆ ಬಂದಿದ್ದೇವೆ ಎಂದು ಯೂಟ್ಯೂಬ್​ನಲ್ಲಿ ಹರಿಬಿಟ್ಟಿರುವ ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಕನ್ನಡ ಚಿತ್ರರಂಗವನ್ನು ಭಯದಿಂದ ಮುಕ್ತಗೊಳಿಸೋಣ; ‘ಸ್ಯಾಂಡಲ್​ವುಡ್​ ಕ್ವೀನ್’​ ಪರ ನಟ ಪ್ರಥಮ್​ ಟ್ವೀಟ್​ | Actress Ramya

ಸದ್ಯಕ್ಕೆ ನಾನು ಉದ್ಯಮಕ್ಕೆ ಇಳಿಯುವ ಬಗ್ಗೆ ಯೋಚಿಸುತ್ತಿದ್ದೇನೆ. ಯೂಟ್ಯೂಬ್​ ನನ್ನ ಪ್ರಸ್ತುತ ಆದಾಯದ ಮೂಲವಾಗಿದೆ. ಆ ಆದಾಯವನ್ನು ಅವಲಂಬಿಸದೆ ನಾನು ಬೇರೆ ಯಾವುದಾದರೂ ವ್ಯವಹಾರವನ್ನು ಪ್ರಾರಂಭಿಸಿದರೆ ನೀವು ನನ್ನನ್ನು ಬೆಂಬಲಿಸುತ್ತೀರಾ? ನಾನು ರೆಸ್ಟೋರೆಂಟ್ ವ್ಯವಹಾರಕ್ಕೆ ಹೋದರೆ ಅದು ಎಷ್ಟು ಯಶಸ್ವಿಯಾಗುತ್ತದೆ ಎಂದು ನನಗೆ ತಿಳಿದಿಲ್ಲ. ಆಹಾರ ವ್ಯವಹಾರವು ಸ್ವಲ್ಪ ಅಪಾಯಕಾರಿ. ನಾನು ಏನಾದರೂ ವ್ಯವಹಾರ ಮಾಡಬೇಕು. ಆ ರೀತಿಯಲ್ಲಿ, ನಾನು ಒಂದು ಬ್ರ್ಯಾಂಡ್ ಅನ್ನು ನಿರ್ಮಿಸಲು ಎದುರು ನೋಡುತ್ತಿದ್ದೇನೆ ಎಂದು ಹೇಳಿದ್ದಾರೆ.

ನಾನು ನನ್ನ ಯೂಟ್ಯೂಬ್ ಚಾನೆಲ್ ತೊರೆಯುತ್ತಿದ್ದೇನೆ ಎಂಬ ಶೀರ್ಷಿಕೆಯೊಂದಿಗೆ ತಮ್ಮ ನಿರ್ಧಾರವನ್ನು ಘೋಷಿಸುವ ವಿಡಿಯೋವನ್ನು ಫಿರೋಜ್​ ಅವರು ಹಂಚಿಕೊಂಡಿದ್ದಾರೆ. ಫಿರೋಜ್​ ಅವರು ಇದೀಗ ದೀರ್ಘ ವಿಡಿಯೋಗಳ ಬದಲಿಗೆ ರೀಲ್‌ಗಳಲ್ಲಿ ಹೆಚ್ಚು ಕಾಣಿಸಿಕೊಳ್ಳಲಿದ್ದಾರೆ. ತಮ್ಮ ಯೂಟ್ಯೂಬ್ ಚಾನೆಲ್ ಅನ್ನು ಸಂಪೂರ್ಣವಾಗಿ ತೊರೆಯುತ್ತಿಲ್ಲ ಎಂದು ಇದೇ ಸಂದರ್ಭದಲ್ಲಿ ಸ್ಪಷ್ಟಪಡಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/actress-ramya-decides-to-register-complaint-against-darshan-fans-who-comments-badly

https://www.vijayavani.net/rishabh-pant-rishabh-pant-is-out-from-the-fifth-test-do-you-know-who-will-replace-him