ವಿವಿಧ ಭಾಷೆಗಳಲ್ಲಿ ಸಂಗೀತ ನಿರ್ದೇಶನ ಮಾಡಿರುವ ಎ.ಆರ್.ರೆಹಮಾನ್, ಚಿತ್ರರಂಗದ ಶ್ರೀಮಂತರಲ್ಲಿ ಒಬ್ಬರೆನಿಸಿಕೊಂಡಿದ್ದಾರೆ. ಆಸ್ಕರ್ ಪ್ರಶಸ್ತಿ ವಿಜೇತರೂ ಆಗಿರುವ ರೆಹಮಾನ್, ಸುಮಾರು 1,728 ರಿಂದ 2,000 ಕೋಟಿ ರೂಪಾಯಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ ಎಂದು ವರದಿಯಾಗಿದೆ. ಪತ್ನಿ ಸಾಯಿರಾ ಜೀವನಾಂಶ ಕೇಳಿದರೆ ಅದರಲ್ಲಿ ಅರ್ಧದಷ್ಟು ಕೊಡಬೇಕಾಗುತ್ತದೆ. ಆದರೆ, ಇನ್ನೂ ಜೀವನಾಂಶ ಚರ್ಚಿಸುವ ಹಂತಕ್ಕೆ ಬಂದಿಲ್ಲ. ಇಬ್ಬರೂ ಸೌಹಾರ್ದಯುತವಾಗಿ ಬೇರೆಯಾಗಲು ಬಯಸಿದ್ದಾರೆ. ಹೀಗಾಗಿ ಸಾಯಿರಾ ಜೀವನಾಂಶವನ್ನು ಕೇಳಿಲ್ಲ ಎಂದು ವಂದನಾ ಶಾ ಬಹಿರಂಗಪಡಿಸಿದರು. ಭಾವನಾತ್ಮಕ ಭಿನ್ನಾಭಿಪ್ರಾಯಗಳಿಂದಾಗಿ ಇಬ್ಬರೂ ಬೇರೆಯಾಗಲು ನಿರ್ಧರಿಸಿದರು. ಆದ್ದರಿಂದ, ವಿಚ್ಛೇದನವು ಸೌಹಾರ್ದಯುತ ರಾಜಿಯಾಗಿದೆ ಎಂದರು.
