ಕಿವೀಸ್ ವಿರುದ್ಧ ತವರಿನ ಸರಣಿಯಲ್ಲಿ ರನ್ಬರ ಅನುಭವಿಸಿರುವ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಆಸ್ಟ್ರೆಲಿಯಾ ಪ್ರವಾಸಕ್ಕೆ ಎಲ್ಲರಿಗಿಂತ ಮುನ್ನ ಹೋಗಿ ಕಠಿಣ ಅಭ್ಯಾಸ ನಡೆಸಿದ್ದು, ಲಯಕ್ಕೆ ಮರಳುವ ಛಲದಲ್ಲಿದ್ದಾರೆ. ಇದೇ ವೇಳೆ ಆಸೀಸ್ ಮಾಧ್ಯಮಗಳ ಸಹಿತ ಎಲ್ಲರ ಕಣ್ಣು ಈಗ ಕೊಹ್ಲಿ ಮೇಲಿದೆ. ಕೊಹ್ಲಿ 2011ರಿಂದ ಆಸೀಸ್ ನೆಲದಲ್ಲಿ ಆಡಿರುವ 13 ಟೆಸ್ಟ್ಗಳಲ್ಲಿ 6 ಶತಕ, 4 ಅರ್ಧಶತಕಗಳ ಸಹಿತ 54ರ ಸರಾಸರಿಯಲ್ಲಿ 1,352 ರನ್ ಗಳಿಸಿದ್ದು, ಇದು ಅವರ ಪಾಲಿಗೆ ಬಹುತೇಕ ಕೊನೇ ಆಸೀಸ್ ಪ್ರವಾಸವೆನಿಸಿದೆ. ಕಳೆದ 3 ವರ್ಷಗಳಲ್ಲಿ ಟೆಸ್ಟ್ನಲ್ಲಿ ಕೇವಲ 2 ಶತಕ ಸಿಡಿಸಿರುವ ಕೊಹ್ಲಿಗೆ ಮತ್ತೊಮ್ಮೆ ಸ್ಟಾರ್ ಆಗಿ ಮಿರುಗಲು ಇದು ಉತ್ತಮ ವೇದಿಕೆ ಎನಿಸಿದೆ.
