ಬೆಂಗಳೂರು: ಮಾಸ್ಟರ್ ಆನಂದ್-ಯಶಸ್ವಿನಿ ದಂಪತಿಯ ಪುತ್ರಿ, ಬಾಲನಟಿ ವಂಶಿಕಾ ಹೆಸರಿನಲ್ಲಿನ ವಂಚನೆ ಪ್ರಕರಣದಲ್ಲಿ ಮಹತ್ವದ ಬೆಳವಣಿಗೆಯಾಗಿದ್ದು, ಈ ಪ್ರಕರಣದಲ್ಲಿ ಆರೋಪಿ ಆಗಿರುವ ನಿಶಾ ನರಸಪ್ಪ ಒಂದಷ್ಟು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ಬಾಲನಟಿ ವಂಶಿಕಾ ಹೆಸರಿನಲ್ಲಿ ವಂಚನೆ ಎಸಗಿದ್ದಾರೆ ಎಂಬ ಪ್ರಕರಣದಲ್ಲಿ ಆರೋಪಿಯಾಗಿ ಜೈಲುಪಾಲಾಗಿದ್ದ ನಿಶಾ ನರಸಪ್ಪ ಅಲ್ಲಿಂದ ಇಂದು ಹೊರಬರುತ್ತಿದ್ದಂತೆ ಸುದ್ದಿಗೋಷ್ಠಿ ನಡೆಸಿದ್ದಾರೆ. ಎಂ.ಎಸ್.ಪಾಳ್ಯದ ತಮ್ಮ ಮನೆಯಲ್ಲಿ ಸುದ್ದಿಗೋಷ್ಠಿ ಕರೆದ ಈಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವಾರು ಸಂಗತಿಗಳನ್ನು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ನಾಪತ್ತೆ ಆಗಿದ್ದ ಗಂಡ ಹತ್ತು ವರ್ಷಗಳ ಬಳಿಕ ಪತ್ತೆ; ವೈದ್ಯರನ್ನು ನೋಡಲು ಹೋಗಿದ್ದ ಪತ್ನಿಗೆ ಪತಿಯೇ ಸಿಕ್ಕಿ ಅಚ್ಚರಿ!
ನಾನು ಏಳು ವರ್ಷಗಳಿಂದ ಎನ್.ಎನ್.ಪ್ರೊಡಕ್ಷನ್ ಅಂತ ಕಂಪನಿ ನಡೆಸುತ್ತಿದ್ದೇನೆ. ಅದರ ಮೂಲಕ ನಾನು ಸಾಕಷ್ಟು ಇವೆಂಟ್ ಮಾಡಿದ್ದು, ನನ್ನ ಕಂಪನಿಗೆ ಒಂದೂ ಕಪ್ಪುಚುಕ್ಕೆ ಇರಲಿಲ್ಲ. ನನ್ನ ಕಂಪನಿಗೆ ಹರ್ಷಿತಾ ಅಂತ ಒಂದು ಹುಡುಗಿಯನ್ನು ಕೆಲಸಕ್ಕೆ ತಗೊಂಡೆ, ಆಕೆಯ ಫ್ಯಾಮಿಲಿ ನನಗೆ ತುಂಬಾ ಕ್ಲೋಸ್ ಆಗಿತ್ತು. ಅವರು ಸುಮಾರು ಎರಡು ವರ್ಷ ನನ್ನ ಜೊತೆಯೇ ಇದ್ದರು. ಅವರಿಗೆ ನನ್ನ ಎಲ್ಲ ಬ್ಯಾಂಕ್ ಡಿಟೇಲ್ಸ್ ಗೊತ್ತಿತ್ತು. ಬಳಿಕ ಅವರು ನನ್ನ ಕಂಪನಿಯಲ್ಲಿ ಶೇರ್ ಕೇಳಿದ್ರು, ಅದಕ್ಕೆ ನಾನು ಒಪ್ಪಲಿಲ್ಲ. ಆಗ ಅವರ ಐಫೋನ್ನಲ್ಲಿ ನನ್ನ ಇನ್ಸ್ಟಾಗ್ರಾಂ ಓಪನ್ ಮಾಡಿದ್ರು, ಅದನ್ನು ಪ್ರಶ್ನೆ ಮಾಡಿದ ಬಳಿಕ ಕೆಲಸ ಬಿಟ್ಟರು ಎಂದು ನಿಶಾ ಹೇಳಿದ್ದಾರೆ.
ಇದನ್ನೂ ಓದಿ: ಏಯ್.. ಎಲ್ಲಿಗೆ ಬಂತು ಎಐ(AI)?; ಸೆX ರೋಬೋಗಳಲ್ಲೂ ಕೃತಕ ಬುದ್ಧಿಮತ್ತೆ; ಹಾಸಿಗೆಯಲ್ಲಿ ಸಂಗಾತಿಯೇ ಬೇಕಾಗಲ್ವಂತೆ!
ಹರ್ಷಿತಾ ಕೆಲಸ ಬಿಟ್ಟ ಬಳಿಕ ನನಗೆ ತೊಂದರೆ ಆಗಲಿಕ್ಕೆ ಶುರುವಾಯ್ತು. ನನ್ನ ಕ್ಲೈಂಟ್ಸ್ ಮನೆ ಹತ್ತಿರ ಬರಲು ಶುರು ಮಾಡಿದ್ರು. ಅವರನ್ನು ಹರ್ಷಿತಾನೇ ಕಳಿಸುತ್ತಿದ್ದರು. ರೀತು ಅನ್ನೋರು ಗಲಾಟೆ ವಿಡೀಯೋ ನೀಡಿದ್ದಾರೆ, ಆದರೆ ಅವರ ಬಾಯ್ಫ್ರೆಂಡ್ ಬಂದು ಗಲಾಟೆ ಮಾಡಿದ್ದಾರೆ. ಈ ಟೈಮಲ್ಲಿ ಅವರು ಅದನ್ನ ಬಳಸಿಕೊಂಡಿದ್ದಾರೆ. ಯಶಸ್ವಿನಿಯವರು ಠಾಣೆಗೆ ಬಂದ್ರು, ಅವರು ಪರಿಚಯ ಇಲ್ಲ ಅನ್ನೋ ರೀತಿ ತೋರಿಸಿಕೊಂಡ್ರು, ಕಿರಚಾಡಿದ್ರು, ಕೂಗಾಡಿದ್ರು. ನಂತರ ಅವರು ಎಲ್ಲರಿಗೂ ರೀಫಂಡ್ ಕೊಡ್ತೀನಿ ಅಂದ್ರು. ಅವರು ಅವರು ನನ್ನ ಕಂಪನಿಯಲ್ಲ, ಆದ್ರೂ ಏನೇನೋ ಹೇಳಿದ್ರು ಅಂತ ನಿಶಾ ವಿವರಿಸಿದ್ದಾರೆ.
ಇದನ್ನೂ ಓದಿ: ಮಕ್ಕಳನ್ನು ಡೌನ್ಲೋಡ್ ಮಾಡಿಕೊಳ್ಳುವ ಕಾಲ ಬರಬಹುದಾ?; ಇದೇನಿದು ಅಪ್ಪ-ಅಮ್ಮ ಇಲ್ಲದೆ ಮಗು ಹುಟ್ಟಿಸೋ ಪ್ರಯತ್ನ!
ಇವೆಲ್ಲವನ್ನೂ ಆರು ತಿಂಗಳೂ ಕಂಪ್ಲೀಟ್ ಪ್ಲ್ಯಾನ್ ಮಾಡಿ ಮಾಡಿದ್ದಾರೆ. ನನ್ನ ಮೇಲೆ ವ್ಯವಸ್ಥಿತವಾಗಿ ಸಂಚು ಮಾಡಿದ್ದಾರೆ. ನನ್ನನ್ನು ಪರ್ಸನಲ್ ಆಗಿ ಟಾರ್ಗೆಟ್ ಮಾಡಿದವರಿಗೆ ಯಶಸ್ವಿನಿ ಸಹಾಯ ಮಾಡಿದ್ದಾರೆ. ಯಶಸ್ವಿನಿಗೂ ನಮಗೂ ಒಂದು ವರ್ಷದಿಂದ ಪರಿಚಯ, ಅವರು ಪ್ರಮೋಷನ್ಗಾಗಿ ಬರುತ್ತಿದ್ದರು. ಅವರಿಗೆ ಸ್ವಲ್ಪ ಹಣ ಕೊಡಬೇಕಾಗಿತ್ತು, ಸ್ವಲ್ಪ ಕೊಟ್ಟಿದ್ದೇನೆ. ಇದಕ್ಕೆ ಸಂಬಂಧಿಸಿದ ಪೋಟೋಗಳು ಇವೆ. ಆದರೆ ನನಗೆ ಅವರಿಗೆ ಪರಿಚಯ ಇಲ್ಲ ಅನ್ನುವಂತೆ ತೋರಿಸಿಕೊಂಡ್ರು. ಯಶಸ್ವಿನಿಯವರು ಪುಗ್ಸಟ್ಟೆ ಯಾವುದೇ ಇವೆಂಟ್ಗೆ ಬಂದಿರಲಿಲ್ಲ. ಪ್ರತಿಯೊಂದಕ್ಕೂ ಹಣ ಪಡೆದೇ ಬಂದಿದ್ದಾರೆ. ಇದನ್ನ ನಾನು ಹೊರಗೆ ಹೇಳಬಾರದಾ? ನನ್ನ ಪ್ರೊಡಕ್ಷನ್ ಕಂಪನಿಗೆ ಏಳು ವರ್ಷ, ವಂಶಿಕಾಗೆ ಐದು ವರ್ಷ. ನಾನು ಇವರ ಮಗಳಿಂದಲೇನಾ ಬದುಕಿರೋದು? ಅವರು ಪ್ರತಿ ವಾಹಿನಿಯಲ್ಲೂ ಹಣ ಪಡೆದೇ ಭಾಗವಹಿಸುತ್ತಿರುವುದು ಎಂದು ಯಶಸ್ವಿನಿ ವಿರುದ್ಧ ನಿಶಾ ಆರೋಪ ಹೊರಿಸಿದ್ದಾರೆ.