ನೂರ್ ಸುಲ್ತಾನ್: ಜಗತ್ತಿನಲ್ಲಿ ಎಂಥೆಂತಾ ವಿಚಿತ್ರ ಹವ್ಯಾಸವುಳ್ಳ ವ್ಯಕ್ತಿಗಳು ಇರುತ್ತಾರೆ ಎಂಬುದಕ್ಕೆ ಈ ವರದಿಯಲ್ಲಿ ಪರಿಚಯವಾಗಿರುವ ವ್ಯಕ್ತಿಯು ಸಹ ಒಂದು ಉದಾಹರಣೆ. ಸೆಕ್ಸ್ ಡಾಲ್ (ಲೈಂಗಿಕ ಬೊಂಬೆ) ಅನ್ನೇ ಮದುವೆಯಾಗಿರುವ ಬಾಡಿಬಿಲ್ಡರ್, ಮೊದಲ ಬಾರಿಗೆ ಅದರೊಟ್ಟಿಗೆ ಕ್ರಿಸ್ಮಸ್ ಆಚರಿಸುವ ಖುಷಿಯಲ್ಲಿರುವಾಗಲೇ ಸೆಕ್ಸ್ ಡಾಲ್ ಮುರಿದುಹೋಗಿ ಆಘಾತ ಎದುರಿಸಿದ್ದ. ಇದೀಗ ಮೊದಲ ಪತ್ನಿ ಮುರಿದ ಹೋಗಿರುವುದರಿಂದ ಅನೇಕ ಸೆಕ್ಸ್ ಡಾಲ್ ಪತ್ನಿಯರನ್ನು ಪಡೆಯಲು ಬಾಡಿ ಬಿಲ್ಡರ್ ನಿರ್ಧಾರ ಮಾಡಿದ್ದಾರೆ.
ವಿವರಣೆಗೆ ಬರುವುದಾದರೆ, ಕಝಾಕಿಸ್ತಾನ್ ಮೂಲದ ಬಾಡಿಬಿಲ್ಡರ್ ಯುರಿ ತೊಲೊಚ್ಕೋ ಕಳೆದ ವರ್ಷ ನವೆಂಬರ್ನಲ್ಲಿ ಮಾರ್ಗೋ ಹೆಸರಿನ ಸೆಕ್ಸ್ ಡಾಲ್ ಅನ್ನು ಮದುವೆಯಾಗಿದ್ದ. ಕ್ರಿಸ್ಮಸ್ಗೂ ಮೊದಲೇ ಸೆಕ್ಸ್ ಡಾಲ್ ತುಂಡು ತುಂಡಾಗಿ ಮುರಿದುಬಿದ್ದಿತ್ತು. ಮತ್ತೆ ಎಂದಿನಂತೆ ಕಾರ್ಯನಿರ್ವಹಿಸುವ ಹಾಗೂ ಸರಿಯಾದ ರೀತಿಯಲ್ಲಿ ಜೋಡಿಸಲು ರಿಪೇರಿಗೆ ನೀಡಿದ್ದ. ಆದರೆ, ಇದೀಗ ಮತ್ತಷ್ಟು ಸೆಕ್ಸ್ ಡಾಲ್ ಮದುವೆಯಾಗಲು ಯುರಿ ನಿರ್ಧರಿಸಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ಯುರಿ, ಮಾರ್ಗೋ ಮತ್ತೆ ಮುರಿದು ಹೋಗುವುದು ನನಗೆ ಇಷ್ಟವಿಲ್ಲ. ಅವಳ ಮೇಲಿನ ಭಾರವನ್ನು ಕಡಿಮೆ ಮಾಡಬೇಕೆಂದುಕೊಂಡಿದ್ದೇನೆ. ಹೀಗಾಗಿ ನಾನು ಅನೇಕ ಪತ್ನಿಯರನ್ನು ಹೊಂದಲು ನಿರ್ಧರಿಸಿದ್ದೇನೆ. ಈ ಸಂಪ್ರದಾಯ ಕೆಲವೊಂದು ಪೂರ್ವ ಸಂಸ್ಕೃತಿಯಲ್ಲಿ ಅಸ್ತಿತ್ವದಲ್ಲಿದೆ ಎಂದಿದ್ದಾನೆ.
ನಾನೀಗ ಎರಡು ಆಯ್ಕೆಗಳನ್ನು ಹೊಂದಿದ್ದೇನೆ. ಮತ್ತೊಂದು ಸೆಕ್ಸ್ ಡಾಲ್ನೊಂದಿಗೆ ಆನ್ಲೈನ್ನಲ್ಲಿ ಪರಿಚಯವಾಗಿದೆ. ಅವಳನ್ನು ಭೇಟಿ ಮಾಡಲು ನಿರ್ಧರಿಸಿದ್ದೇನೆ. ಅವಳು ಮಾಸ್ಕೋದಲ್ಲಿದ್ದಾಳೆ. ಆದರೆ, ಅವರು ವಿಮಾನ ನಿಲ್ದಾಣದಿಂದ ಹೊರಗೆ ಹೋಗಲು ನನ್ನನ್ನು ಬಿಡುವುದಿಲ್ಲ. ಏಕೆಂದರೆ ಕ್ವಾರಂಟೈನ್ ಅವಧಿ ಮುಗಿಸಲೇಬೇಕು ಎಂದು ಹೇಳಿದ್ದಾನೆ. ಮತ್ತೊಂದು ಆಯ್ಕೆಯಂತೆ ಯುರಿ ಬಿಗ್ ಚಿಕನ್ ಹಿಂದೆ ಬಿದ್ದಿದ್ದಾನೆ. ಚಿಕನ್ನಿಂದ ತನ್ನ ಕಾಮತೃಷೆಯನ್ನು ತಣಿಸಿಕೊಳ್ಳಲು ಮುಂದಾಗಿದ್ದಾನೆ. ಈ ಹಿಂದೆ ಚಿಕನ್ನಿಂದ ಪ್ರಯತ್ನ ಮಾಡಿದ್ದು, ಅದನ್ನು ತನ್ನ ಇನ್ಸ್ಟಾಗ್ರಾಂನಲ್ಲಿ ಯುರಿ ಹಂಚಿಕೊಂಡಿದ್ದ.
ಮುರಿದು ಹೋಗಿರುವ ಮಾರ್ಗೋ ಇನ್ನೂ ರಿಪೇರಿ ಆಗುತ್ತಿದೆ. ಆಕೆಯನ್ನು ನನ್ನ ಮೊದಲ ಪತ್ನಿ ಎಂದು ಪರಿಗಣಿಸಿದ್ದೇನೆ. ಆಕೆಯನ್ನು ನಾನು ಸದಾ ಗೌರವಿಸುತ್ತೇನೆಂದು ಯುರಿ ಹೇಳಿಕೊಂಡಿದ್ದಾನೆ.
ಅಂದಹಾಗೆ ಮಾರ್ಗೋ ಹೆಸರಿನ ಸೆಕ್ಸ್ ಡಾಲ್ ಅನ್ನು ಯುರಿ ಕಳೆದ ನವೆಂಬರ್ನಲ್ಲಿ ಕೆಲವೇ ಮಂದಿಯ ಅತಿಥಿಗಳ ನಡುವೆ ವರಿಸಿದ್ದಾನೆ. ಮಾರ್ಗೋಳನ್ನು ಮೊದಲ ಬಾರಿಗೆ ನೈಟ್ ಕ್ಲಬ್ ಒಂದರಲ್ಲಿ ಯುರಿ ಭೇಟಿಯಾದರಂತೆ. ಮಾರ್ಚ್ನಲ್ಲೇ ಸರಳವಾಗಿ ಮದುವೆಯು ಆಗಿದ್ದರಂತೆ. ಅದಾದ ಬೆನ್ನಲ್ಲೇ ಕರೊನಾ ವೈರಸ್ ವಕ್ಕರಿಸಿದ್ದರಿಂದ ನವೆಂಬರ್ನಲ್ಲಿ ಕೆಲವೇ ಅತಿಥಿಗಳ ಸಮ್ಮುಖದಲ್ಲಿ ಮತ್ತೊಮ್ಮೆ ವರಿಸಿದ್ದ. ಯುರಿ ಇನ್ಸ್ಟಾಗ್ರಾಂನಲ್ಲಿ 99 ಸಾವಿರ ಫಾಲೋವರ್ಸ್ ಹೊಂದಿದ್ದಾರೆ. (ಏಜೆನ್ಸೀಸ್)