ಹೈದರಾಬಾದ್: ಕಾಲೇಜು ಮುಗಿಸಿಕೊಂಡು ಮನೆಗೆ ಬರುತ್ತಿದ್ದ ಬೀ ಫಾರ್ಮಸಿ ವಿದ್ಯಾರ್ಥಿನಿಯನ್ನು ಆಟೋ ಚಾಲಕ ಸೇರಿದಂತೆ ಮೂವರು ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆನ್ನಲಾದ ಘಟನೆ ಗಾಟ್ಕೇಸರ್ನಲ್ಲಿ ನಡೆದಿದೆ.
ಬುಧವಾರ ಸಂಜೆ 6.30ರ ಸುಮಾರಿಗೆ ಗಾಟ್ಕೇಶ್ವರ್ ಠಾಣಾ ವ್ಯಾಪ್ತಿಯಲ್ಲೇ ಕೃತ್ಯ ನಡೆದಿದೆ. ರಾಮಪಲ್ಲಿಯ ಆರ್ಎಲ್ ನಗರದ ಒಯು ಕಾಲನಿಯ ಯುವತಿ ಕಂದಲ್ಕೊಯಾದ ಬೀ ಫಾರ್ಮಸಿ ಕಾಲೇಜಿನ ವಿದ್ಯಾರ್ಥಿನಿ. ಕಾಲೇಜು ಮುಗಿಸಿಕೊಂಡು ಮನೆಗೆ ಹಿಂದಿರುಗುವಾಗ ನಗರಂನಲ್ಲಿ ಬಸ್ ಇಳಿದಿದ್ದಾಳೆ. ಬಳಿಕ ರಾಮಪಲ್ಲಿ ಆರ್ಎಲ್ ನಗರಕ್ಕೆ ತೆರಳಲು ಏಳು ಸೀಟಿನ ಆಟೋವನ್ನೇರಿದ್ದಾಳೆ. ವಿದ್ಯಾರ್ಥಿನಿಯ ಜತೆ ಓರ್ವ ಸೀನಿಯರ್ ವಿದ್ಯಾರ್ಥಿ ಮತ್ತು ಇಬ್ಬರು ಇತರೆ ಪ್ರಯಾಣಿಕರಿದ್ದರು. ಆದರೆ, ಕೆಲವೇ ದೂರದಲ್ಲಿ ಮೂವರು ಸಹ ಇಳಿದುಕೊಳ್ಳುತ್ತಾರೆ.
ಇದನ್ನೂ ಓದಿರಿ: ಟ್ರೋಲಿಗರ ಗಮನಸೆಳೆದ ವಧು-ವರನ ಫೋಟೋ: ವೈರಲ್ ಆಯ್ತು ‘ಸ್ವಲ್ಪ ತಡಿಯಮ್ಮಾ’ ಮೀಮ್ಸ್..!
ಆದರೆ, ಆಟೋದಲ್ಲಿ ವಿದ್ಯಾರ್ಥಿ ಒಬ್ಬಳೇ ಉಳಿದುಕೊಳ್ಳುತ್ತಾಳೆ. ಇದನ್ನೇ ದುರುಪಯೋಗ ಪಡಿಸಿಕೊಳ್ಳುವ ಆಟೋ ಚಾಲಕ, ವಿದ್ಯಾರ್ಥಿನಿ ಇಳಿಯಬೇಕಿದ್ದ ಸ್ಥಳದ್ದಲ್ಲಿ ನಿಲ್ಲಿಸದೇ ವೇಗವಾಗಿ ಆಟೋ ಚಾಲನೆ ಮಾಡಿಕೊಂಡು ಹೋಗುತ್ತಾನೆ. ಬಳಿಕ ಯಮನಪೇಟೆಯಲ್ಲಿ ಮತ್ತೊಂದು ವ್ಯಾನ್ಗೆ ವಿದ್ಯಾರ್ಥಿಯನ್ನು ಬಲವಂತವಾಗಿ ಆಟೋದಿಂದ ಎಳೆದುಕೊಳ್ಳುತ್ತಾರೆ. ನಂತರ ವ್ಯಾನ್ ಅನ್ನು ಗಾಟ್ಕೇಸರ ರೈಲ್ವೆ ಹಳಿ ಬಳಿ ತೆಗೆದುಕೊಂಡು ಹೋಗಿ, ಚಾಲಕ ಹಾಗೂ ಇನ್ನಿಬ್ಬರು ಆಕೆಯ ಬಟ್ಟೆಯನ್ನು ಹರಿದು ಅತ್ಯಾಚಾರ ಎಸಗುತ್ತಾರೆ. ಈ ವೇಳೆ ಪೊಲೀಸ್ ಸೈರನ್ ಶಬ್ದ ಕೇಳಿ ಆಕೆಯನ್ನು ಅಲ್ಲಿಂದ ಒಆರ್ಆರ್ ಇಂಟರ್ಚೇಂಜ್ ಸರ್ವೀಸ್ ರಸ್ತೆಯಲ್ಲಿದ್ದ ಕಟ್ಟಡವೊಂದಕ್ಕೆ ಕರೆದೊಯ್ಯುತ್ತಾರೆ. ಬಳಿಕ ಅಲ್ಲಿಯೂ ಸೈರನ್ ಶಬ್ದ ಕೇಳಿ ಪೊಲೀಸ್ ಹಿಂಬಾಲಿಸುತ್ತಿದ್ದಾರೆಂದು ಭಯಬಿದ್ದು ಸ್ಥಳದಿಂದ ಕಾಲ್ಕಿಳುತ್ತಾರೆ.
ಇದಾದ ಬಳಿಕ ಸಂತ್ರಸ್ತ ವಿದ್ಯಾರ್ಥಿನಿ ತನ್ನ ತಾಯಿಗೆ ಕರೆ ಮಾಡಿ ನಡೆದ ಘಟನೆಯನ್ನು ವಿವರಿಸುತ್ತಾಳೆ. ಬಳಿಕ ತಾಯಿ ಆಪ್ತ ಸಂಬಂಧಿ ಯುವಕನಿಗೆ ಕರೆ ಮಾಡಿ ಘಟನೆಯನ್ನು ತಿಳಿಸುತ್ತಾರೆ. ನಂತರ ಯುವಕ ಪೊಲೀಸ್ ಸಹಾಯವಾಣಿ ನಂಬರ್ 100ಕ್ಕೆ ಕರೆ ಮಾಡಿ ದೂರು ನೀಡುತ್ತಾನೆ. ತಕ್ಷಣವೇ ಕೀಸರಾ ಮತ್ತು ಗಾಟ್ಕೆಸರ್ ಠಾಣಾ ಪೊಲೀಸರು ತಂಡವೊಂದನ್ನು ರಚಿಸಿಕೊಂಡು ಕಾರ್ಯಾಚರಣೆಗೆ ಇಳಿಯುತ್ತಾರೆ. ಸಂತ್ರಸ್ತೆಯ ಫೋನ್ ನಂಬರ್ ಲೊಕೇಶನ್ ಪತ್ತೆಹಚ್ಚಿ ಅಲ್ಲಿಗೆ ಹೋಗುತ್ತಾರೆ. ಅಷ್ಟರಲ್ಲಾಗಲೇ ಆರೋಪಿ ಪರಾರಿಯಾಗಿದ್ದ.
ಸಂತ್ರಸ್ತೆಯ ಬಟ್ಟೆಯನ್ನೆಲ್ಲ ಹರಿದು ಆಕೆಯನ್ನು ಅರೆಬೆತ್ತಲೆ ಅವತಾರದಲ್ಲಿ ದುಷ್ಮರ್ಮಿಗಳು ಬಿಟ್ಟು ಹೋಗಿದ್ದರು. ಈ ವೇಳೆ ಸಂತ್ರಸ್ತೆಯ ಬಲಗಾಲಿಗೆ ಗಾಯವಾಗಿದ್ದು, ಸಂಜೆ 7.50ರ ಹೊತ್ತಿಗೆ ಆಕೆಯನ್ನು ರಕ್ಷಿಸಲಾಯಿತು. ತಕ್ಷಣ ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಯಿತು. ಅದೃಷ್ಟವಶಾತ್ ಯುವತಿಗೆ ಸಣ್ಣ ಗಾಯ ಬಿಟ್ಟರೆ ಆರೋಗ್ಯ ಉತ್ತಮವಾಗಿದೆ. ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆಟೋ ಚಾಲಕನ ಪತ್ತೆಗೆ ಸ್ಥಳೀಯ ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲಿಸುತ್ತಿದ್ದಾರೆ. (ಏಜೆನ್ಸೀಸ್)
ಪ್ರೇಮಿಗಳ ದಿನ ಹುಡುಗಿಯರ ಕಾಟ ತಾಳಲಾರೆ ಪ್ಲೀಸ್ 5 ದಿನ ರಜೆ ಕೊಡಿ ಸರ್..!
ಜೀವಕ್ಕೆ ಅಪಾಯವಿದ್ರೆ ಸಾಕ್ಷಿ ಗುರುತೇ ಬದಲು!; ಪೊಲೀಸ್, ಪ್ರಾಧಿಕಾರಗಳಿಗೆ ಅನುಮತಿ ನೀಡಿದ ಕೇಂದ್ರ ಗೃಹ ಇಲಾಖೆ
ಪಿಡಿಒ ಕೊರತೆ, ಅಭಿವೃದ್ಧಿ ಚಿಂತೆ: 800ಕ್ಕೂ ಹೆಚ್ಚು ಸ್ಥಾನ ಖಾಲಿ, ಹೊಸ ಚುನಾಯಿತರಿಗೆ ಆತಂಕ..