ಮದುವೆಯ ಬೆನ್ನಲ್ಲೇ ಆಂಬ್ಯುಲೆನ್ಸ್​ನಲ್ಲಿ ಜಾಲಿ ರೈಡ್​ ಹೋದ ನವದಂಪತಿಗೆ ಕಾದಿತ್ತು ಶಾಕ್..!​

ಆಲಪ್ಪುಳ: ಮದುವೆಯ ನಂತರ ಕಳೆದ ಸೋಮವಾರ ಸ್ನೇಹ ಬಳಗ ಆಯೋಜಿಸಿದ್ದ ಸಂತೋಷ ಕೂಟದ ಭಾಗವಾಗಿ ಆಂಬ್ಯುಲೆನ್ಸ್​ನಲ್ಲಿ ಜಾಲಿ ರೈಡ್​ಗೆ ಹೋದ ನವದಂಪತಿಗೆ ಶಾಕ್​ ಒಂದು ಎದುರಾಗಿತ್ತು.

ಆಂಬ್ಯುಲೆನ್ಸ್​ನಲ್ಲಿ ತೆರಳಿದ ನವದಂಪತಿ ಕಯಮುಕಲಂ ಬಳಿಯಿರುವ ಕಟ್ಟನಂನಲ್ಲಿರುವ ವರನ ಮನೆಗೆ ತಲುಪಿದರು. ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವುದನ್ನು ಗಮನಿಸಿದ ಕೇರಳದ ಆರ್​ಟಿಒ ತಕ್ಷಣ ಪ್ರಕರಣ ದಾಖಲಿಸಿ, ವಾಹನವನ್ನು ಸೀಜ್​ ಮಾಡಿ, ಚಾಲಕನ ಲೈಸೆನ್ಸ್​ ಅನ್ನು ರದ್ದು ಮಾಡಿದೆ.

ವೃತ್ತಿಯಲ್ಲಿ ಆಂಬ್ಯುಲೆನ್ಸ್​ ಚಾಲಕನಾಗಿರುವ ವರ, ವಧುವನ್ನು ಕೂರಿಸಿಕೊಂಡು ಮದುವೆಯ ಬಳಿಕ ತನ್ನ ಮನೆಗೆ ಆಂಬ್ಯುಲೆನ್ಸ್​ ಮೂಲಕವೇ ತಲುಪಿದ. ಈ ವೇಳೆ ಆಂಬ್ಯುಲೆನ್ಸ್​ ಒಳಗೆ ವರನ ಸ್ನೇಹಿತರು ಹಾಡು ಹಾಕಿಕೊಂಡ ನೃತ್ಯ ಮಾಡಿದ್ದಲ್ಲದೆ, ಆಂಬ್ಯುಲೆನ್ಸ್​ ಸೈರನ್​ ಹಾಕಿಕೊಂಡು ಸಂಭ್ರಮಿಸಿದ್ದಾರೆ. ಇದಿಷ್ಟು ಕ್ಷಣವು ಮೊಬೈಲ್​ನಲ್ಲಿ ರೆಕಾರ್ಡ್​ ಆಗಿದ್ದು, ವಿಡಿಯೋ ತುಣುಕು ಜಾಲತಾಣದಲ್ಲಿ ಹರಿದಾಡಿದೆ.

ಆಂಬ್ಯುಲೆನ್ಸ್​ ಚಾಲಕರ ಸಂಘ ದೂರು ನೀಡಿದ ಬಳಿಕ ಚಾಲಕ ಕಂ ವರನ ಮೇಲೆ ದೂರು ದಾಖಲಾಗಿದೆ. ತುರ್ತುಪರಿಸ್ಥಿತಿಗೆ ಬಳಸುವ ಆಂಬ್ಯುಲೆನ್ಸ್​ ಅನ್ನು ದುರ್ಬಳಕೆ ಮಾಡಿಕೊಂಡ ಆರೋಪದ ಮೇಲೆ ದೂರು ದಾಖಲಿಸಲಾಗಿದ್ದು, ಈಗಾಗಲೇ ವಾಹನ ಸೀಜ್​ ಮಾಡಿ, ಚಾಲಕನ ಲೈಸೆನ್ಸ್​ ರದ್ದು ಮಾಡಲಾಗಿದೆ. (ಏಜೆನ್ಸೀಸ್​)

https://www.vijayavani.net/r-video-madhya-pradesh-policewoman-forces-man-to-clean-her-trousers/

https://www.vijayavani.net/r-the-female-sub-inspector-of-barauni-police-station-ends-her-own-life/

https://www.vijayavani.net/r-bigil-actress-reba-monica-john-enters-wedlock/