ಚಾಮರಾಜನಗರದ ದಟ್ಟ ಕಾನನದಲ್ಲಿ ಅಕ್ಷಯ್​ ಕುಮಾರ್!

ಅಕ್ಷಯ್​ ಕುಮಾರ್ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಕಾನನದೊಳಗೆ ಪಯಣ ಬೆಳಸಿದ್ದಾರೆ. ಕಾಡು ಪ್ರಾಣಿಗಳನ್ನು ಕೂಗಳತೆ ದೂರದಿಂದ ಕಣ್ತುಂಬಿಕೊಂಡಿದ್ದಾರೆ. ನೀರಿನಾಳಕ್ಕೆ ಇಳಿದು ಮೊಸಳೆಯನ್ನೂ ನೋಡಿದ್ದಾರೆ.

ಇದನ್ನೂ ಓದಿ: ಮುಗಿಸಿಬಿಡ್ತೀನಿ ಅಂತ ಸುಶಾಂತ್​ಗೆ ಧಮ್ಕಿ ಹಾಕಿದ ಸ್ಟಾರ್ ಯಾರು?

ಮ್ಯಾನ್​ ವರ್ಸಸ್​ ವೈಲ್ಡ್ ಶೋ ಮೂಲಕ ಖ್ಯಾತಿ ಪಡೆದ ಬಿಯರ್​ ಗ್ರಿಲ್ಸ್, ‘ಇನ್​ಟು ದಿ ವೈಲ್ಡ್ ವಿತ್​ ಬಿಯರ್ ಗ್ರಿಲ್ಸ್​’ ಶೋ ಇನ್ನೇನು ಪ್ರಸಾರವಾಗಲಿದೆ. ಆ ಶೋದಲ್ಲಿ ಬಾಲಿವುಡ್​ ಕಿಲಾಡಿ ಅಕ್ಷಯ್ ಕುಮಾರ್​ ಪಾಲ್ಗೊಂಡಿದ್ದು ಈ ಹಿಂದೆಯೇ ಸುದ್ದಿಯಾಗಿತ್ತು. ಇದೀಗ ಅದರ ಪ್ರಸಾರಕ್ಕೆ ದಿನಾಂಕ ನಿಗದಿಯಾಗಿದೆ.

ಡಿಸ್ಕವರಿ ಪ್ಲಸ್​ನಲ್ಲಿ ಸೆಪ್ಟೆಂಬರ್​ 11ರಂದು ಪ್ರಸಾರವಾದರೆ, ಡಿಸ್ಕವರಿಯಲ್ಲಿ ಸೆ. 14ರಂದು ಪ್ರಸಾರವಾಗಲಿದೆ. ಈ ವಿಚಾರವನ್ನು ಸ್ವತಃ ಅಕ್ಷಯ್​ ಕುಮಾರ್ ಸೋಷಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿಕೊಂಡಿದ್ದು, ಅದರ ಟೀಸರ್ ಸಹ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ರಿಯಾ ಚಕ್ರವರ್ತಿ ಕಪಾಳಕ್ಕೆ ಬಾರಿಸಿದರಾ ಸಿಬಿಐ ಅಧಿಕಾರಿ?

ಇದೆಲ್ಲ ಒಂದೆಡೆಯಾದರೆ ಇನ್ನೊಂದು ಮುಖ್ಯವಾದ ವಿಚಾರ ಏನೆಂದರೆ, ‘ಇನ್​ಟು ದಿ ವೈಲ್ಡ್ ವಿತ್​ ಬಿಯರ್ ಗ್ರಿಲ್ಸ್​’ ಶೋದ ಚಿತ್ರೀಕರಣವನ್ನು ಕರ್ನಾಟಕದಲ್ಲಿ ಮಾಡಲಾಗಿದೆ. ಕರ್ನಾಟಕದ ಚಾಮರಾಜನಗರದ ಕಾಡಿನಲ್ಲಿ ಚಿತ್ರೀಕರಣ ಮಾಡಲಾಗಿದೆ.

ಅಂದಹಾಗೆ, ಕಳೆದ ಜನವರಿಯಲ್ಲಿಯೇ ಈ ಶೋ ಚಿತ್ರೀಕರಣ ಮಾಡಲಾಗಿತ್ತು. ಅಲ್ಲಿಂದ ಇಲ್ಲಿಯವರೆಗೂ ಅದರ ಪ್ರಸಾರ ಮಾತ್ರ ವಿಳಂಬವಾಗಿತ್ತು. ಇದೀಗ ರಿಲೀಸ್​ಗೆ ಡೇಟ್​ ಫಿಕ್ಸ್ ಆಗಿದೆ. ಈ ಹಿಂದೆ ಪ್ರಧಾನಿ ಮೋದಿ, ಸೂಪರ್​ಸ್ಟಾರ್ ರಜನಿಕಾಂತ್​ ಅವರೂ ಈ ಶೋದಲ್ಲಿ ಭಾಗವಹಿಸಿ ಕಾಡಿನೊಳಕ್ಕೆ ಪ್ರವೇಶ ಪಡೆದ್ದರು. (ಏಜೆನ್ಸೀಸ್​)