ಮುಂಬೈ: ಮೂರನೆಯ ಭಾಗ ಯಾವಾಗ? ಎಂಬ ಪ್ರಶ್ನೆ ಇಂದು, ನಿನ್ನೆಯದಲ್ಲ. ‘ಸಿಂಗಂ 2’ ಒಂದು ಲೆವೆಲ್ಗೆ ಹಿಟ್ರ ಆಗುತ್ತಿದ್ದಂತೆಯೇ, ಇಂಥದ್ದೊಂದು ಪ್ರಶ್ನೆ ಕೇಳಿ ಬಂದಿತ್ತು. ಆದರೆ, ಅಜಯ್ ದೇವಗನ್ ಮತ್ತು ನಿರ್ದೇಶಕ ರೋಹಿತ್ ಶೆಟ್ಟಿ ಇಬ್ಬರೂ ಬೇರೆಬೇರೆ ಚಿತ್ರಗಳಲ್ಲಿ ತೊಡಗಿಸಿಕೊಂಡಿದ್ದರಿಂದ, ‘ಸಿಂಗಂ 3’ ಪೆಂಡಿಂಗ್ ಇತ್ತು. ಈಗ ‘ಸಿಂಗಂ’ ಚಿತ್ರದ ಮೂರನೆಯ ಭಾಗ ಶುರುವಾಗುತ್ತಿರುವ ಮುನ್ಸೂಚನೆಯೊಂದು ಸಿಕ್ಕಿದೆ.
ಇದನ್ನೂ ಓದಿ: ರಮ್ಯಾ ಹುಟ್ಟುಹಬ್ಬಕ್ಕೆ ವಿಶಿಷ್ಟ ಉಡುಗೊರೆ; ಗೋಡೆ ಮೇಲೆ 35 ಅಡಿ ಚಿತ್ರ
‘ಸಿಂಗಂ’ ಚಿತ್ರದ ಮೂರನೆಯ ಭಾಗ ಬರುತ್ತದಂತೆ. ಹಾಗಂತ ಒಂದು ಸುದ್ದಿ ಕೇಳಿ ಬರುತ್ತಿದೆ. ಈ ಚಿತ್ರಕ್ಕೆ ‘ಸಿಂಗಂ ಅಗೇನ್’ ಎಂಬ ಹೆಸರನ್ನು ಇಡಲಾಗಿದ್ದು, ಮುಂದಿನ ವರ್ಷ ಸೆಟ್ಟೇರುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
‘ಸಿಂಗಂ’ ಚಿತ್ರವು ತಮಿಳಿನ ಅದೇ ಹೆಸರಿನ ಚಿತ್ರದ ರೀಮೇಕ್ ಆಗಿತ್ತು. ತಮಿಳಿನಲ್ಲಿ ‘ಸಿಂಗಂ 2’ ಬಂದರೂ, ಹಿಂದಿಯಲ್ಲಿ ಅದನ್ನು ರೀಮೇಕ್ ಮಾಡಲಿಲ್ಲ. ಬದಲಗೆ ‘ಸಿಂಗಂ 2’ ಹೆಸರಿನಲ್ಲಿ ಬೇರೆಯದೇ ಕಥೆಯನ್ನು ಹೇಳಿದರು ರೋಹಿತ್ ಶೆಟ್ಟಿ. ಇದು ತಕ್ಕ ಮಟ್ಟಿಗೆ ಹಿಟ್ ಆಯಿತು. ಈಗ ಮೂರನೆಯ ಭಾಗದಲ್ಲಿ ಅವರು ಏನು ಹೇಳಬಹುದು ಎಂಬ ಕುತೂಹಲ ಎಲ್ಲರಿಗೂ ಇದ್ದೇ ಇದೆ. ಮೂಲಗಳ ಪ್ರಕಾರ, ಮೂರನೆಯ ಭಾಗದಲ್ಲಿ ಭಯೋತ್ಪಾದನೆಯ ವಿರುದ್ಧ ಸಿಂಗಂ ಸಮರ ಸಾರಲಿದ್ದಾರಂತೆ.
ಇದನ್ನೂ ಓದಿ: ದಿಗಂತ್ ಕಾಲಿಗೆ ಬ್ಯಾಂಡೇಜ್; ಕುಂಟುತ್ತಲೇ ‘ತಿಮ್ಮಯ್ಯ ಅಂಡ್ ತಿಮ್ಮಯ್ಯ’ ಚಿತ್ರದ ಪ್ರಚಾರ ಮಾಡುತ್ತಿರುವ ದೂಧ್ ಪೇಡ
ಈ ಚಿತ್ರ ಸೆಟ್ಟೇರುವುದಕ್ಕೆ ಇನ್ನೊಂದಿಷ್ಟು ಸಮಯ ಬೇಕು. ಸದ್ಯ ಅಜಯ್ ದೇವಗನ್ ‘ಭೋಲಾ’ ಚಿತ್ರದ ಬ್ಯುಸಿಯಲ್ಲಿದ್ದಾರೆ. ಮೊದಲು ಅದು ಮುಗಿಯಬೇಕು. ಆ ನಂತರ ‘ಸಿಂಗಂ 2’ ಶರುವಾಗುವ ಸಾಧ್ಯತೆ ಇದೆ.
ಯಶ್ ಮುಂದಿನ ಚಿತ್ರಕ್ಕೆ ಮಗಳೇ ನಿರ್ಮಾಪಕಿ? ಐರಾ ಹೆಸರಲ್ಲಿ ನಿರ್ಮಾಣ ಸಂಸ್ಥೆ ಪ್ರಾರಂಭ ಸಾಧ್ಯತೆ …