ಏಕದಿನ ವಿಶ್ವಕಪ್​ 2023; ಟೀಂ ಇಂಡಿಯಾದ ನೂತನ ಜೆರ್ಸಿ ಅನಾವರಣ ಮಾಡಿದ ಬಿಸಿಸಿಐ-ಅಡಿಡಾಸ್​

ನವದೆಹಲಿ: ಭಾರತದ ಆತಿಥ್ಯದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್​ ಟೂರ್ನಿಗೆ ಟೀಂ ಇಂಡಿಯಾದ ಹೊಸ ಜೆರ್ಸಿ ಸೇರಿದಂತೆ ಕಿಟ್​ಅನ್ನು ಬಿಸಿಸಿಐ ಹಾಗೂ ಅಡಿಡಾಸ್​ ಕಂಪನಿ ಅನಾವರಣಗೊಳಿಸಿದೆ.

3 ಕಾ ಡ್ರೀಮ್​ ಹಾಡಿನ ಮೂಲಕ ನೂತನ ಜೆರ್ಸಿಯನ್ನು ಬಿಸಿಸಿಐ ಹಾಗು ಅಡಿಡಾಸ್​ ಬಿಡುಗಡೆ ಮಾಡಿದೆ. ಖ್ಯಾತ ಗಾಯಕ ರಫ್ತಾರ್​ 3 ಕಾ ಡ್ರೀಮ್​ ಹಾಡನ್ನು ಹಾಡಿದ್ದು, ಟೀಂ ಇಂಡಿಯಾದ ನಾಯಕ ರೊಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ, ಶುಭಮನ್​ ಗಿಲ್​​, ರವೀಂದ್ರ ಜಡೇಜಾ, ಹಾರ್ದಿಕ್​ ಪಾಂಡ್ಯ ಮತ್ತು ಮೊಹಮ್ಮದ್​ ಸಿರಾಜ್​ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.

ಭಾರತ ತಂಡದ ಜೆರ್ಸಿ ಹಾಗೂ ಕಿಟ್‌ಗೆ ಒಪ್ಪಂದವನ್ನು ಎಂಪಿಎಲ್‌ ಸಂಸ್ಥೆಗೆ ನೀಡಲಾಗಿತ್ತು. ಆದರೆ, 2023ರ ಮೇನಲ್ಲಿ ಎಂಪಿಎಲ್‌ ಹಾಗೂ ಬಿಸಿಸಿಐ ನಡುವಣ ಒಪ್ಪಂದ ಅಂತ್ಯವಾಗಿತ್ತು. ತದನಂತರ ಅಡಿಡಾಸ್‌ ಜೊತೆ ಬಿಸಿಸಿಐ ಒಪ್ಪಂದ ಮಾಡಿಕೊಂಡಿತ್ತು. ಆದರೆ, ಈ ಒಪ್ಪಂದದ ಹಣಕಾಸಿನ ವ್ಯವಹಾರದ ಬಗ್ಗೆ ಬಿಸಿಸಿಐ ಸಾರ್ವಜನಿಕವಾಗಿ ಬಹಿರಂಗಪಡಿಸಿರಲಿಲ್ಲ.

ಇದನ್ನೂ ಓದಿ: ಖಲಿಸ್ತಾನಿಗಳ ಬಗ್ಗೆ ಸಹಾನುಭೂತಿ; ವಿವಾದಿತ ಕೆನಡಾ ಗಾಯಕ ಶುಭನೀತ್​ ಭಾರತ ಕಾರ್ಯಕ್ರಮ ರದ್ದು

ಜೆರ್ಸಿ ಮೇಲಿರುವ ಬಿಸಿಸಿಐ ಚೆಹ್ನೆಯ ಮೇಲೆ ಮೂರು ಸ್ಟಾರ್‌ಗಳ ಬದಲು ಎರಡು ಸ್ಟಾರ್‌ಗಳನ್ನು ನೀಡಲಾಗಿದೆ. 1983 ಹಾಗೂ 2011ರ ಏಕದಿನ ವಿಶ್ವಕಪ್‌ ಗೆದ್ದಿರುವ ಸಲುವಾಗಿ ಎರಡು ಸ್ಟಾರ್‌ಗಳನ್ನು ನೀಡಲಾಗಿದೆ.

ಸೆಪ್ಟೆಂಬರ್​ 22ರಿಂದ ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಸರಣಿ ಆರಂಭವಾಗಲಿದ್ದು, ಟೀಮ ಇಂಡಿಯಾ ವಿಶ್ವಕಪ್​ ತಯಾರಿ ಆರಂಭಿಸಲಿದ್ದು, ಹಾಲಿ ನಾಯಕ ರೋಹಿತ್​ ಶರ್ಮಾ ಹಾಗೂ ವಿರಾಟ್​ ಕೊಹ್ಲಿಗೆ ವಿಶ್ರಾಂತಿ ನೀಡಲಾಗಿದೆ. ವಿಕೆಟ್​ ಕೀಪರ್​-ಬ್ಯಾಟ್ಸ್​ಮನ್​ ಕೆ.ಎಲ್. ರಾಹುಲ್​ ಟೀಂ ಇಂಡಿಯಾದ ಸಾರಥ್ಯ ವಹಿಸಲಿದ್ದಾರೆ.

https://www.vijayavani.net/sonia-gandhi-tried-to-grab-collar-bjp-mp-digs-up-2012-allegation

https://www.vijayavani.net/why-didnt-bjp-act-on-mp-who-sexually-abused-wrestlers-trinamool-mp-i