ಮುಂಬೈ: ಇತ್ತೀಚೆಗಷ್ಟೇ ಬಾಲಿವುಡ್ನ ಖ್ಯಾತ ನಿರ್ಮಾಪಕ ಬೋನಿ ಕಪೂರ್ ಮನೆಯ ಮೂವರು ಕೆಲಸದವರಿಗೆ ಕರೊನಾ ಪಾಸಿಟಿವ್ ಪತ್ತೆಯಾಗಿತ್ತು. ಅದಾದ ಬಳಿಕ ಕರಣ್ ಜೋಹರ್ ಮನೆ ಕೆಲಸದವರಿಗೂ ಸೋಂಕು ಅಂಟಿತ್ತು. ಅವರೆಲ್ಲರೂ ನೇರವಾಗಿ ಟ್ವಿಟರ್ ಮೂಲಕ ಆ ಸುದ್ದಿಯನ್ನು ಬಹಿರಂಗ ಪಡಿಸಿದ್ದರು. ಇದೀಗ ನಟ ಆಮೀರ್ ಖಾನ್ ಮನೆಯ ಕೆಲಸದವರಿಗೂ ಕರೊನಾ ಪಾಸಿಟಿವ್ ವರದಿಯಾಗಿದೆ. ಈ ವಿಚಾರವನ್ನು ಮುಂಬೈ ಪಾಲಿಕೆ ಗಮನಕ್ಕೆ ತಂದಿದ್ದಾರೆ ಆಮೀರ್.
ಇದನ್ನೂ ಓದಿ: ನೀವಂದುಕೊಂಡಂತೆ ಏನೂ ಇಲ್ಲ … ಯಶ್ ಫೋಟೋಗೆ ರಾಧಿಕಾ ಪಂಡಿತ್ ಕಮೆಂಟ್
ಹೌದು, ಮಂಗಳವಾರ ಟ್ವಿಟರ್ನಲ್ಲಿ ಈ ವಿಚಾರ ಹಂಚಿಕೊಂಡ ಅವರು, ‘ನಮ್ಮ ಮನೆಯ ಕೆಲಸದ ಸಿಬ್ಬಂದಿಗೆ ಕೋವಿಡ್ ಪಾಸಿಟಿವ್ ಇರುವುದು ದೃಢಪಟ್ಟಿದೆ. ಈಗಾಗಲೇ ಅವರನ್ನು ಕ್ವಾರಂಟೈನ್ ಮಾಡಲಾಗಿದೆ. ಪಾಲಿಕೆ ಸಹ ನಮ್ಮ ಜತೆ ಕೈ ಜೋಡಿಸಿದೆ. ಅದೇ ರೀತಿ ನಮ್ಮ ತಾಯಿಯನ್ನು ಕೋವಿಡ್ ಪರೀಕ್ಷೆಗೆ ಕರೆದೊಯ್ಯುತ್ತಿದ್ದೇನೆ. ನೆಗೆಟಿವ್ ಬರೆಲೆಂದು ಪ್ರಾರ್ಥಿಸುತ್ತಿದ್ದೇನೆ‘ ಎಂದು ಟ್ವಿಟ್ ಮಾಡಿದ್ದಾರೆ.
ಇದನ್ನೂ ಓದಿ: ರಾಯಗಢಕ್ಕೆ ಹೊರಟು ನಿಂತ ಗೋಲ್ಡನ್ ಸ್ಟಾರ್; ಸುನಿ ಜತೆ ಮತ್ತೊಂದು ಹೊಸ ಸಿನಿಮಾ
— Aamir Khan (@aamir_khan) June 30, 2020
ಇನ್ನು ಬಾಲಿವುಡ್ನ ಹಲವು ಸಿನಿಮಾಮಂದಿಗೆ ಈವರೆಗೂ ಕರೊನಾ ತಗುಲಿದೆ. ಆ ಪೈಕಿ ಬಹುತೇಕರು ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ. ಅದೇ ರೀತಿ ಒಂದಷ್ಟು ಜನ ಈಗಲೂ ಕ್ವಾರಂಟೈನ್ನಲ್ಲಿದ್ದಾರೆ. (ಏಜೆನ್ಸೀಸ್)
ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯೆಬ್ ಅಖ್ತರ್ ಮನಗೆದ್ದಿದ್ದ ಸುಶಾಂತ್ ಸಿಂಗ್!