ಬೆಂಗಳೂರು: ಈಗಾಗಲೇ ‘ಚಮಕ್’ ಸಿನಿಮಾ ಮೂಲಕ ಮೊದಲ ಬಾರಿ ಒಂದಾಗಿದ್ದ ಗಣೇಶ್ ಮತ್ತು ಸುನಿ ಕಾಂಬಿನೇಷನ್ನಲ್ಲಿ ‘ಸಖತ್‘ ಸಿನಿಮಾ ಸಹ ಮೂಡಿಬರುತ್ತಿದೆ. ಇದೀಗ ಇದೇ ಜೋಡಿ ಎರಡನೇ ಸಿನಿಮಾಕ್ಕೂ ಮುನ್ನ ಮತ್ತೊಂದು ಪ್ರಾಜೆಕ್ಟ್ಗೆ ಕೈ ಜೋಡಿಸಿದೆ. ಅಷ್ಟೇ ಅಲ್ಲ ಆ ಚಿತ್ರದ ಮೊದಲ ಲುಕ್ ಸಹ ಬಿಡುಗಡೆ ಮಾಡಿದ್ದಾರೆ ನಿರ್ದೇಶಕ ಸುನಿ.
ಇದನ್ನೂ ಓದಿ: ಸುದೀಪ್ ಚಿತ್ರಕ್ಕೆ ರಾಜಮಂಡ್ರಿಯಿಂದ 22 ಲಾರಿಗಳಲ್ಲಿ ಬಂದಿದ್ದೇನು?
ಅಂದಹಾಗೆ, ಆ ಸಿನಿಮಾ ಹೆರು ‘ದಿ ಸ್ಟೋರಿ ಆಫ್ ರಾಯಗಢ’ 1980ರ ಕಾಲಘಟ್ಟದಲ್ಲಿ ನಡೆಯುವ ಕಥಾನಕವನ್ನು ಸಿನಿಮಾ ಮಾಡಲು ಹೊರಟಿರುವ ಸುನಿ, ಈ ಚಿತ್ರಕ್ಕೆ ಗಣೇಶ್ ಅವರನ್ನು ಆಯ್ದುಕೊಂಡಿದ್ದು, ಅವರ ಜನ್ಮದಿನಕ್ಕೆ ಪೂರ್ವಭಾವಿಯಾಗಿ ಪೋಸ್ಟರ್ ರಿಲೀಸ್ ಮಾಡಿ ಶುಭಕೋರಿದ್ದಾರೆ.
ಇದನ್ನೂ ಓದಿ: ಅಂಬಿ-ವಿಷ್ಣು ಸ್ನೇಹ-ಬಾಂಧವ್ಯ
ದ ಸ್ಟೋರಿ ಆಫ್ ರಾಯಗಢ
The story of RAYAGADA pic.twitter.com/KA03N7LllF— ಸುನಿ/SuNi (@SimpleSuni) June 30, 2020
ಈಗಾಗಲೇ ತಾಂತ್ರಿಕ ವರ್ಗದಲ್ಲಿ ಎಂದಿನಂತೆ ಛಾಯಾಗ್ರಾಹಕರಾಗಿ ಸಂತೋಷ್ ರೈ ಪಾತಾಜೆ, ಸಂಗೀತ ನಿರ್ದೇಶಕರಾಗಿ, ಜೂಡಾ ಸ್ಯಾಂಡಿ ಮುಂದುವರಿಯಲಿದ್ದಾರೆ. ಹಾಗಾದರೆ ಸಿನಿಮಾ ಯಾವಾಗ ಶುರು? ಈ ಸಿನಿಮಾ ಈಗಲೇ ಶುರುವಾಗಲಿದೆ ಎಂದು ಹೇಳಲು ಬರುವುದಿಲ್ಲ. ಸದ್ಯ ನಟ ಮತ್ತು ನಿರ್ದೇಶಕರ ಬತ್ತಳಿಕೆಯಲ್ಲಿ ಹಲವು ಸಿನಿಮಾಗಳು ಇರುವುದರಿಂದ 2022ಕ್ಕೆ ಈ ಸಿನಿಮಾ ಸೆಟ್ಟೇರಲಿದೆ.