ಊಟ ಕೊಡದಿದ್ದರೆ ಅರೆಸ್ಟ್ ಮಾಡಿಬಿಡುತ್ತೇನೆ! ಬಯಲಾಯ್ತು ಖತರ್ನಾಕ್​ ಕಳ್ಳಿಯ ಅಸಲಿಯತ್ತು

ದಲ್ಲಾಸ್​: 'ಈಗ ನನಗೆ ಊಟ ಕೊಡು. ಅದರ ಜತೆ ಪೂರಕ ಆಹಾರವನ್ನೂ ಕೊಡಬೇಕು. ಒಂದು ವೇಳೆ ನೀನು ಊಟ ಕೊಡದಿದ್ದರೆ ನಿನ್ನನ್ನು, ನಿನ್ ಪೂರ್ತಿ ರೆಸ್ಟೋರೆಂಟ್​ ಸಿಬ್ಬಂದಿಯನ್ನು ಬಂಧಿಸಿಬಿಡುತ್ತೇನೆ' ಎಂದು ಬೆದರಿಸಿ ಉಚಿತ ಊಟ ಮಾಡುತ್ತಿದ್ದ ಖತರ್ನಾಕ್​ ಕಳ್ಳಿ ಇದೀಗ ಸಿಕ್ಕಿಬಿದ್ದಿದ್ದಾಳೆ.

ಇದನ್ನೂ ಓದಿ: ಉಪಚುನಾವಣೆಯಲ್ಲಿ ಅಧಿಕಾರ ಮತ್ತು ಹಣ ಕೆಲಸ ಮಾಡಿದೆ: ಮಾಜಿ ಸಿಎಂ ಸಿದ್ದರಾಮಯ್ಯ

ಅಮೆರಿಕದ ಟೆಕ್ಸಾಸ್​ನಲ್ಲಿರುವ ದಲ್ಲಾಸ್​ನಲ್ಲಿ ಈ ಕಳ್ಳಿ ಇದ್ದಳು. ಆಕೆ ತಾನೊಬ್ಬ ಎಫ್​ಬಿಐ ಅಧಿಕಾರಿಯೆಂದು ಎಲ್ಲರಿಗೂ ಪರಿಚಯ ಮಾಡಿಸಿಕೊಳ್ಳುತ್ತಿದ್ದಳು. ಅದೇ ರೀತಿಯ ನಾಟಕವನ್ನು ರೆಸ್ಟೋರೆಂಟ್​ ಒಂದರಲ್ಲಿಯೂ ಮಾಡಿದ್ದಾಳೆ. ಆದರೆ ಅನುಮಾನ ಬಂದ ರೆಸ್ಟೋರೆಂಟ್​ ಮಾಲೀಕರು ತಕ್ಷಣ ಪೊಲೀಸರಿಗೆ ಕರೆ ಮಾಡಿದ್ದಾರೆ. ಪೊಲೀಸರು ಬಂದು ಆಕೆಯನ್ನು ಬಂಧಿಸುವಾಗಲೂ ಆಕೆ ನಾಟಕವನ್ನು ಮುಂದುವರಿಸಿದ್ದಾಳೆ. ತನ್ನ ಟೀಶರ್ಟ್​ನಲ್ಲಿ ಮೈಕ್ರೋಫೋನ್​ ಇದ್ದು, ಬೇರೊಬ್ಬ ಅಧಿಕಾರಿಯೊಂದಿಗೆ ಮಾತನಾಡುತ್ತಿರುವ ರೀತಿಯಲ್ಲಿ ನಟನೆ ಮಾಡಿದ್ದಾಳೆ. ಆದರೆ ಇದಕ್ಕೆಲ್ಲ ತಲೆ ಕೆಡಿಸಿಕೊಳ್ಳದ ಅಧಿಕಾರಿಗಳು ಆಕೆಯನ್ನು ಜೈಲಿಗೆ ಅಟ್ಟಿದ್ದಾರೆ.

ಇದನ್ನೂ ಓದಿ: ಬಿಹಾರ ಫೈಟ್​- ನೆಟ್ಟಿಗರ ಮೀಮ್ಸ್​​ ನಿಜವಾಯ್ತು… ಇವಿಎಂನಲ್ಲಿ ದೋಷ ಎಂದ ಕಾಂಗ್ರೆಸ್!​

ಯಾವೊಬ್ಬ ಅಧಿಕಾರಿಯೂ ನಿಮ್ಮಲ್ಲಿ ಉಚಿತ ಊಟ ಕೇಳುವುದಿಲ್ಲ. ನೀವಾಗೇ ನೀವು ಕೊಟ್ಟರೆ ಸಂತೋಷದಿಂದ ಸ್ವೀಕರಿಸುತ್ತೇವೆ ಎಂದು ಅಲ್ಲಿನ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಇದೀಗ ಕಳ್ಳಿಯ ಕೈಲಿ 3 ಸಾವಿರ ಡಾಲರ್​ನ ಬಾಂಡ್​ ಬರೆಸಿಕೊಂಡು ಬಿಡುಗಡೆ ಮಾಡಲಾಗಿದೆ. (ಏಜೆನ್ಸೀಸ್​)

https://www.vijayavani.net/a-nigerian-prince-has-rented-an-entire-restaurant-for-first-date/

https://www.vijayavani.net/milind-soman-shares-a-pic-as-transgender/