ಮುಂಬೈ: ಬಾಲಿವುಡ್ನ ಪ್ರಸಿದ್ಧ ನಟ ಅಕ್ಷಯ್ ಕುಮಾರ್ ಲಕ್ಷ್ಮೀಯಾಗಿ ನಿನ್ನೆಯಷ್ಟೇ ತೆರೆ ಮೇಲೆ ಬಂದಿದ್ದಾರೆ. ಮಂಗಳಮುಖಿಯ ಪಾತ್ರದಲ್ಲಿ ನಟಿಸಿರುವ ಅಕ್ಷಯ್ಗೆ ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅದರ ಬೆನ್ನಲ್ಲೇ ಬಾಲಿವುಡ್ನ ಫಿಟ್ ಮ್ಯಾನ್ ಮಿಲಿಂದ್ ಸೋಮನ್ ಇದೀಗ ಮಂಗಳಮುಖಿಯಾಗಿ ಬದಲಾಗಿದ್ದಾರೆ.
ಇದನ್ನೂ ಓದಿ: ಗುಜರಾತ್ನಲ್ಲಿ 100% ಮಧ್ಯಪ್ರದೇಶದಲ್ಲಿ 80% ಅರಳುತಿದೆ ಕಮಲ
ಮುಖದ ತುಂಬಾ ಕುಂಕುಮ. ಕಣ್ಣಿಗೆ ಗಾಢ ಕಾಡಿಗೆ. ಮೂಗಿಗೆ ದೊಡ್ಡದೊಂದು ಮೂಗುಬೊಟ್ಟು. ಇದು ಮಂಗಳಮುಖಿಯಾಗಿ ಬದಲಾಗಿರುವ ಮಿಲಿಂದ್ ಅವರ ವೇಷ. ಇಂತದ್ದೊಂದು ವಿಶೇಷ ಫೋಟೋವನ್ನು ಮಿಲಿಂದ್ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. “ಟ್ರಾವೆಲ್ ಮಂಗಳವಾರ! ಈಗ ಹೋಳಿ ಹಬ್ಬವಿಲ್ಲ ಎಂದು ನನಗೆ ಗೊತ್ತು. ಆದರೆ ನಾನು ಮುಂಬೈ ಕರ್ಜಾತ್ನಲ್ಲಿದ್ದಾಗ ಇಂತಹ ಹಾಸ್ಯಮಯ ಸಮಯವನ್ನು ಕಳೆದಿದ್ದೇನೆ. ಇನ್ನಷ್ಟು ಫೋಟೋಗಳನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುತ್ತೇನೆ. ಈಗ ಚೆನ್ನೈಗೆ ತೆರಳುತ್ತಿದ್ದೇನೆ” ಎಂದು ಅವರು ಬರೆದುಕೊಂಡಿದ್ದಾರೆ.
ಮಿಲಿಂದ್ ಈ ಫೋಟೋವನ್ನು ಹಂಚಿಕೊಂಡ ತಕ್ಷಣ ಪತ್ನಿ ಅಂಕಿತಾ ಪ್ರತಿಕ್ರಿಯಿಸಿದ್ದಾರೆ. “ಕಮಾಲ್” ಎಂದು ಫೋಟೋ ಮತ್ತು ತನ್ನ ಪತಿಗೆ ಹೊಗಳಿದ್ದಾರೆ. ಕೇವಲ ಅಂಕಿತಾ ಮಾತ್ರವಲ್ಲದೆ ಸಾವಿರಾರು ಜನರು ಮಿಲಿಂದ್ ಅವರ ಫೋಟೋವನ್ನು ಮೆಚ್ಚಿಕೊಂಡಿದ್ದಾರೆ.
ಇದನ್ನೂ ಓದಿ: ಚಿನ್ನದಂಥಾ ದೇಶಭಕ್ತಿ ಈ ನಿಶಿಗಂಧಾರದ್ದು; ಭಾರತೀಯ ಸೇನೆಗೆ 20 ಲಕ್ಷ ರೂ.ಮೌಲ್ಯದ ಆಭರಣಗಳ ದೇಣಿಗೆ
ಅಕ್ಷಯ್ ಕುಮಾರ್ ಅವರ ಲಕ್ಷ್ಮೀ ಸಿನಿಮಾ ಬಿಡುಗಡೆಯಾಗುತ್ತಿದ್ದಂತೆ ಮಿಲಿಂದ್ ಈ ರೀತಿಯ ಫೋಟೊ ಹಾಕಿರುವುದು ಅನೇಕರ ಕುತೂಹಲಕ್ಕೆ ಕಾರಣವಾಗಿದೆ. ನೀವೇನಾದರೂ ಲಕ್ಷ್ಮೀ ಸಿನಿಮಾದಲ್ಲಿ ನಟಿಸಿದ್ದೀರಾ ಎಂದು ಪ್ರಶ್ನೆ ಕೇಳಲಾರಂಭಿಸಿದ್ದಾರೆ. (ಏಜೆನ್ಸೀಸ್)
ಅರ್ನಬ್ಗೆ ಸುತ್ತಿಕೊಂಡ ಆತ್ಮಹತ್ಯೆ ಪ್ರಕರಣ- ಸಾವಿನ ತನಿಖೆಗೆ ಕೋರಿ ಅರ್ಜಿ- ನೋಟಿಸ್