ಹೈದರಾಬಾದ್: ಮಾಲ್ಗಳಲ್ಲಿ, ಸೂಪರ್ ಮಾರ್ಕೆಟ್ಗಳಲ್ಲಿ ಮಕ್ಕಳು ಎಸ್ಕಲೇಟರ್ಗಳಲ್ಲಿ ಸಿಲುಕಿಕೊಳ್ಳುವುದು, ಮಹಡಿಯಿಂದ ಬೀಳುವುದು ಮುಂತಾದ ಪ್ರಕರಣಗಳು ನಡೆಯುತ್ತಿರುತ್ತವೆ. ಆದರೆ ಇಲ್ಲೊಂದು ಕಡೆ ಬಾಲಕಿಯೊಬ್ಬಳು ಫ್ರಿಡ್ಜ್ ಡೋರ್ ತೆರೆದು ಸಾವಿಗೀಡಾಗಿದ್ದಾಳೆ.
ಹೈದರಾಬಾದ್ನ ನಿಜಾಮಾಬಾದ್ ಜಿಲ್ಲೆಯ ನವಿಪೇಟೆ ಮಂಡಲದ ಸೂಪರ್ ಮಾರ್ಕೆಟ್ವೊಂದರಲ್ಲಿ ಈ ಪ್ರಕರಣ ನಡೆದಿದೆ. ರಿಷಿತಾ ಎಂಬ ನಾಲ್ಕು ವರ್ಷದ ಬಾಲಕಿ ಪ್ರಾಣ ಕಳೆದುಕೊಂಡವಳು. ಈಕೆ ತನ್ನ ತಂದೆ ರಾಜಶೇಖರ್ ಜೊತೆ ಸೂಪರ್ಮಾರ್ಕೆಟ್ಗೆ ಹೋಗಿದ್ದಳು.
ರಾಜಶೇಖರ್ ಫ್ರಿಡ್ಜ್ವೊಂದರಲ್ಲಿ ಇರುವ ಐಸ್ಕ್ರೀಮ್ಗಳನ್ನು ನೋಡುತ್ತಿದ್ದರು. ಆಗ ಪುತ್ರಿ ರಿಷಿತಾ ಪಕ್ಕದಲ್ಲಿ ಇನ್ನೊಂದು ಫ್ರಿಡ್ಜ್ನಲ್ಲಿರುವ ಚಾಕೊಲೇಟ್ಗಳಿಂದ ಆಕರ್ಷಿತಳಾಗಿದ್ದಳು. ಆ ಫ್ರಿಡ್ಜ್ನ ಬಳಿಗೆ ಹೋದ ಆಕೆ ಬಾಗಿಲು ತೆರೆಯುತ್ತಿದ್ದಂತೆ ವಿದ್ಯುತ್ ಶಾಕ್ ತಗುಲಿದೆ. ತೀವ್ರ ಅಸ್ವಸ್ಥಗೊಂಡ ಬಾಲಕಿ ಸಾವಿಗೀಡಾಗಿದ್ದಾಳೆ. ಈ ಘಟನೆ ಸೂಪರ್ ಮಾರ್ಕೆಟ್ನ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಎಮ್ಮೆಗೆ ನೀರು ಕುಡಿಸಲು ಹೋದ ಪತ್ನಿಗೆ ಶಾಕ್; ಹೆಂಡತಿಯನ್ನು ರಕ್ಷಿಸಲು ಧಾವಿಸಿದ ಗಂಡ; ಕೊನೆಗೆ ಇಬ್ಬರ ಸಾವು!