ನಾನು ಈ 2 ವಿಷಯಗಳಲ್ಲಿ ಇನ್ನೂ ಶಿಸ್ತು ರೂಢಿಸಿಕೊಳ್ಳಬೇಕಾಗಿದೆ: ಪ್ರಧಾನಿ ನರೇಂದ್ರ ಮೋದಿ

ನವದೆಹಲಿ: ಗಾಂಧಿ ಜಯಂತಿ ಹಿನ್ನೆಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಒಂದು ದಿನ ಮುಂಚಿತವಾಗಿ ಸ್ವಚ್ಛತಾ ಅಭಿಯಾನಕ್ಕೆ ಕರೆ ನೀಡಿದ್ದು, ದೇಶಾದ್ಯಂತ ಅದ್ಭುತ ಸ್ಪಂದನೆ ವ್ಯಕ್ತವಾಗಿದೆ. ಪ್ರಧಾನಿ ಮೋದಿ ಕೂಡ ಖುದ್ದು ಕಸ ಗುಡಿಸಿ ಈ ಅಭಿಯಾನದಲ್ಲಿ ಪಾಲ್ಗೊಂಡಿದ್ದಾರೆ.

ಕುಸ್ತಿಪಟು ಅಂಕಿತ್ ಬೈಯನ್ ಪುರಿಯಾ ಜತೆ ಇಂದು ಸ್ವಚ್ಛತಾ ಅಭಿಯಾನದಲ್ಲಿ ಕೈಜೋಡಿಸಿ ಪ್ರಧಾನಿ ಮೋದಿ, ಅವರೊಂದಿಗೆ ಮುಕ್ತವಾಗಿ ಮಾತನಾಡುತ್ತ ಒಂದಷ್ಟು ಅನಿಸಿಕೆಗಳನ್ನು ಹಂಚಿಕೊಂಡರು. ಈ ವೇಳೆ ಅವರ ಬದುಕಿನ ಕುರಿತ ಎರಡು ಆಸಕ್ತಿಕರ ಸಂಗತಿ ಕೂಡ ಹೊರಬಿತ್ತು.

ನಾನು ಜಾಸ್ತಿ ವ್ಯಾಯಾಮ ಮಾಡುವುದಿಲ್ಲ ಎಂದ ಮೋದಿ, ಜೀವನದಲ್ಲಿ ದೈನಂದಿನ ಶಿಸ್ತು ಅತಿಮುಖ್ಯವಾಗಿದ್ದು, ನಾನು ಅದನ್ನು ಪಾಲಿಸುತ್ತೇನೆ ಎಂದು ಹೇಳಿದರು. ಆದರೆ ಎರಡು ವಿಚಾರದಲ್ಲಿ ನಾನು ಇನ್ನೂ ಶಿಸ್ತು ರೂಢಿಸಿಕೊಳ್ಳಬೇಕಾಗಿ ಎಂಬುದಾಗಿ ಅವರು ಹೇಳಿದರು.

ಇದನ್ನೂ ಓದಿ: Swachh Bharat Mission: ದೇಶದೆಲ್ಲೆಡೆ ಪ್ರಧಾನಿ ಮೋದಿಯಿಂದ ಸ್ವಚ್ಛತಾ ಅಭಿಯಾನ

ಎರಡು ವಿಷಯದಲ್ಲಿ ನಾನು ಇನ್ನೂ ಶಿಸ್ತು ರೂಢಿಸಿಕೊಳ್ಳಲು ಆಗಿಲ್ಲ. ಅದು ಒಂದು ನಿದ್ರೆ ಹಾಗೂ ಇನ್ನೊಂದು ಊಟ. ಅಂದರೆ ನನಗೆ ಸರಿಯಾದ ಸಮಯಕ್ಕೆ ಊಟ ಮಾಡುವಂಥ ಶಿಸ್ತು ರೂಢಿಸಿಕೊಳ್ಳಬೇಕಾಗಿದೆ. ಮತ್ತೊಂದು ನನಗೆ ಹೆಚ್ಚಿನ ನಿದ್ರೆ ಬೇಕಾಗಿದೆ, ಆದರೆ ಅದರಲ್ಲೂ ಶಿಸ್ತು ಮೂಡಿಲ್ಲ ಎಂದರು.

https://www.vijayavani.net/car-accident-does-actor-who-was-driving-is-drunk

https://www.vijayavani.net/kerala-farmer-drives-audi-to-a-local-market-sells-fresh-spinach