ಮಂಗಳವಾರ ಸಾಕಷ್ಟು ಏರಿಕೆ ಕಂಡ 4 ಷೇರುಗಳು: ಬುಧವಾರ ಕೂಡ ಈ ಸ್ಟಾಕ್​ಗಳಲ್ಲಿ ದೊರೆಯಬಹುದು ಲಾಭ

ಮುಂಬೈ: ಷೇರುಪೇಟೆಗೆ ಮಂಗಳವಾರವನ್ನು ಚೇತರಿಕೆಯ ದಿನವಾಗಿತ್ತು. ಮಂಗಳವಾರ ಮಾರುಕಟ್ಟೆಯಲ್ಲಿ ಖರೀದಿಯ ವಾತಾವರಣ ಮರಳಿದ್ದು, ಸೆನ್ಸೆಕ್ಸ್ 483 ಅಂಕಗಳಷ್ಟು ಏರಿಕೆಯಾಗಿ 71555 ಮಟ್ಟದಲ್ಲಿ ಮುಕ್ತಾಯವಾಯಿತು. ನಿಫ್ಟಿ ಕೂಡ ಉತ್ತಮ ಬೆಳವಣಿಗೆಯನ್ನು ತೋರಿ 127 ಅಂಕಗಳ ಏರಿಕೆಯ ನಂತರ 21743 ಮಟ್ಟದಲ್ಲಿ ಮುಕ್ತಾಯವಾಯಿತು.

ಏತನ್ಮಧ್ಯೆ, ಮಾರುಕಟ್ಟೆಯಲ್ಲಿ ಕೆಲವು ಷೇರುಗಳ ಬೆಲೆ ಏರುಗತಿಯಲ್ಲಿತ್ತು. ಕೆಲವು ಷೇರುಗಳು ಈಗಾಗಲೇ ಗಗನಮುಖಿಯಾಗಿದ್ದು, ಮಂಗಳವಾರ ಕೂಡ ಇವುಗಳ ಬೆಲೆ ಏರಿಕೆ ಮುಂದುವರೆದಿದೆ.

ಬುಧವಾರದ ಮಾರುಕಟ್ಟೆಯಲ್ಲಿ ಸಾಕಷ್ಟು ಲಾಭವನ್ನು ನೀಡಬಲ್ಲ ಷೇರುಗಳತ್ತ ಗಮನಹರಿಸೋಣ.

ತಾಜ್ ಜಿವಿಕೆ (Taj GVK):

ತಾಜ್ ಜಿವಿಕೆ ಷೇರುಗಳು ಮಂಗಳವಾರ ಮಾರುಕಟ್ಟೆಯಲ್ಲಿ ಉತ್ತಮ ಏರಿಕೆ ದಾಖಲಿಸಿವೆ. 20 ಪ್ರತಿಶತದಷ್ಟು ಏರಿಕೆಯಾದ ನಂತರ, ಈ ಷೇರುಗಳು ರೂ 360.00 ಮಟ್ಟ ಮುಟ್ಟಿದವು. ಬುಧವಾರದ ಮಾರುಕಟ್ಟೆಯಲ್ಲೂ ಈ ಸ್ಟಾಕ್‌ನಲ್ಲಿ ಏರಿಕೆಯ ವಾತಾವರಣವಿದೆ.

MRO TEK ರಿಯಾಲ್ಟಿ (MRO TEK Realty):

ಕಳೆದ ಕೆಲವು ದಿನಗಳಿಂದ MRO ಟೆಕ್ ರಿಯಾಲ್ಟಿಯ ಷೇರುಗಳಲ್ಲಿ ಏರುಗತಿಯ ಪ್ರವೃತ್ತಿ ಇದೆ. ಈ ಸ್ಟಾಕ್ ಮಂಗಳವಾರದ ಮಾರುಕಟ್ಟೆಯಲ್ಲೂ ಏರಿಕೆ ಕಂಡು, 20 ಪ್ರತಿಶತದಷ್ಟು ಹೆಚ್ಚಳವನ್ನು ದಾಖಲಿಸಿತು. ರೂ 87.45 ಮಟ್ಟದಲ್ಲಿ ಕೊನೆಗೊಂಡಿತು. ಬುಧವಾರದ ಮಾರುಕಟ್ಟೆಯಲ್ಲೂ ಈ ಷೇರು ಏರುಗತಿ ಮುಂದುವರಿಯಬಹುದು.

ಕೇಂಬ್ರಿಡ್ಜ್ ಟೆಕ್ನಾಲಜಿ ಎಂಟರ್‌ಪ್ರೈಸಸ್ (Cambridge Technology Enterprises):

ಕೇಂಬ್ರಿಡ್ಜ್ ಟೆಕ್ನಾಲಜಿ ಎಂಟರ್‌ಪ್ರೈಸಸ್ ಷೇರುಗಳನ್ನು ಮಂಗಳವಾರದ ವಹಿವಾಟಿನಲ್ಲಿ ಖರೀದಿದಾರರು ಹೆಚ್ಚಿನ ಪ್ರಮಾಣದಲ್ಲಿ ಖರೀದಿಸಿದ್ದಾರೆ. ಹೀಗಾಗಿ, ಒಂದೇ ದಿನದಲ್ಲಿ 20 ಪ್ರತಿಶತದಷ್ಟು ಏರಿಕೆಯನ್ನು ಈ ಷೇರು ಕಂಡಿದೆ. ಈ ಷೇರು 90.18 ರೂ. ತಲುಪಿದೆ. ಬುಧವಾರದ ಮಾರುಕಟ್ಟೆಯಲ್ಲೂ ಈ ಸ್ಟಾಕ್‌ನಲ್ಲಿ ಏರುಮುಖ ಪ್ರವೃತ್ತಿ ಕಂಡುಬರಬಹುದು, ಏಕೆಂದರೆ ಇದರಲ್ಲಿ ಇನ್ನೂ ಖರೀದಿದಾರರು ಇದ್ದಾರೆ.

ಆಟೋಲೈನ್ ಇಂಡಸ್ಟ್ರೀಸ್ ಲಿಮಿಟೆಡ್:

ಮಂಗಳವಾರ ಮಾರುಕಟ್ಟೆಯಲ್ಲಿ ಆಟೋಲೈನ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಷೇರುಗಳಲ್ಲಿ ಬಹಳ ಹೆಚ್ಚಳ ಕಂಡು, 161.45 ರೂ. ತಲುಪಿತು. ಈ ಸ್ಟಾಕ್‌ನಲ್ಲಿ ಖರೀದಿ ಭಾವನೆಗಳಿವೆ. ಇದು ಬುಧವಾರದ ಮಾರುಕಟ್ಟೆಯಲ್ಲೂ ಹೊಸ ಎತ್ತರವನ್ನು ತಲುಪಬಹುದು.

https://www.vijayavani.net/failing-to-plan-for-retirement-is-planning-to-fail

https://www.vijayavani.net/29-times-subscription-on-the-first-day-in-the-ipo-80-profit-on-the-first-day-if-share-allotted-you-have-opportunity-to-invest-till-feb-15

https://www.vijayavani.net/banking-it-share-buying-spree-sensex-recovers-with-482-points-rise