ಮುಂಬೈ: ಆಸ್ಪತ್ರೆಗಳು ಮತ್ತು ಸಂಬಂಧಿತ ಸೇವೆಗಳ ವಲಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸ್ಮಾಲ್ ಕ್ಯಾಪ್ ಕಂಪನಿಯಾಗಿದೆ ಕ್ಯುಪಿಡ್ ಲಿಮಿಟೆಡ್ (Cupid Ltd.). ಗುರುವಾರ ಏಪ್ರಿಲ್ 4, 2024 ರಂದು 1:1 ಬೋನಸ್ ಷೇರು ಮತ್ತು 1:10 ಸ್ಟಾಕ್ ಸ್ಪ್ಲಿಟ್ಗೆ ದಾಖಲೆಯ ದಿನಾಂಕವನ್ನು ಈ ಕಂಪನಿ ನಿಗದಿಪಡಿಸಿದೆ.
ಈ ಹಿನ್ನೆಲೆಯಲ್ಲಿ ಈ ಷೇರು ಬೆಲೆ ಗುರುವಾರ ಇಂಟ್ರಾಡೇ ವಹಿವಾಟಿನಲ್ಲಿ 5% ರಷ್ಟು ಏರಿಕೆಯಾಗಿ ರೂ 2034.75 ಮುಟ್ಟಿದ್ದವು.
ಬೋನಸ್ ಷೇರು ಮತ್ತು ಸ್ಟಾಕ್ ಸ್ಪ್ಲಿಟ್ ದಾಖಲೆ ದಿನಾಂಕವನ್ನು ನಿಗದಿಪಡಿಸಿದ ನಂತರ, ಮಾರ್ಚ್ 19 ಮತ್ತು ಮಾರ್ಚ್ 20 ರಂದು ಸತತ ಎರಡು ಲೋವರ್ ಸರ್ಕ್ಯೂಟ್ಗಳ ನಂತರ ಕ್ಯುಪಿಡ್ ಷೇರುಗಳು ಈಗ ಅಪ್ಪರ್ ಸರ್ಕ್ಯೂಟ್ ಹಿಟ್ ಆದವು. ಈ ಷೇರುಗಳು ಕಳೆದ 6 ತಿಂಗಳಲ್ಲಿ ಷೇರುದಾರರಿಗೆ 414% ನಷ್ಟು ಲಾಭವನ್ನು ನೀಡಿವೆ. ಅಲ್ಲದೆ, ಕಳೆದ 1 ವರ್ಷದಲ್ಲಿ 734% ನಷ್ಟು ಲಾಭವನ್ನು ನೀಡಿದೆ.
ಕ್ಯುಪಿಡ್ ಲಿ. ಕಂಪನಿಯು 2,730.18 ಕೋಟಿ ರೂಪಾಯಿಗಳ ಮಾರುಕಟ್ಟೆ ಬಂಡವಾಳವನ್ನು ಹೊಂದಿದೆ. ಈ ಸ್ಟಾಕ್ ಕಳೆದ 2-ವಾರಗಳಲ್ಲಿ 17% ರಷ್ಟು ಕುಸಿದಿದೆ, ಕಳೆದ 3-ತಿಂಗಳಲ್ಲಿ 127% ನಷ್ಟು ಲಾಭವನ್ನು ನೀಡಿದೆ. ಕಳೆದ 2-ವರ್ಷಗಳಲ್ಲಿ 738% ನಷ್ಟು ಲಾಭವನ್ನು ನೀಡಿದೆ. ಕಳೆದ 3 ವರ್ಷಗಳಲ್ಲಿ, 1341% ರಷ್ಟು ಏರಿಕೆ ಕಂಡಿದೆ.
ಇತ್ತೀಚೆಗೆ ಅಮೆರಿಕ ಮೂಲದ ನಿಧಿಯು ಕ್ಯುಪಿಡ್ ಲಿಮಿಟೆಡ್ನಲ್ಲಿ ಪಾಲನ್ನು ಖರೀದಿಸಿದೆ. NSE ನಲ್ಲಿ ಲಭ್ಯವಿರುವ ಬೃಹತ್ ವ್ಯವಹಾರದ ಮಾಹಿತಿಯ ಪ್ರಕಾರ, ಅಮೆರಿಕ ಮೂಲದ FII (ವಿದೇಶಿ ಸಾಂಸ್ಥಿಕ ಹೂಡಿಕೆದಾರ) ಮಿನರ್ವಾ ವೆಂಚರ್ಸ್ ಫಂಡ್ ಕ್ಯುಪಿಡ್ನ 75000 ಷೇರುಗಳನ್ನು ಸರಾಸರಿ ರೂ 1193.15 ಬೆಲೆಗೆ ಸ್ವಾಧೀನಪಡಿಸಿಕೊಂಡಿತು. ಇದಕ್ಕಾಗಿ 8.94 ಕೋಟಿ ರೂ. ನೀಡಿದೆ ಎಂದು ವರದಿಯಾಗಿದೆ.
ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು (FII/FPI) ಡಿಸೆಂಬರ್ 2023 ತ್ರೈಮಾಸಿಕದಲ್ಲಿ 0.34% ರಿಂದ 0.45% ಗೆ ಮತ್ತು ಫೆಬ್ರವರಿಯಲ್ಲಿ 0.5% ಗೆ ಹಿಡುವಳಿಗಳನ್ನು ಹೆಚ್ಚಿಸಿದ್ದಾರೆ. ಡಿಸೆಂಬರ್ 2023 ತ್ರೈಮಾಸಿಕದಲ್ಲಿ FII/FPI ಹೂಡಿಕೆದಾರರ ಸಂಖ್ಯೆ 4 ರಿಂದ 5 ಕ್ಕೆ ಏರಿದೆ.
ಗುಣಮಟ್ಟದ ಪುರುಷ ಕಾಂಡೋಮ್ಗಳು, ಸ್ತ್ರೀ ಕಾಂಡೋಮ್ಗಳು, ನೀರು ಆಧಾರಿತ ಲೂಬ್ರಿಕಂಟ್ ಜೆಲ್ಲಿ ಮತ್ತು IVD ಕಿಟ್ಗಳ ಪ್ರಮುಖ ತಯಾರಕರು ಮತ್ತು ಪೂರೈಕೆದಾರ ಕಂಪನಿಯಾಗಿದೆ ಕ್ಯುಪಿಡ್ ಲಿಮಿಟೆಡ್. 1993 ರಲ್ಲಿ ಸಾರ್ವಜನಿಕ ಸೀಮಿತ ಕಂಪನಿಯಾಗಿ ಸಂಘಟಿಸಲಾಯಿತು. ಕಂಪನಿಗಳ ರಿಜಿಸ್ಟ್ರಾರ್, ಮಹಾರಾಷ್ಟ್ರ ಮತ್ತು 1995 ರಲ್ಲಿ BSE (ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್) ಮತ್ತು 2016 ರಲ್ಲಿ NSE (ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್) ನಲ್ಲಿ ಪಟ್ಟಿಮಾಡಲಾಗಿದೆ. ಕ್ಯುಪಿಡ್ ಲಿಮಿಟೆಡ್ ತನ್ನ ಮುಖ್ಯ ಉತ್ಪಾದನಾ ಸೌಲಭ್ಯದ ಜೊತೆಗೆ ಸಕ್ರಿಯ R&D (ಸಂಶೋಧನೆ ಮತ್ತು ಅಭಿವೃದ್ಧಿ) ಕೇಂದ್ರವನ್ನು ಹೊಂದಿದೆ.
ಕ್ಯುಪಿಡ್ ಲಿಮಿಟೆಡ್ ತನ್ನ ಅಧಿಕೃತ ವೆಬ್ಸೈಟ್ ಪ್ರಕಾರ, ಉತ್ತಮ ಲೈಂಗಿಕ ಆರೋಗ್ಯವನ್ನು ಉತ್ತೇಜಿಸಲು ಮತ್ತು ಎಚ್ಐವಿ ಮತ್ತು ಇತರ ಎಸ್ಟಿಡಿಗಳನ್ನು ತಡೆಗಟ್ಟಲು ಸ್ಥಿರವಾದ ಕಾಂಡೋಮ್ ಬಳಕೆಯ ಪ್ರಾಮುಖ್ಯತೆಯನ್ನು ಉತ್ತೇಜಿಸಲು ಆರೋಗ್ಯ ವೃತ್ತಿಪರರು, ಸರ್ಕಾರಗಳು ಮತ್ತು ಸಂಸ್ಥೆಗಳೊಂದಿಗೆ ಕೆಲಸ ಮಾಡುತ್ತದೆ.
6 ರೂಪಾಯಿಯ ಪೆನ್ನಿ ಸ್ಟಾಕ್ಗೆ ಡಿಮ್ಯಾಂಡ್: ಒಂದೇ ದಿನದಲ್ಲಿ ಶೇ. 20ರಷ್ಟು ಏರಿಕೆ, ಅಪ್ಪರ್ ಸರ್ಕ್ಯೂಟ್ ಹಿಟ್