ಲಾಕ್​ಡೌನ್​ ನಿಮಿತ್ತ ಹೊಸ ಕಾರ್ಯಕ್ರಮಗಳನ್ನು ಹೊತ್ತು ತಂದ ಜೀ಼ ಕನ್ನಡ

ಕನ್ನಡದ ಮುಂಚೂಣಿಯ ಮನರಂಜನಾ ವಾಹಿನಿ ಜೀ಼ ಕನ್ನಡ ಈ ವಾರಾಂತ್ಯಕ್ಕೆ ಮೂರು ಮಹತ್ತರ ಕಾರ್ಯಕ್ರಮಗಳ ಮೂಲಕ ವೀಕ್ಷಕರಿಗೆ ಮನರಂಜನೆಯ ರಸದೌತಣ ಉಣಬಡಿಸಲು ಸಜ್ಜಾಗಿದೆ.

ಈ ಶನಿವಾರ ಮತ್ತು ಭಾನುವಾರ ರಾತ್ರಿ 9.00 ಗಂಟೆಗೆ ಲಾಕ್ ಡೌನ್ ಸಮಯದಲ್ಲಿ ಮನೆಯಲ್ಲಿರುವ ನೆಚ್ಚಿನ ತಾರೆಯರ ಕುರಿತು ‘ಲಾಕ್ ಡೌನ್ ಡೈರೀಸ್’ ಪ್ರಸಾರವಾಗಲಿದೆ. ಈ ಕಾರ್ಯಕ್ರಮವನ್ನು ಮೊಬೈಲ್ ನಲ್ಲಿ ಚಿತ್ರೀಕರಿಸಿ ಸಿದ್ಧಪಡಿಸಲಾಗಿದೆ. ಜನಪ್ರಿಯ ತಾರೆಯರು ತಮ್ಮ ಲಾಕ್​ಡೌನ್ ಸಮಯವನ್ನು ಹೇಗೆ ಕಳೆಯುತ್ತಿದ್ದಾರೆ ಎಂಬ ಕುತೂಹಲಕಾರಿ ಮಾಹಿತಿ ಈ ಕಾರ್ಯಕ್ರಮದಲ್ಲಿರಲಿದೆ.

ಇದನ್ನೂ ಓದಿ: VIDEO| ಜೂ. ಎನ್​ಟಿಆರ್​ ಬರ್ತ್​ಡೇಗೆ ವಾರ್ನರ್​ ಕಡೆಯಿಂದ ವಿಶೇಷ ಉಡುಗೊರೆ

ಅದೇ ರೀತಿ ಸರಿಗಮಪ ಕಾರ್ಯಕ್ರಮದ ನಿರೂಪಕಿ ಅನುಶ್ರೀ, `ಕಾಫಿ ವಿಥ್ ಅನು’ ಕಾರ್ಯಕ್ರಮವೊಂದರ ಜತೆ ಆಗಮಿಸುತ್ತಿದ್ದಾರೆ. ತರಲೆ, ಹಾಸ್ಯ, ಮಾತುಕತೆಯ ಮೂಲಕ ತಾರೆಯರ ಕಾಣದ ವಿವರಗಳನ್ನು ಹಂಚಿಕೊಳ್ಳಲಿದ್ದಾರೆ. ಈ ಶನಿವಾರ ಮತ್ತು ಭಾನುವಾರ ರಾತ್ರಿ 9.30ಕ್ಕೆ ಅನುಶ್ರೀ ಅವರೊಂದಿಗೆ ರಮೇಶ್ ಅರವಿಂದ್ ಮತ್ತು ರಚಿತಾ ರಾಮ್ ‘ಕಾಫಿ ವಿಥ್ ಅನು’ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ.

ಇದನ್ನೂ ಓದಿ: ಇದು ಸಿಹಿ ಸುದ್ದಿ ಎನ್ನುತ್ತಿದ್ದಾರೆ ತಾರಕ್ ಅಭಿಮಾನಿಗಳು!

ಜೀ಼ ಕನ್ನಡ ವಾಹಿನಿಯ ಸರೆಗಮಪ ಕಾರ್ಯಕ್ರಮದ 25ನೇ ಯಶಸ್ವಿ ವರ್ಷಗಳ ಸಂಭ್ರಮಾಚರಣೆಗೆ ಮೇ 23 ಶನಿವಾರ ಸಂಜೆ 4.30ಕ್ಕೆ ಲೈವಥಾನ್ ಡಿಜಿಟಲ್ ಮ್ಯೂಸಿಕ್ ಕನ್ಸರ್ಟ್ ಆಯೋಜಿಸಿದೆ. ಸಂಗೀತದ ಮೂಲಕ ಜನರನ್ನು ಒಗ್ಗೂಡಿಸಲು ಮತ್ತು ಈ ಸಾಂಕ್ರಾಮಿಕದ ಸಮಯದಲ್ಲಿ ಮನೆಯಲ್ಲಿಯೇ ರಂಜಿಸಲು ಆಯೋಜಿಸಿದೆ. ಭಾನುವಾರ ಸಂಜೆ 7.00 ಗಂಟೆಗೆ `ಒಂದೇ ದೇಶ, ಒಂದೇ ರಾಗ’ ಹೆಸರಿನಲ್ಲಿ ಈ ಸಂಗೀತ ಕಾರ್ಯಕ್ರಮ ಜೀ಼ ಕನ್ನಡದಲ್ಲಿ ಪ್ರಸಾರವಾಗಲಿದೆ.

https://www.vijayavani.net/sandalwood-directors-call-for-tik-tok-ban/