ಗಿಲ್​ ನಾಯಕತ್ವವನ್ನು ಶ್ಲಾಘಿಸಿದ ಯುವಿ: ಸರಣಿಗೆ ತಿರುವು ನೀಡಿದ ಜಡೇಜ, ಸುಂದರ್ ಜತೆಯಾಟ| Yuvraj Singh

Yuvraj Singh: ಇತ್ತೀಚೆಗೆ ಮುಕ್ತಾಯಗೊಂಡ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಭಾರತ ತಮಡದ ನಾಯಕ ಶುಭಮಾನ್ ಗಿಲ್​​ರನ್ನು ಮಾಜಿ ಆಲ್‌ರೌಂಡರ್ ಯುವರಾಜ್ ಸಿಂಗ್ ಶ್ಲಾಘಿಸಿದ್ದಾರೆ.

ಗಿಲ್​ ಬಗ್ಗೆ ಐಸಿಸಿಯೊಂದಿಗೆ ಮಾತನಾಡಿದ ಯುವರಾಜ್, ಗಿಲ್ ಸಂದರ್ಭಕ್ಕೆ ತಕ್ಕಂತೆ ಬೆಳೆದು ಪ್ರಬುದ್ಧತೆಯಿಂದ ನಾಯಕತ್ವವನ್ನು ನಿರ್ವಹಿಸಿದ್ದಾರೆ ಎಂದು ಶ್ಲಾಘಿಸಿದರು.

ಗಿಲ್​ ವಿದೇಶಿ ದಾಖಲೆಯ ಬಗ್ಗೆ ಬಹಳಷ್ಟು ಪ್ರಶ್ನೆಗಳಿದ್ದವು. ಗಿಲ್​ ನಾಯಕನಾಗಿ ನಾಲ್ಕು ಟೆಸ್ಟ್ ಶತಕಗಳನ್ನು ಗಳಿಸಿದರು. ನಿಮಗೆ ಜವಾಬ್ದಾರಿಯನ್ನು ನೀಡಿದಾಗ, ಗಿಲ್​ ಅದ್ಭುತವಾಗಿ ನಾಯಕತ್ವವನ್ನು ನಿಭಾಯಿಸಿದ ಎಂದು ಯುವಿ ಹೇಳಿದ್ದಾರೆ. ಆದ್ದರಿಂದ, ಗಿಲ್​ ಬಗ್ಗೆ ತುಂಬಾ ಹೆಮ್ಮೆಪಡುತ್ತೇನೆ. ಇದು ಯುವ ತಂಡವಾಗಿರುವುದರಿಂದ ಈ ಸರಣಿ ಡ್ರಾ ಆಗಿದ್ದರೂ, ಇದು ನಮಗೆ ಗೆಲುವು ಎಂದು ನಾನು ಖಂಡಿತವಾಗಿಯೂ ಭಾವಿಸುತ್ತೇನೆ ಎಂದು ಯುವರಾಜ್​ ತಿಳಿಸಿದ್ದಾರೆ.

ಇದನ್ನೂ ಓದಿ: ಕಿಂಗ್​ ಕೋಹ್ಲಿಯನ್ನು ಹೊಗಳಿದ ಶಾಸ್ತ್ರಿ: ಸೇನಾ ದೇಶಗಳಲ್ಲಿ ನಮ್ಮ ಸಾಧನೆ ಅವಿಸ್ಮರಣೀಯ| Virat Kohli

ಜಡೇಜ, ಸುಂದರ್ ಆಟವನ್ನು ಶ್ಲಾಘಿಸಿದ ಯುವಿ

ಮ್ಯಾಂಚೆಸ್ಟರ್‌ನಲ್ಲಿ ನಡೆದ ನಾಲ್ಕನೇ ಟೆಸ್ಟ್ ಒಂದು ಮಹತ್ವದ ತಿರುವು ಎಂದು ನಾನು ಪರಿಗಣಿಸುತ್ತೇನೆ. ಮೂರನೇಯ ಟೆಸ್ಟ್​ ಸೋಲಿನ ನಂತರ ರವೀಂದ್ರ ಜಡೇಜಾ ಮತ್ತು ವಾಷಿಂಗ್ಟನ್ ಸುಂದರ್ ನಡುವಿನ ಉತ್ತಮ ಜತೆಯಾಟದಿಂದ ಭಾರತ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾಯಿತು. ಅನುಭವಿ ಆಟಗಾರನಾದ ಜಡೇಜಾ ಶತಕವನ್ನು ಗಳಿಸಿದರು ಮತ್ತು ಸರಣಿಯಾದ್ಯಂತ ಬ್ಯಾಟಿಂಗ್ ಮತ್ತು ಬಾಲ್ ಎರಡರಲ್ಲೂ ಪ್ರಮುಖ ಪಾತ್ರ ವಹಿಸಿದರು ಎಂದು ಯುವಿ ಹೇಳಿದ್ದಾರೆ.

ಈ ಮಧ್ಯೆ, ಟೆಸ್ಟ್ ತಂಡಕ್ಕೆ ಬಲವಾದ ಕಮ್​ಬ್ಯಾಕ್​ ಮಾಡಿದ ವಾಷಿಂಗ್ಟನ್ ಅವರ ಕೊಡುಗೆಗಳನ್ನು ಸಹ ಯುವಿ ಶ್ಲಾಘಿಸಿದರು. ಮ್ಯಾಂಚೆಸ್ಟರ್‌ನಲ್ಲಿ ಆಲ್‌ರೌಂಡರ್ ಸುಂದರ್​ ಅಜೇಯ 101 ರನ್ ಗಳಿಸಿದರು, ಜಡೇಜಾ ಸೇರಿ 203 ರನ್‌ಗಳ ಬೃಹತ್ ಜೊತೆಯಾಟವಾಡಿದರು, ಇದು ಭಾರತ ಸೋಲನ್ನು ತಪ್ಪಿಸಲು ಮತ್ತು ಸರಣಿಯನ್ನು ಜೀವಂತವಾಗಿಡಲು ಸಹಾಯ ಮಾಡಿತು ಎಂದು ಯುವರಾಜ್​ ತಿಳಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/the-tragedy-of-partition-what-happened-in-a-united-india-on-august-14