ಕಿಂಗ್​ ಕೋಹ್ಲಿಯನ್ನು ಹೊಗಳಿದ ಶಾಸ್ತ್ರಿ: ಸೇನಾ ದೇಶಗಳಲ್ಲಿ ನಮ್ಮ ಸಾಧನೆ ಅವಿಸ್ಮರಣೀಯ| Virat Kohli

Virat Kohli: ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಭಾರತವು ಟೆಸ್ಟ್​ ಕ್ರಿಕೆಟ್​ನಲ್ಲಿ ಪ್ರಬಲ ಶಕ್ತಿಯಾಗಿತ್ತು. ಕೊಹ್ಲಿ ನಾಯಕನಾಗಿ ತಂಡವನ್ನು ಆದ್ಭುತವಾಗಿ ಮುನ್ನಡೆಸಿದರು ಎಂದು ಭಾರತ ತಂಡದ ಮಾಜಿ ಕೋಚ್​ ರವಿ ಶಾಸ್ತ್ರಿ ಹೊಗಳಿದ್ದಾರೆ.

ಈ ಬಗ್ಗೆ ಸ್ಕೈ ಸ್ಪೋರ್ಟ್ಸ್‌ ಜತೆ ಮಾತನಾಡಿದ ಶಾಸ್ತ್ರಿ, ಕೋಹ್ಲಿ ನಾಯಕತ್ವದಲ್ಲಿ ಸತತ ಐದು ವರ್ಷ ಭಾರತ ಟೆಸ್ಟ್​ ಱಂಕಿಂಗ್​ನಲ್ಲಿ​ ನಂ.1 ಆಗಿತ್ತು. ಭಾರತವು ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್​ಗಳಲ್ಲಿ ಅವಿಸ್ಮರಣೀಯ ಗೆಲುವುಗಳನ್ನು ದಾಖಲಿಸಿತ್ತು ಎಂದು ಹೇಳಿದ್ದಾರೆ.

ಆ ಸಮಯ ಅದ್ಭುತವಾಗಿತ್ತು. ನಾನು ತಂಡವನ್ನು ಮುನ್ನಡೆಸುವ ಏಕೈಕ ವ್ಯಕ್ತಿ ವಿರಾಟ್​ನನ್ನು ಗುರುತಿಸಿದೆ, ಮತ್ತು ಕೋಹ್ಲಿ ತಂಡವನ್ನು ಮುನ್ನಡೆಸಬೇಕೆಂದು ನಾನು ಬಯಸಿದ್ದೆ. ನಾನು ಕೋಚ್​ ಕೆಲಸವನ್ನು ವಹಿಸಿಕೊಂಡ ನಂತರ, ಧೋನಿ ನಾಯಕತ್ವಕ್ಕೆ ವಿದಾಯ ಹೇಳಿದರು. ವಿರಾಟ್​ ಬ್ಯಾಟ್ಸ್‌ಮನ್ ಆಗಿ ಅವನಿಗಿದ್ದ ಕೌಶಲ್ಯಗಳು, ಪ್ರಾಬಲ್ಯ ಸಾಧಿಸುವ ಸಾಮರ್ಥ್ಯವಿತ್ತು. ಅಲ್ಲದೆ, ಕಠಿಣ ಪಿಚ್​ಗಳಲ್ಲಿ ಆಡುವುದು ಮತ್ತು ಸದಾ ಗೆಲ್ಲಲು ವಿರಾಟ್​ ಪ್ರಯತ್ನಿಸುತ್ತಿದ್ದರು ಎಂದು ರವಿ ಶಾಸ್ತ್ರಿ ತಿಳಿಸಿದ್ದಾರೆ.

ಇದನ್ನೂ ಓದಿ: ದರ್ಶನ್​​ಗೆ ಜೈಲು! ಅರ್ಧಕ್ಕೆ ನಿಂತು ಹೋದ್ವಾ ದಾಸನ ಕೈಯಲ್ಲಿದ್ದ ಸಿನಿಮಾಗಳು… Supreme Court Cancels Darshan Bail 

ಮುಂದುವರೆದು ಮಾತನಾಡಿದ ಶಾಸ್ತ್ರಿ, ಐಸಿಸಿ ಟೂರ್ನಿಗಳಲ್ಲಿ ನಾವು ಸೋತಿದ್ದೇವೆ. ಆದರೆ ನನಗೆ ಯಾವುದೇ ವಿಷಾದವಿಲ್ಲ. ನಾವು ಸ್ವಲ್ಪ ದುರದೃಷ್ಟವಂತರು ಎಂದು ಹೇಳಬಹುದು. ನಾವು ಐಸಿಸಿ ಟ್ರೋಫಿಯನ್ನು ಗೆಲ್ಲಬೇಕಿತ್ತು ಎಂದು ಹೇಳಿದ್ದಾರೆ.

ಇತ್ತೀಚೆಗೆ ಮುಕ್ತಾಯಗೊಂಡ ಆಂಡರ್ಸನ್-ತೆಂಡೂಲ್ಕರ್ ಟ್ರೋಫಿಯಲ್ಲಿ, ರೋಹಿತ್ ಶರ್ಮಾ ಮತ್ತು ಕೊಹ್ಲಿಯಂತಹ ಆಟಗಾರರಿಲ್ಲದೆ ಭಾರತ ಉತ್ತಮ ಪ್ರದರ್ಶನ ನೀಡಿದೆ. ಶುಭಮನ್ ಗಿಲ್ ಯುವ ತಂಡವನ್ನು 2-2 ಡ್ರಾಕ್ಕೆ ಮುನ್ನಡೆಸಿದರು ಮತ್ತು ನಾಯಕ ಸ್ವತಃ ಸರಣಿಯಲ್ಲಿ ನಾಲ್ಕು ಶತಕಗಳನ್ನು ಗಳಿಸಿದ್ದಾರೆ. ಇದರಲ್ಲಿ ಯಾವುದೇ ಪ್ರಶ್ನೆಯಿಲ್ಲ ಗಿಲ್ ದೀರ್ಘಕಾಲದ ವರೆಗೂ ಇರುತ್ತಾರೆ ಎಂದು ಶಾಸ್ತ್ರಿ ಯುವ ಆಟಗಾರನ ಬಗ್ಗೆ ತಿಳಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/the-tragedy-of-partition-what-happened-in-a-united-india-on-august-14