ಈ ಜನರಿಂದ ಸಾವನ್ನು ಎದುರಿಸಬೇಕಾಗುತ್ತದೆ! ಯಾವಾಗಲೂ ಜಾಗರೂಕರಾಗಿರಿ ಎನ್ನುತ್ತೆ ಚಾಣಕ್ಯನ ನೀತಿ| chanakyaniti

chanakyaniti: ಆಚಾರ್ಯ ಚಾಣಕ್ಯರು ತಮ್ಮ ತೀಕ್ಷ ಬುದ್ಧಿಶಕ್ತಿ, ರಾಜಕೀಯ ಮತ್ತು ನೈತಿಕ ಜ್ಞಾನಕ್ಕೆ ಹೆಸರುವಾಸಿಯಾಗಿದ್ದಾರೆ. ಚಾಣಕ್ಯ ನೀತಿಯಲ್ಲಿ ಹೇಳಿರುವ ವಿಷಯಗಳು ಇಂದಿಗೂ ಪರಿಸ್ಥಿತಿಗೆ ಅನುಗುಣವಾಗಿ ಸತ್ಯವೆಂದು ಸಾಬೀತುಪಡಿಸುತ್ತವೆ. ಮಾನವ ಜೀವನ ಹೇಗೆ ಸಂತೋಷವಾಗಿರಬೇಕು ಎಂಬುದರ ಕುರಿತು ಚಾಣಕ್ಯ ಒಂದು ಪುಸ್ತಕವನ್ನೇ ಬರೆದಿದ್ದಾರೆ. ಈ ಪುಸ್ತಕವನ್ನು ಓದುವುದರಿಂದ ನಿಮ್ಮ ಜೀವನದ ಅನೇಕ ಸಮಸ್ಯೆಗಳು ಪರಿಹಾರವಾಗುತ್ತವೆ. ಈ ಪುಸ್ತಕದಲ್ಲಿ ಚಾಣಕ್ಯ ತನ್ನ ಆಲೋಚನೆಗಳನ್ನು ಅತ್ಯಂತ ಸರಳ ಭಾಷೆಯಲ್ಲಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: 'ನಿಸಾರ್'​ ಉಡಾವಣೆ ವಿಶ್ವದ ಅತ್ಯಂತ ನಿಖರವಾದ ಉಡಾವಣೆಗಳಲ್ಲಿ ಒಂದಾಗಿದೆ; ಇಸ್ರೋ ಮುಖ್ಯಸ್ಥ ನಾರಾಯಣನ್| nisar-satellite

ಜೀವನವು ಅತ್ಯಂತ ಅಮೂಲ್ಯವಾದದ್ದು, ಸಣ್ಣ ತಪ್ಪಿನಿಂದಾಗಿ ನಿಮ್ಮನ್ನು ಸಾವಿನ ಅಂಚಿಗೆ ತಳ್ಳುವುದು ಸರಿಯಲ್ಲ. ಹಾಗಾಗಿ ಮಹಾನ್ ವಿದ್ವಾಂಸ ಆಚಾರ್ಯ ಚಾಣಕ್ಯರು ತಮ್ಮ ನೀತಿ ಶಾಸ್ತ್ರ ಎಂಬ ಪುಸ್ತಕದಲ್ಲಿ ಜೀವನವನ್ನು ಸಾವಿನ ಕಡೆಗೆ ಎಳೆಯುವ ಎಲ್ಲವನ್ನೂ ನಿಷೇಧಿಸಿದ್ದಾರೆ. ಈ ಎಲ್ಲಾ ಕೆಲಸಗಳನ್ನು ಮಾಡುವುದರಿಂದ ಜೀವನದಲ್ಲಿ ಸಂತೋಷ ಮತ್ತು ಶಾಂತಿ ಕಳೆದುಕೊಳ್ಳಬಹುದು. ಹಾಗಾಗಿ ನಾವು ಜಾಗರೂಕರಾಗಿರಬೇಕಾದ ವಿಷಯಗಳ ಬಗ್ಗೆ ತಿಳಿದುಕೊಳ್ಳೋಣ.

ಪ್ರತಿ ಮಾತಿಗೂ ಉತ್ತರಿಸುವ ಕೆಲಸಗಾರ:

ಹಿಂದೆ ರಾಜರು, ಚಕ್ರವರ್ತಿಗಳು ಮತ್ತು ಶ್ರೀಮಂತರು ಮಾತ್ರ ತಮ್ಮ ಮನೆಗಳಲ್ಲಿ ಸೇವಕ ಕೆಲಸಗಾರನನ್ನು ಇಟ್ಟುಕೊಳ್ಳುತ್ತಿದ್ದರು. ಆದರೆ ಈಗ ಎಲ್ಲರೂ ತಮ್ಮ ಮನೆಗಳಲ್ಲಿ ಸಹಾಯ ಮಾಡಲು ಅಂತಹ ವ್ಯಕ್ತಿಯನ್ನು ಇಟ್ಟುಕೊಳ್ಳುತ್ತಾರೆ. ಮನೆಯ ಪ್ರತಿಯೊಂದು ವಿಷಯವನ್ನು ತಿಳಿದಿರುವ ಈ ಕೆಲಸಗಾರ ಕೆಲವೊಮ್ಮೆ ನಮಗೆ ಅಪಾಯಕಾರಿಯಾಗಬಹುದು. ಸೇವಕನು ಪ್ರತಿಯೊಂದು ಮಾತಿಗೂ ಉತ್ತರಿಸುತ್ತಾ ಆತನ ವಿಷಯವನ್ನು ಬದಲಾಯಿಸುತ್ತಲೇ ಇದ್ದರೆ, ಅವನು ನಿಮಗೆ ಅಪಾಯಕಾರಿಯಾಗಬಹುದು. ಅಂತಹ ವ್ಯಕ್ತಿಯು ಕೆಲವೇ ಸೆಕೆಂಡುಗಳಲ್ಲಿ ನಿಮ್ಮ ಇಮೇಜ್ ಅನ್ನು ಹಾಳುಮಾಡುವ ಸಾಧ್ಯತೆ ಇರುತ್ತದೆ.

ಇದನ್ನೂ ಓದಿ: ಸ್ವಾತಂತ್ರ್ಯ ದಿನಾಚರಣೆ ಭಾಷಣಕ್ಕಾಗಿ ಸಾರ್ವಜನಿಕರಿಂದ ಹೊಸ ಆಲೋಚನೆ, ಸಲಹೆ ಕೇಳಿದ ಪ್ರಧಾನಿ ಮೋದಿ| Modi

ಮೂರ್ಖ ಸ್ನೇಹಿತ:

ಒಳ್ಳೆಯ ಮತ್ತು ಪ್ರಾಮಾಣಿಕ ಸ್ನೇಹಿತ ನಿಮ್ಮ ಜೀವನಕ್ಕೆ ಸಂತೋಷವನ್ನು ತಂದುಕೊಡುತ್ತಾರೆ. ಆದರೆ ಸ್ನೇಹಿತ ಮೂರ್ಖನಾಗಿದ್ದರೆ, ಜೀವನದಲ್ಲಿ ಅನೇಕ ಸಮಸ್ಯೆಗಳು ಉದ್ಭವಿಸಬಹುದು. ಅಂತಹ ಮೂರ್ಖ ಸ್ನೇಹಿತ ಯಾವುದೇ ಸಮಯದಲ್ಲಿ ನಿಮ್ಮನ್ನು ತೊಂದರೆಗೆ ಸಿಲುಕಿಸಬಹುದು ಹಾಗಾಗಿ ಅವರಿಂದ ದೂರವಿರಿ ಎನ್ನಲಾಗುತ್ತದೆ.

ಬೆನ್ನ ಹಿಂದೆ ಮಾತನಾಡುವ ವ್ಯಕ್ತಿ

ಚಾಣಕ್ಯ ನೀತಿಯು ಯಾವುದೇ ಸಂದರ್ಭದಲ್ಲೂ ಒಬ್ಬ ವ್ಯಕ್ತಿಯು ತನ್ನ ಸಾಮರ್ಥ್ಯ ಅಥವಾ ದೌರ್ಬಲ್ಯಗಳನ್ನು ಇನ್ನೊಬ್ಬರಿಗೆ ಬಹಿರಂಗಪಡಿಸಬಾರದು ಎಂದು ಹೇಳುತ್ತದೆ. ಅಂತಹ ಬಹಿರಂಗಪಡಿಸುವಿಕೆಗಳು ವಿರೋಧಿಗಳು ಅಥವಾ ಸ್ಪರ್ಧಿಗಳು ಇದರ ಲಾಭವನ್ನು ಪಡೆಯಲು ಕಾರಣವಾಗುತ್ತವೆ ಎಂದು ಆಚಾರ್ಯರು ನಂಬಿದ್ದರು.

ನಿಮ್ಮ ಬೆನ್ನ ಹಿಂದೆ ಮಾತನಾಡುವ ವ್ಯಕ್ತಿ ನಿಮ್ಮ ಜೀವವನ್ನು ಅಪಾಯಕ್ಕೆ ಸಿಲುಕಿಸಬಹುದು. ನೀವು ಎಷ್ಟೇ ದೊಡ್ಡ ತಜ್ಞರಾಗಿದ್ದರೂ, ಇತರರಿಂದ ಎಚ್ಚರದಿಂದಿರಬೇಕು. ಯಾರನ್ನೂ ಸುಲಭವಾಗಿ ನಂಬಬೇಡಿ. ನಿಮ್ಮ ಜೊತೆ ಯಾವಾಗಲೂ ಇರುವ ದೇವರನ್ನು ಮಾತ್ರ ನಂಬಿ ಎಂದು ಚಾಣಾಕ್ಯ ಹೇಳುತ್ತಾನೆ.

(ಏಜೆನ್ಸೀಸ್)

https://www.vijayavani.net/boy-kidnapped-and-murdered-two-accused-shot-in-the-leg-bengaluru