ಮುಟ್ಟಿನ ಮತ್ತು ಭಾರೀ ಸೆಳೆತದಿಂದ ಉಂಟಾಗುವ ನೋವನ್ನು ನಿಯಂತ್ರಿಸಲು ಸಹ ಇದು ಸಹಾಯ ಮಾಡುತ್ತದೆ. ಅತಿಯಾಗಿ ಮೂಗು ಮತ್ತು ಕಣ್ಣಿನಿಂದ ಸ್ರವಿಸುವ ನೀರನ್ನು ತಡೆಗಟ್ಟಲು ಈ ಮುದ್ರೆಯು ಸಹಕಾರಿಯಾಗಿದೆ. ಅಗ್ನಿ ತತ್ವ ಮತ್ತು ಜಲತತ್ವಗಳ ಸೇರುವಿಕೆಯಿಂದಾಗಿ ಅತಿಯಾದ ಮೂತ್ರದ ತೊಂದರೆಯನ್ನು ಶಮನಗೊಳಿಸುತ್ತದೆ. ಅಲ್ಲದೆ ಶರೀರದಲ್ಲಿ ಬರುವ ಬಾವು ಸಮಸ್ಯೆಗೂ ಇದರಿಂದ ಪರಿಹಾರ ಕಾಣಬಹುದು. ತುಂಬಾ ಶೀತವನ್ನು ನಿಯಂತ್ರಿಸುತ್ತದೆ ಮತ್ತು ಗಂಟಲು ಬೇನೆ ನಿಯಂತ್ರಣವಾಗುತ್ತದೆ. ಅತೀ ಭೇದಿಯನ್ನು ನಿಯಂತ್ರಿಸುತ್ತದೆ. ಪಿತ್ತ, ಕಫ ದೋಷವನ್ನು ಸರಿಪಡಿಸಬಹುದು. ವಿಪರೀತ ಜೊಲ್ಲು ಸುರಿಸುವುದನ್ನು ಈ ಮುದ್ರೆಯಿಂದ ನಿಯಂತ್ರಿಸಬಹುದು. ಗ್ರಂಥಿಗಳ ಅತಿಸ್ರಾವವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಆನೆಕಾಲಿನಲ್ಲಿ ಬರುವ ಊತವನ್ನು ನಿಯಂತ್ರಿಸಬಹುದು. ಅತಿಯಾದ ಕಣ್ಣಿನ ತೇವಾಂಶವನ್ನು ನಿಯಂತ್ರಿಸಬಹುದು. ಈ ಮುದ್ರೆಯಿಂದ ದೇಹದ ಯಾವುದೇ ಭಾಗದಲ್ಲಿ ಉಂಟಾಗುವ ಊತ, ವಿಶೇಷವಾಗಿ ಮುಖ ಕೈ ಕಾಲುಗಳ ಊತ ಕಡಿಮೆಯಾಗುತ್ತದೆ.
