ಪದಾರ್ಪಣೆಯ ಟೆಸ್ಟ್ನಲ್ಲೇ ಶತಕ ಸಿಡಿಸಿದ 17ನೇ ಭಾರತೀಯ ಎನಿಸಿದ ಎಡಗೈ ಆರಂಭಿಕ ಯಶಸ್ವಿ, ಕ್ರಿಕೆಟಿಗನಾಗುವ ಕನಸಿನೊಂದಿಗೆ ಬಾಲ್ಯದಲ್ಲೇ ಮನೆಬಿಟ್ಟು ಮುಂಬೈಗೆ ಓಡಿ ಹೋದಾಗ ಆಜಾದ್ ಕ್ರಿಕೆಟ್ ಮೈದಾನದ ಪಕ್ಕದಲ್ಲೇ ಪಾನಿಪುರಿ ಮಾರುತ್ತ ಕೋಚ್ಗಳ ಸಂಪರ್ಕ ಸಾಧಿಸಿ ತರಬೇತಿ ಪಡೆದುಕೊಂಡಿದ್ದರು. 19 ವಯೋಮಿತಿ ಭಾರತ ತಂಡ, ದೇಶೀಯ ಕ್ರಿಕೆಟ್, ಐಪಿಎಲ್ನಲ್ಲಿ ರಾಜಸ್ಥಾನ ರಾಯಲ್ಸ್ ಪರ ಮಿಂಚಿ ಟೀಮ್ ಇಂಡಿಯಾ ಪರ ಪದಾರ್ಪಣೆ ಮಾಡಿದ್ದಾರೆ. ಮೊದಲ ಪಂದ್ಯದಲ್ಲೇ ಪಂದ್ಯಶ್ರೇಷ್ಠರಾದ ಜೈಸ್ವಾಲ್, "ಇದು ಆರಂಭ ಮಾತ್ರ. ಇನ್ನಷ್ಟು ಯಶಸ್ಸು ಮುಂದಿನ ದಿನಗಳಲ್ಲಿ ಗಳಿಸಬೇಕಿದೆ. ತಂಡಕ್ಕೆ ಇನ್ನಷ್ಟು ಕೊಡುಗೆಗಳನ್ನು ನೀಡುವ ಹಂಬಲವಿದೆ' ಎಂದಿದ್ದಾರೆ.
