ಮುಂಬೈ: ಪ್ರಸ್ತುತ ಕಾಲಘಟ್ಟದಲ್ಲಿ ಸಿನಿಮಾಗಳ ಬಜೆಟ್ ಎಷ್ಟರಮಟ್ಟಿಗೆ ಹೆಚ್ಚಾಗುತ್ತಿದೆ ಎಂಬುದನ್ನು ನಾವು ನೋಡುತ್ತಿದ್ದೇವೆ. ಒಂದು ಚಿತ್ರ ಬಿಡುಗಡೆ ಮಾಡಬೇಕೆಂದರೆ ನೂರಾರು ಕೋಟಿ ರೂಪಾಯಿ ಖರ್ಚು ಮಾಡಬೇಕು. ಆರ್ಆರ್ಆರ್, ಜವಾನ್, ಪಠಾಣ್ ಹಾಗೂ ಕೆಜಿಎಫ್ ಸಿನಿಮಾಗಳನ್ನು ನೋಡಿದರೆ ಇದು ಅರ್ಥವಾಗುತ್ತದೆ. ಆದರೆ, ಎಲ್ಲ ಬಿಗ್ ಬಜೆಟ್ ಚಿತ್ರಗಳು ಸಹ ಯಶಸ್ಸು ಕಾಣುತ್ತಿವೆಯೇ? ಇಲ್ಲ. ಕೆಲವೊಂದು ಸಿನಿಮಾಗಳು ಸೋತಿವೆ. ಉದಾಹರಣೆಗೆ ಪ್ರಭಾಸ್ ನಟನೆಯ ಆದಿಪುರುಷ ಸಿನಿಮಾ ಇದಕ್ಕೆ ಉದಾಹರಣೆ, ಇದೇ ಸಮಯದಲ್ಲಿ, ಕಡಿಮೆ ಬಜೆಟ್‌ನಲ್ಲಿ ಮಾಡಿದ ಚಿತ್ರಗಳು ಅಸಾಧಾರಣವಾಗಿ ಯಶಸ್ವಿಯಾಗುತ್ತಿವೆ. ಕಾಂತಾರ, ಹನುಮಾನ್ ಚಿತ್ರಗಳು ಈ ವರ್ಗಕ್ಕೆ ಸೇರಿವೆ. ಅತ್ಯಂತ ಕಡಿಮೆ ಬಜೆಟ್‌ನಲ್ಲಿ ತಯಾರಾದ ಈ ಸಿನಿಮಾಗಳು ವಿಶ್ವದಾದ್ಯಂತ ನೂರಾರು ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಆದರೆ, ವಿಶ್ವದಲ್ಲೇ ಅತ್ಯಂತ ಲಾಭದಾಯಕ ಸಿನಿಮಾ ಯಾವುದು ಗೊತ್ತಾ? ಈ ಸಿನಿಮಾಗೆ ಖರ್ಚು ಮಾಡಿದ್ದು ಕೇವಲ 6 ಲಕ್ಷ ರೂ. ಆದರೆ, ಗಳಿಸಿದ್ದು ಮಾತ್ರ 800 ಕೋಟಿ ರೂಪಾಯಿ. ಯಾವುದು ಆ ಸಿನಿಮಾ ಅಂತೀರಾ? ಮುಂದೆ ಓದಿ.
ಶೂನ್ಯ ನಿರೀಕ್ಷೆಯೊಂದಿಗೆ ಬಂದ ಈ ಸಿನಿಮಾ ಶೇ.133,000 ರಷ್ಟು ಲಾಭ ಗಳಿಸಿದೆ. ಆ ಸಿನಿಮಾ ಯಾವುದೆಂದರೆ, “ಪ್ಯಾರನಾರ್ಮಲ್ ಆಕ್ಟಿವಿಟಿ” ಸಿನಿಮಾ. ಇದು ಒಂದು ಹಾಲಿವುಡ್ನ ಹಾರರ್ ಸಿನಿಮಾ ಆಗಿದೆ. 2007ರಲ್ಲಿ ನಿರ್ದೇಶಕ ಓರೆನ್ ಪೆಲಿ ಈ ಭಯಾನಕ ಚಲನಚಿತ್ರವನ್ನು ನಿರ್ದೇಶಿಸಿದರು. 1999ರ ಹಿಟ್ ಸಿನಿಮಾ ದಿ ಬ್ಲೇರ್ ವಿಚ್ ಪ್ರಾಜೆಕ್ಟ್‌ನಲ್ಲಿ ಬಳಸಲಾದ ಫೌಂಡ್ ಫುಟೇಜ್ ಮಾದರಿಯನ್ನು ಬಳಸಿತು. ಅಂದರೆ, ಈ ಸಿನಿಮಾವನ್ನು ಕೇವಲ ಸಿಸಿಟಿವಿ ಕ್ಯಾಮೆರಾಗಳು ಮತ್ತು ಹ್ಯಾಂಡ್‌ಹೆಲ್ಡ್ ಕ್ಯಾಮೆರಾಗಳನ್ನು ಬಳಸಿ ಚಿತ್ರೀಕರಿಸಲಾಗಿದೆ. ಎರೆನ್ ಪೆಲಿ ಸ್ವತಃ ಚಿತ್ರಕಥೆ, ನಿರ್ದೇಶನ, ಚಿತ್ರೀಕರಣ, ನಿರ್ಮಾಣ ಮತ್ತು ಸಂಕಲನವನ್ನು ಮಾಡಿದ್ದಾರೆ. ಈ ಚಿತ್ರದಲ್ಲಿ ಕೇವಲ ನಾಲ್ಕೇ ಮಂದಿ ನಟಿಸಿದ್ದರಿಂದ ಬಜೆಟ್ ಸಹ ಕೇವಲ 15,000 ಡಾಲರ್ಗೆ ಸೀಮಿತಗೊಂಡಿತು.
ಗಳಿಸಿದ್ದ 800 ಕೋಟಿ ರೂಪಾಯಿ
ವರದಿಗಳ ಪ್ರಕಾರ, ಪ್ಯಾರನಾರ್ಮಲ್ ಆ್ಯಕ್ಟಿವಿಟಿ ಸಿನಿಮಾವನ್ನು 15 ಸಾವಿರ ಡಾಲರ್ (ಆಗಿನ ಭಾರತೀಯ ಕರೆನ್ಸಿಯಲ್ಲಿ 6 ಲಕ್ಷ ರೂಪಾಯಿ) ಬಜೆಟ್‌ನಲ್ಲಿ ನಿರ್ಮಿಸಲಾಗಿದೆ. ಈ ಸಿನಿಮಾವನ್ನು ಸ್ಟುಡಿಯೋಗಳಿಗೆ ಮಾರಾಟ ಮಾಡಿದ ನಂತರ, ಪೋಸ್ಟ್-ಪ್ರೊಡಕ್ಷನ್ ಮತ್ತು ಮಾರ್ಕೆಟಿಂಗ್ಗೆ 2 ಲಕ್ಷ ಡಾಲರ್ (ರೂ. 85 ಲಕ್ಷ) ಖರ್ಚಾಯಿತು. ಆದರೆ ಈ ಸಿನಿಮಾ ಬಿಡುಗಡೆಯಾದ ಬಳಿಕ ಬಾಕ್ಸ್ಆಫೀಸ್ನಲ್ಲಿ ಸುನಾಮಿಯನ್ನೇ ಸೃಷ್ಟಿಸಿತ್ತು. ಪ್ಯಾರಾನಾರ್ಮಲ್ ಆಕ್ಟಿವಿಟಿ ಚಿತ್ರವು ವಿಶ್ವಾದ್ಯಂತ ಬಾಕ್ಸ್ ಆಫೀಸ್‌ನಲ್ಲಿ 194 ಮಿಲಿಯನ್ ಡಾಲರ್ ಗಳಿಸಿತು, ಅಂದರೆ 800 ಕೋಟಿ ರೂ. ಸಂಗ್ರಹಿಸಿತು.
ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ
ಸಿನಿಮಾ ಇತಿಹಾಸದಲ್ಲೇ ಪ್ಯಾರನಾರ್ಮಲ್ ಆ್ಯಕ್ಟಿವಿಟಿ ಸಿನಿಮಾ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ ಹೆಗ್ಗಳಿಕೆಯನ್ನು ಹೊಂದಿದೆ. ಈ ಸಿನಿಮಾ ಬರೋಬ್ಬರಿ 133,000 ರಷ್ಟು ಲಾಭ ಗಳಿಸಿತು. ಇದಾದ ನಂತರ ಈ ಚಿತ್ರದ ಹಲವು ಸೀಕ್ವೆಲ್‌ಗಳು ಬಂದವು. ಈ ಪ್ಯಾರಾನಾರ್ಮಲ್ ಆಕ್ಟಿವಿಟಿ ಫ್ರಾಂಚೈಸಿಯಲ್ಲಿ ಇದುವರೆಗೆ ಒಟ್ಟು 7 ಚಿತ್ರಗಳು ಬಂದಿವೆ. ಒಟ್ಟಾರೆಯಾಗಿ ಈ ಪ್ಯಾರಾನಾರ್ಮಲ್ ಆಕ್ಟಿವಿಟಿ ಚಲನಚಿತ್ರಗಳು ಪ್ರಪಂಚದಾದ್ಯಂತ 890 ಮಿಲಿಯನ್ ಡಾಲರ್ ಗಳಿಸಿವೆ. ಅಂದರೆ, 4600 ಕೋಟಿ ರೂ. ಸಂಗ್ರಹವಾಗಿದೆ ಎನ್ನಲಾಗಿದೆ.
ಚಿತ್ರಮಂದಿರದ ಜೊತೆಗೆ ಡಿಜಿಟಲ್ ರೈಟ್ಸ್, ಟೆಲಿವಿಷನ್ ರೈಟ್ಸ್ ಸೇರಿದಂತೆ ಫ್ರಾಂಚೈಸಿಯು ಸುಮಾರು 5000 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಆಗಿದೆ ಎಂದು ಡಿಎನ್‌ಎ ಇಂಡಿಯಾ ಮೀಡಿಯಾ ತಿಳಿಸಿದೆ. ಕೇವಲ 6 ಲಕ್ಷದ ಬಜೆಟ್‌ನಲ್ಲಿ ತಯಾರಿಸಲಾಗಿದ್ದರೂ (ಪೋಸ್ಟ್ ಪ್ರೊಡಕ್ಷನ್ ನಂತರ 1 ಕೋಟಿ ರೂ.ಗಿಂತ ಕಡಿಮೆ) ಪ್ಯಾರನಾರ್ಮಲ್ ಆಕ್ಟಿವಿಟಿ ಭಾರಿ ಯಶಸ್ಸನ್ನು ಕಂಡಿತು. (ಏಜೆನ್ಸೀಸ್)
ಎಂದಿಗೂ ಮದ್ವೆಯಾಗುವುದಿಲ್ಲ ಎಂದು ಯೋಚಿಸಿದ್ದ ಅನಂತ್ ಅಂಬಾನಿ ಮನಸ್ಸು ಬದಲಿಸಿದ್ದೇಕೆ?
ನಿಮ್ಮ ದೇಹದೊಳಗಿನ ತ್ಯಾಜ್ಯ, ವಿಷವನ್ನು ಕಂಪ್ಲೀಟ್ ಹೊರಗಾಕಲು ಈ ಪಾನೀಯಗಳು ಸಹಕಾರಿ!
ಎಲ್‌ಪಿಜಿ ಗ್ಯಾಸ್ ಸಿಲಿಂಡರ್ ದರ ಮತ್ತೆ ಏರಿಕೆ; ಯಾವ ನಗರದಲ್ಲಿ ಎಷ್ಟಿದೆ? ಮಾಹಿತಿ ಇಲ್ಲಿದೆ