ಜೈಲಿನಲ್ಲಿ ಖೈದಿಯ ಜಿಮ್‌ ವರ್ಕೌಟ್‌! ವಿಡಿಯೋ ವೈರಲ್.. Workout Video

ಚತ್ತೀಸ್‌ಗಢ: ಮಾದಕ ವಸ್ತುಗಳ ಜಾಲವನ್ನು ನಡೆಸುತ್ತಿದ್ದ ವ್ಯಕ್ತಿಯೊಬ್ಬ ಜೈಲಿನಲ್ಲಿ ವರ್ಕೌಟ್ ಮಾಡುತ್ತಿರುವ (Workout Video) ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಆರೋಪಿಯನ್ನು ರಶೀದ್ ಅಲಿ ಎಂದು ಗುರುತಿಸಲಾಗಿದೆ. ಈತ ಅಕ್ಟೋಬರ್ 13 ರಿಂದ 15 ರವರೆಗೆ ಬ್ಯಾರಕ್ ಸಂಖ್ಯೆ 15 ರಲ್ಲಿ ವ್ಯಾಯಾಮ ಮಾಡುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ. ಹಾಗೆಯೇ ಅಪರಾಧಿಗಳಾದ ರೋಹಿತ್ ಯಾದವ್ ಮತ್ತು ರಾಹುಲ್ ವಾಲ್ಮೀಕಿ ಅವರೊಂದಿಗೆ ರಶೀದ್ ಅಲಿಯ ಸೆಲ್ಫಿಗಳು ಹೊರಹೊಮ್ಮಿದ್ದು, ಇದೀಗ ವೀಕ್ಷಕರನ್ನು ದಿಗ್ಭ್ರಮೆಗೊಳಿಸಿರುವ ಮತ್ತು ಭದ್ರತಾ ವೈಫಲ್ಯಗಳ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ಇದನ್ನೂ ಓದಿ: Bihar Election | ಏನಾಗ್ತಿದೆ ಮಹಾಘಟಬಂಧನ್​​ದಲ್ಲಿ..?; ಆರ್​ಜೆಡಿ ಅಭ್ಯರ್ಥಿಯ ನಾಮಪತ್ರ ತಿರಸ್ಕೃತ, ಕಾರಣವೇನು.?

ಜೈಲು ಆಡಳಿತದ ಆಂತರಿಕ ತನಿಖೆಯ ಪ್ರಕಾರ, ಖೈದಿ ಶಶಾಂಕ್​ ಚೋಪ್ರಾ ಜೈಲಿನೊಳಗೆ ಮೊಬೈಲ್​ ಫೋನ್​ ಕಳ್ಳಸಾಗಣೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾನೆ ಎಂದು ತಿಳಿದುಬಂದಿದೆ. ರಶೀದ್​ ಅಲಿ ಈ ಸಾಧನವನ್ನು ಸ್ನೇಹಿತರೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಮತ್ತು ಕರ್ತವ್ಯದಲ್ಲಿದ್ದ ಇಬ್ಬರು ಗಾರ್ಡ್​ಗಳ ಕಣ್ಗಾವಲಿನಲ್ಲಿ ವ್ಯಾಯಾಮ ಸೇರಿದಂತೆ ಅವರ ಚಟುವಟುಕೆಗಳ ವಿಡಿಯೋ ರೆಕಾರ್ಡ್​ ಮಾಡಲು ಬಳಸಿದ್ದಾನೆ ಎಂದು ಆರೋಪಿಸಲಾಗಿದೆ.

ತನಿಖೆಯ ನಂತರ, ಕೇಂದ್ರ ಕಾರಾಗೃಹದ ಸೂಪರಿಂಟೆಂಡೆಂಟ್​ ಗಾರ್ಡ್​ಗಳಾದ ರಾಧೇಲಾಲ್ ಖುಂಟೆ ಮತ್ತು ಬಿಪಿನ್ ಖಾಲ್ಖೋ ಅವರನ್ನು ಕರ್ತವ್ಯದಿಂದ ವಜಾಗೊಳಿಸಿದ್ದಾರೆ. ಈ ಹಿಂದೆಯೂ ಹಲವು ಬಾರಿ ಎಚ್ಚರಿಕೆ ನೀಡಲಾಗಿತ್ತು ಎಂದು ವರದಿಯಾಗಿದೆ.

ಇದನ್ನೂ ಓದಿ: ಸ್ನಾನದ ನಂತರ ನಿಮ್ಮ ತಲೆ ಕೂದಲನ್ನು ಸ್ನಾನಗೃಹದಲ್ಲಿ ಬಿಡುತ್ತಿದ್ದೀರಾ? ಇದು ಅಶುಭ…Vastu Tips

ಜುಲೈ 11 ರಿಂದ ರಾಯ್​ಪುರ ಕೇಂದ್ರ ಕಾರಾಗೃಹದಲ್ಲಿ ಬಂಧನಕ್ಕೊಳಗಾಗಿರುವ ಅಲಿಯನ್ನು ಎನ್​ಡಿಪಿಎಸ್​ ಕಾಯ್ದೆ ಅಡಿಯಲ್ಲಿ ಬಂಧಿಸಲಾಗಿದ್ದು, ಮಾದಕ ವಸ್ತು ಜಾಲವನ್ನು ನಡೆಸುತ್ತಿರುವ ಜೊತೆಗೆ ಜೈಲಿನೊಳಗೆ ಹಣವನ್ನು ಸುಲಿಗೆ ಮಾಡಿದ ಆರೋಪವಿದ್ದು, ಕೆಲವು ಅಧಿಕಾರಿಗಳು ಅವನಿಗೆ ಸಹಾಯ ಮಾಡಿರಬಹುದು. ಇದರಿಂದಾಗಿ ಮೊಬೈಲ್​ ಫೋನ್​ಗಳು ಮತ್ತು ಇತರ ನಿಷೇಧಿತ ವಸ್ತುಗಳನ್ನು ಪ್ರವೇಶಿಸಲು ಸಾಧ್ಯವಾಗುತ್ತಿತ್ತು ಎಂದು ಮೂಲಗಳು ತಿಳಿಸಿವೆ. (ಏಜೆನ್ಸೀಸ್​)

https://www.vijayavani.net/family-dead-as-speeding-thar-hits-3-bikes-in-jaipur