ಮಹಿಳೆಯರ 'ಶಕ್ತಿ' ಮೀರಿದ ಪ್ರಯಾಣ, ಮಾರ್ಗಮಧ್ಯೆಯೇ ನಿಂತ ಬಸ್; ಗಂಟೆಗಟ್ಟಲೆ ಕಾದು ಸುಸ್ತಾದ ಪ್ರಯಾಣಿಕರು

ಚಿಕ್ಕಮಗಳೂರು: ಮಹಿಳೆಯರಿಗೆ ಸರ್ಕಾರಿ ಬಸ್​ಗಳಲ್ಲಿ ಉಚಿತ ಪ್ರಯಾಣಕ್ಕೆ ಅವಕಾಶ ಕಲ್ಪಿಸಿಕೊಡುವ ಕಾಂಗ್ರೆಸ್​ನ ಗ್ಯಾರಂಟಿಗಳ ಪೈಕಿ ಒಂದಾಗಿರುವ ಶಕ್ತಿ ಯೋಜನೆ ಜಾರಿಯಾದ ಬಳಿಕ ಹಲವು ಅವಾಂತರಗಳು ನಡೆದಿವೆ. ಈಗ ಮಹಿಳೆಯರ ಶಕ್ತಿ ಮೀರಿದ ಪ್ರಯಾಣದಿಂದ ಬಸ್ಸೊಂದು ಮಾರ್ಗಮಧ್ಯೆಯೇ ನಿಂತು ಹೋಗುವಂತಾಗಿದೆ.

ಇದನ್ನೂ ಓದಿ: VIDEO | ಸೀಟ್​​ಗಾಗಿ ‘ಶಕ್ತಿ’ ಪ್ರಯೋಗ: ಬಸ್​​ನೊಳಗೇ ಜಡೆ ಹಿಡಿದು ಜಗಳವಾಡಿದ ಮಹಿಳೆಯರು!

ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಜಾವಳಿ ಬಳಿ ಇಂದು ಈ ಪ್ರಕರಣ ನಡೆದಿದೆ. ಬೆಂಗಳೂರಿನಿಂದ ಹೊರನಾಡಿಗೆ ಹೊರಟಿದ್ದ ಈ ಬಸ್​ನಲ್ಲಿ ಮಹಿಳೆಯರು ಶಕ್ತಿ ಮೀರಿ ಪ್ರಯಾಣಿಸುತ್ತಿದ್ದರು. ಅರ್ಥಾತ್, ಶಕ್ತಿ ಯೋಜನೆ ಹಿನ್ನೆಲೆಯಲ್ಲಿ ಉಚಿತವಾಗಿ ಧಾರ್ಮಿಕ ಕ್ಷೇತ್ರದ ದರ್ಶನ ಪಡೆಯಲು ಹೊರಟಿದ್ದ ಮಹಿಳೆಯರೇ ಈ ಬಸ್​ನಲ್ಲಿ ಅಧಿಕ ಸಂಖ್ಯೆಯಲ್ಲಿದ್ದರು. ಅಂದರೆ, 60 ಆಸನಗಳ ಸಾಮರ್ಥ್ಯದ ಈ ಬಸ್​ನಲ್ಲಿ ನೂರಕ್ಕೂ ಅಧಿಕ ಪ್ರಯಾಣಿಕರಿದ್ದರು.

ಇದನ್ನೂ ಓದಿ: ಬಸ್​ ಡೋರೇ ಕಿತ್ತು ಹೋಯ್ತು!; ಉಚಿತ ಪ್ರಯಾಣಕ್ಕಾಗಿ ಮಹಿಳೆಯರ ‘ಶಕ್ತಿ’ ಪ್ರಯೋಗ

ಹೀಗೆ ಓವರ್ ಲೋಡ್​ ಆಗಿದ್ದ ಬಸ್​ ತಿರುವಿನಲ್ಲಿ ಒಂದು ಕಡೆಗೇ ಹೆಚ್ಚಿನ ಭಾರ ಬಿದ್ದಂತಾಗಿ ಪರ್ಚ್ ಕಟ್ ಆಗಿ ಕೆಟ್ಟು ಮಾರ್ಗಮಧ್ಯೆ ನಿಲ್ಲುವಂತಾಗಿತ್ತು. ಪರಿಣಾಮವಾಗಿ, ಬಸ್​ನಲ್ಲಿ ತುಂಬಿದ್ದ ಮಹಿಳೆಯರು ರಸ್ತೆಬದಿಯಲ್ಲಿ ಸಾಲಾಗಿ ಕೂರುವಂತಾಗಿತ್ತು. ಅಲ್ಲದೆ ಪ್ರಯಾಣಿಕರೆಲ್ಲರೂ ಗಂಟೆಗಟ್ಟಲೆ ಕಾದು ಸುಸ್ತಾಗುವಂತಾಗಿತ್ತು. ಈ ಮಾರ್ಗದಲ್ಲಿ ಸರ್ಕಾರಿ ಬಸ್​ಗಳ ಸಂಖ್ಯೆ ಅತಿ ಕಡಿಮೆಯಾದ್ದರಿಂದ ಬೇರೆ ಬಸ್ ಸಿಗದೆ ಪರದಾಡುವಂತಾಗಿತ್ತು.

ಇದನ್ನೂ ಓದಿ: ಮಹಿಳೆಯರೇ ಹುಷಾರು: ‘ಶಕ್ತಿ’ ಮೀರಿ ಪ್ರಯಾಣಿಸುವ ಮುನ್ನ ಎಚ್ಚರಿಕೆ ಇರಲಿ..

https://www.vijayavani.net/son-came-to-fish-market-covering-his-face-still-mother-identified-him

https://www.vijayavani.net/lakhs-together-money-found-at-abhinava-halashree-swamiji-mata