ಅಂಗಲಾಚಿದರು ಬಿಡದೆ ಲೈಂಗಿಕ ದೌರ್ಜನ್ಯ ಎಸಗಿದ Congress Leader

ಲಖನೌ: ಸರ್ಕಾರಗಳು ಎಷ್ಟೇ ಕಠಿಣ ಕಾನೂನನ್ನು ಜಾರಿಗೆ ತಂದರು ಮಹಿಳೆಯರ ಮೇಲಿನ ದೌರ್ಜನ್ಯ ಪ್ರಕರಣಗಳು (Harassment Cases) ದಿನ ಕಳೆದಂತೆ ಹೆಚ್ಚಾಗುತ್ತಿವೆ. ಇದೀಗ ಕಾಂಗ್ರೆಸ್​ ಜಿಲ್ಲಾಧ್ಯಕ್ಷನೋರ್ವ (Congress Leader) ಮಹಿಳೆಯೊಬ್ಬರ ಮೇಲೆ ದೌರ್ಜನ್ಯ ಎಸಗಿದ್ದು, ಆಘಾತಕಾರಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಬಾಗ್​ಪತ್​ ಜಿಲ್ಲಾ ಕಾಂಗ್ರೆಸ್​ ಅಧ್ಯಕ್ಷ (Congress Leader) ಯೂಸೂಫ್​ ಚೌಧರಿ (Yusuf CHaudhary) ಈ ಕೃತ್ಯ ಎಸಗಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಇದಲ್ಲದೆ ಈತ ಮಹಿಳೆ ಎಷ್ಟೇ ಗೋಗರೆದರು ಆಕೆಯ ಮೇಲೆ ದೌರ್ಜನ್ಯ ಎಸಗಿದ್ದಾನೆ. ಕಾಂಗ್ರೆಸ್​ ನಾಯಕನ ಈ ಕರಾಳ ಕೃತ್ಯವನ್ನು ಸಂತ್ರಸ್ತ (Victim) ಮಹಿಳೆ ಮೊಬೈಲ್​ನಲ್ಲಿ ಸೆರೆ ಹಿಡಿದಿದ್ದು, ಆರೋಪಿ ವಿರುದ್ಧ ಕಠಿಣ ಕಾನೂನು ಕ್ರಮ ಜರುಗಿಸುವಂತೆ ನೆಟ್ಟಿಗರು ಆಗ್ರಹಿಸುತ್ತಿದ್ದಾರೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಜಿಲ್ಲಾ ಕಾಂಗ್ರೆಸ್​ ಘಟಕದ ಅಧ್ಯಕ್ಷ (Congress Leader) ಯೂಸೂಫ್​ ಚೌಧರಿ ತನ್ನ ಖಾಸಗಿ ಅಂಗವನ್ನು ತೋರಿಸುತ್ತ ಮಹಿಳೆಯತ್ತಿರ ಬರುತ್ತಿರುವುದನ್ನು ನೋಡಬಹುದಾಗಿದೆ. ಬಳಿಕ ಮಹಿಳೆಯನ್ನು ಜೋರಾಗಿ ತಬ್ಬಿ ಹಿಡಿಯುವ ಆರೋಪಿಯು ಬಳಿಕ ನನ್ನ ತಾಯಿ ಬರುತ್ತಾರೆ ಬಿಟ್ಟುಬಿಡಿ ಎಂದು ಮಹಿಳೆ ಗೋಗರೆದರೆ ಆಕೆಯನ್ನು ಮತ್ತಷ್ಟು ಜೋರಾಗಿ ಹಿಡಿದಿಟ್ಟುಕೊಂಡು ದೌರ್ಜನ್ಯ ಎಸಗುತ್ತಾನೆ. ಈ ವಿಡಿಯೋವನ್ನು ಸಂತ್ರಸ್ತೆ ಮೊಬೈಲ್​ನಲ್ಲಿ ಸೆರೆ ಹಿಡಿದಿದ್ದು, ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿದೆ.

nbsp;

ಈ ಕುರಿತು ಮಾತನಾಡಿರುವ ಜಿಲ್ಲಾ ಕಾಂಗ್ರೆಸ್​ ಅಧ್ಯಕ್ಷ ಯೂಸೂಫ್​ ಚೌಧರಿ (Yusuf Chaudhary), ಆ ವಿಡಿಯೋದಲ್ಲಿ ಇರುವುದು ನಾನಲ್ಲ. ನನ್ನ ವಿರುದ್ಧ ರಾಜಕೀಯ ಷಡ್ಯಂತ್ರ ರೂಪಿಸಲಾಗಿದ್ದು, ನನ್ನ ಮಾನವನ್ನು ಹಾಳು ಮಾಡಲು ರಾಜಕೀಯ ವಿರೋಧಿಗಳು ಹೆಣೆದಿರುವ ಪಿತೂರಿ ಎಂದು ಯೂಸೂಫ್​ ಆರೋಪಿಸಿದ್ದಾರೆ. ಆದರೆ, ಕಾನೂನು ಕ್ರಮ ಅಥವಾ ಪೊಲಿಸರಿಗೆ ದೂರು ನೀಡುವ ಬಗ್ಗೆ ಯೂಸೂಫ್​ ಎಲ್ಲಿಯೂ ಹೇಳಿಲ್ಲ.

ವಿಡಿಯೋ ಕುರಿತು ಮಾತನಾಡಿರುವ ಹಿರಿಯ ಪೊಲೀಸ್​ ಅಧಿಕಾರಿಯೊಬ್ಬರು, ಘಟನೆ ಸಂಬಂಧ ಈವರೆಗೆ ಯಾವುದೇ ದೂರು ದಾಖಲಾಗಿಲ್ಲ. ದೂರು ದಾಖಲಾದರೆ ನಾವು ತಕ್ಷಣ ಕ್ರಮ ಕೈಗೊಳ್ಳುತ್ತೇವೆ ಎಂದು ಹಿರಿಯ ಪೊಲೀಸ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

https://www.vijayavani.net/ravichandran-ashwin-and-ravindra-jadeja-reduce-new-zealand-to-9-down-victory-in-sight-for-team-india

https://www.vijayavani.net/who-all-has-the-authority-to-meet-actor-darshan-in-hospital