ಮದ್ಯ, ಟವಲ್, ಪೈಪ್... ಮನೆಗೆ ಬಂದ ಪತಿಗೆ ಗುಂಡಿ ತೋಡಿದ ಪಾಪಿ ಪತ್ನಿ! ಆರೋಪಿಗಳು ಅರೆಸ್ಟ್ | Murder

Murder Case: ಗಂಡನ ಜತೆಗಿನ ದಾಂಪತ್ಯ ಸಂಬಂಧಕ್ಕಿಂತ ಅನ್ಯ ವ್ಯಕ್ತಿಯೊಂದಿಗಿನ ಅನೈತಿಕ ಸಂಬಂಧವೇ ಸುಖ ಎಂದು ಭಾವಿಸಿದ ಪತ್ನಿ, ಪತಿಯೇ ಇಲ್ಲದಿದ್ದರೆ ತನ್ನ ಮುಂದಿನ ಕೆಲಸಗಳು ಬಹಳ ಸುಗಮ ಎಂದು ಭಾವಿಸಿ ಭೀಕರವಾಗಿ ಹತ್ಯೆಗೈದ ಘಟನೆ ತೆಲಂಗಾಣದ ನಿಜಾಮಾಬಾದ್​ನಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಮುಂಬೈ ಇಂಡಿಯನ್ಸ್​ ಬೌಲಿಂಗ್​ ದಾಳಿಗೆ ತತ್ತರಿಸಿದ ಕೆಕೆಆರ್​! 116ಕ್ಕೆ ಆಲ್​ಔಟ್​ | MI vs KKR

ಅನೈತಿಕ ಸಂಬಂಧದ ಬಗ್ಗೆ ಪತಿಗೆ ಗೊತ್ತಾಗಿದ್ದೇ ತಡ ಗಂಡನೊಂದಿಗೆ ಜಗಳಕ್ಕಿಳಿದ ಆರೋಪಿ ಪತ್ನಿ ಕಾಶವ್ವ, ಪ್ರಿಯಕರನ ಜತೆಗೂಡಿ ಪತಿಯನ್ನು ಮುಗಿಸುವ ಸಂಚು ಹೂಡಿದ್ದಳು. ಅದರಂತೆಯೇ ಬನ್ಸ್ವಾಡ ಮಂಡಲದ ನಾಗರಂ ಗ್ರಾಮದ ಪತಿ ಅಮೃತಂ ವಿಠ್ಠಲ್​ಗೆ ಹೊಲದಲ್ಲಿ ಮದ್ಯ ಕುಡಿಸಿ, ಟವಲ್​ನಿಂದ ಕತ್ತು ಹಿಸುಕಿ, ತಲೆಗೆ ಪೈಪ್​ನಿಂದ ಹೊಡೆದು ಹತ್ಯೆಗೈದಿದ್ದಾರೆ.

ಮೇಸ್ತ್ರಿ ಕೆಲಸ ಮಾಡಿಕೊಂಡು ಸಾಧಾರಣ ಜೀವನ ಸಾಗಿಸುತ್ತಿದ್ದ ಮೃತ ವಿಠಲ್​ಗೆ ಮೂವರು ಹೆಣ್ಣು ಮಕ್ಕಳು. ಅವರಲ್ಲಿ ಒಬ್ಬಳು ವಿವಾಹಿತಳು. ವಿಠ್ಠಲ್ ಪತ್ನಿ ಕಾಶವ್ವ ನಾಗರಂ ಗ್ರಾಮದ ವ್ಯಕ್ತಿಯೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದಳು. ಈ ವಿಷಯವಾಗಿ ದಂಪತಿಗಳ ನಡುವೆ ಹಲವು ಬಾರಿ ಜಟಾಪಟಿ ನಡೆದಿತ್ತು ಎಂಬುದು ತನಿಖೆಯಲ್ಲಿ ಬಯಲಾಗಿದೆ.

ಇದನ್ನೂ ಓದಿ: ಹಡಗಲಿಯಲ್ಲಿ ಜಾಗ ಸ್ವಚ್ಛಗೊಳಿಸಿ ಫಲಾನುಭವಿಗಳ ಪ್ರತಿಭಟನೆ

ಶುಕ್ರವಾರ (ಮಾ.28) ರಾತ್ರಿ ವಿಠ್ಠಲ್​ನನ್ನು ಜಮೀನಿಗೆ ಕರೆದೊಯ್ದು, ಮದ್ಯ ಕುಡಿಸಿ, ಕುತ್ತಿಗೆಗೆ ಟವಲ್ ಕಟ್ಟಿ, ಪೈಪ್​ನಿಂದ ಬಲವಾಗಿ ಹೊಡೆದು ಕೊಂದಿದ್ದಾರೆ. ಬಳಿಕ ವಿಠ್ಠಲ್​ನ ಮೃತದೇಹವನ್ನು ಕೊಲ್ಲೂರು ಸಬ್ ಸ್ಟೇಷನ್ ಬಳಿಯ ಬನ್ಸ್ವಾಡ-ಬಿರ್ಕೂರು ಮುಖ್ಯ ರಸ್ತೆ ಪಕ್ಕದಲ್ಲಿ ಎಸೆದು ಪರಾರಿಯಾಗಿದ್ದರು. ಮೃತನ ಸಹೋದರ ಬಿಂಗಿ ಸಾಯಿ ನೀಡಿದ ದೂರಿನ ಆಧಾರದ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ಮೃತನ ಪತ್ನಿ ಕಾಶವ್ವ ಮತ್ತು ಆಕೆಯ ಪ್ರಿಯಕರನನ್ನು ಬಂಧಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/kerala-minister-sparks-against-asha-workers