ನೀವು ಅಮೆರಿಕಕ್ಕೆ ಏಕೆ ಹೋಗಲಿಲ್ಲ? ಸಿಕ್ಕಾಪಟ್ಟೆ ವೈರಲ್​ ಆಯ್ತು ಬೆಂಗಳೂರು ಟೆಕ್ಕಿ ಕೊಟ್ಟ ಉತ್ತರ…

ನವದೆಹಲಿ: ಐಟಿ ಉದ್ಯೋಗಿಗಳಿಗೆ ವಿದೇಶದಲ್ಲಿ ಒಳ್ಳೆಯ ಅವಕಾಶಗಳ ಜತೆಗೆ ಅತ್ಯುತ್ತಮ ಸಂಬಳವೂ ಸಿಗಲಿದೆ. ಅದರಲ್ಲೂ ಅಮೆರಿಕ, ಕೆನಡಾ, ದಿ ಯನೈಟೆಡ್​ ಕಿಂಗ್​ಡಮ್​, ಆಸ್ಟ್ರೇಲಿಯಾ ಮತ್ತು ವಿವಿಧ ಯೂರೂಪಿಯನ್​ ದೇಶಗಳಲ್ಲಿ ಟೆಕ್ಕಿಗಳಿಗೆ ಒಳ್ಳೆಯ ಭವಿಷ್ಯವಿದೆ. ತಮ್ಮ ತಾಂತ್ರಿಕ ಕೌಶಲ, ಸಮಸ್ಯೆ ಪರಿಹರಿಸುವ ಸಾಮರ್ಥ್ಯ ಮತ್ತು ಕೆಲಸದ ಬದ್ಧತೆಯಿಂದಾಗಿ ಇಂತಹ ಇಂಜಿನಿಯರ್​ಗಳನ್ನು ಈ ದೇಶಗಳು ಹೆಚ್ಚು ಹುಡುಕಾಡುತ್ತವೆ.

ಅಮೆರಿಕದಲ್ಲಿ ಅವಕಾಶ ಸಿಕ್ಕರೆ ಯಾರಾದರೂ ಬೇಡ ಎಂದು ಹೇಳ್ತಾರಾ? ಆದರೆ, ಇಲ್ಲೊಬ್ಬ ಭಾರತೀಯ ಟೆಕ್ಕಿ, ವಿದೇಶದಲ್ಲಿ ಕೆಲಸ ಮಾಡಲು ಬಯಸದೇ ಭಾರತದಲ್ಲಿ ಮಾತ್ರ ತನ್ನ ಕೆಲಸ ಮುಂದುವರಿಸಲು ಇಚ್ಛಿಸಿದ್ದಾರೆ. ಅಮೆರಿಕವನ್ನು ತಿರಸ್ಕರಿಸಲು ಅವರು ಕೊಟ್ಟ ಕಾರಣಗಳು ಸಹ ಸಿಕ್ಕಾಪಟ್ಟೆ ವೈರಲ್​ ಆಗಿವೆ.

ಇದನ್ನೂ ಓದಿ: ಶ್ರಮ ಸಂಸ್ಕೃತಿಯಿಂದ ಜನ್ಮ ತಳೆದ ಜಾನಪದ ಕಲೆಗಳು : ಡಿಸಿಸಿ ಬ್ಯಾಂಕ್ ಅದ್ಯಕ್ಷ ಗೋನಾಯಕ ಅಭಿಪ್ರಾಯ

ಬೆಂಗಳೂರಿನ ಹೆಸರಾಂತ ಟೆಕ್ ಕಂಪನಿ ಗೂಗಲ್‌ನಲ್ಲಿ ಕೆಲಸ ಮಾಡುತ್ತಿರುವ ಸಾಫ್ಟ್‌ವೇರ್ ಇಂಜಿನಿಯರ್ ಅನ್ಶುಲ್ ಸದಾರಿಯಾ ಅವರು ಯುನೈಟೆಡ್ ಸ್ಟೇಟ್ಸ್‌ನ ಮನವಿಗೆ ಮಣಿಯುವ ಬದಲು ಭಾರತಕ್ಕೆ ಬದ್ಧರಾಗಿರಲು ತಮ್ಮ ನಿರ್ಧಾರವನ್ನು ಸ್ಪಷ್ಟಪಡಿಸಿದ್ದಾರೆ. ತನ್ನ ಆಯ್ಕೆಗೆ ಕಾರಣವಾದ ಪ್ರೇರಣೆಗಳು ಮತ್ತು ಅಂಶಗಳು ಯಾವುವು ಎಂಬುದನ್ನು ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ.

ಭೈಯ್ಯಾ ನೀವು ಏಕೆ ಅಮೆರಿಕಕ್ಕೆ ಹೋಗಲಿಲ್ಲ? ನಿಮಗೆ ಅವಕಾಶಗಳು ಸಿಗಲಿಲ್ಲವೇ? ಈ ರೀತಿಯ ಪ್ರಶ್ನೆಗಳು ನನಗೆ ಸಾಮಾನ್ಯವಾಗಿವೇ ಎಂದು ಸದಾರಿಯಾ ಉಲ್ಲೇಖಿಸಿದ್ದಾರೆ. ಇದಕ್ಕೆ ಉತ್ತರ ನೀಡಿರುವ ಸದಾರಿಯಾ, ನನಗೂ ಅವಕಾಶ ಒದಗಿಬಂದಿತ್ತು. ಆದರೆ, ನಾನು ಹೋಗಲಿಲ್ಲ! ದೇಶಭಕ್ತಿಯೇ ಎಂಬ ಪ್ರಶ್ನೆ ನಿಮ್ಮಲ್ಲಿ ಮೂಡಬಹುದು. ಆದರೆ, ನಿಖರವಾಗಿ ಅದು ಅಲ್ಲ. ನಾನು 2021 ರಲ್ಲಿ ನನ್ನ ತಂದೆಯನ್ನು ಕಳೆದುಕೊಂಡೆ ಮತ್ತು ನನ್ನ ಕುಟುಂಬಕ್ಕೆ ಹತ್ತಿರವಾಗಲು ಬಯಸುತ್ತೇನೆ ಎಂದಿದ್ದಾರೆ.

ಅಮೆರಿಕಕ್ಕೆ ಹೋಗಬಹುದು

ನಿಮ್ಮ ಕುಟುಂಬದೊಂದಿಗೆ ಭವಿಷ್ಯದಲ್ಲಿ ನೀವು ಎಂದಾದರೂ ಯುಎಸ್‌ಗೆ ಹೋಗುತ್ತೀರಾ? ಎಂಬ ಪ್ರಶ್ನೆಗೆ ಉತ್ತರ ನೀಡಿರುವ ಸದಾರಿಯಾ, ಬಹುಶಃ. ಕೆಲವು ವರ್ಷಗಳ ಕಾಲ, ಕೇವಲ ಅಮೆರಿಕ ಕೆಲಸದ ಸಂಸ್ಕೃತಿಯ ಅನುಭವವನ್ನು ಪಡೆಯಲು ಮತ್ತು ನಾನು ಪ್ರವಾಸದ ಪ್ರೇಮಿಯಾಗಿರುವುದರಿಂದ ಅಮೆರಿಕಕ್ಕೆ ಹೋಗಬಹುದು. ಆದರೆ ಅಂತಿಮವಾಗಿ, ನಾನು ಭಾರತದಲ್ಲಿ ಮಾತ್ರ ನೆಲೆಸಲು ಬಯಸುತ್ತೇನೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಕಾವೇರಿ ವರಿ, ರಾಜಕೀಯ ಮೇಲಾಟ ಇಂದು: ಸರ್ವಪಕ್ಷ ಸಭೆಗೆ ಸರ್ಕಾರ, ಪ್ರತಿಪಕ್ಷ ಸಜ್ಜು; ಸುಪ್ರೀಂ ವಿಚಾರಣೆಗೂ ಮುನ್ನ ರಾಜ್ಯದ ನಿಲುವು ಚರ್ಚೆ

ನೆರವಿನ ಲಭ್ಯತೆ

ಟ್ವಿಟರ್​ ಸಂವಾದ ಮುಂದುವರೆದಂತೆ, ಸಂಭಾಷಣೆಯು ಎರಡು ರಾಷ್ಟ್ರಗಳ ನಡುವಿನ ಸಮಗ್ರ ಹೋಲಿಕೆಯಾಗಿ ವಿಕಸನಗೊಂಡಿತು. ವೃತ್ತಿಪರ ಅವಕಾಶಗಳು, ಆರೋಗ್ಯ, ಶಿಕ್ಷಣ ಮತ್ತು ಜೀವನದ ವಿವಿಧ ಆಯಾಮಗಳಂತಹ ಅಂಶಗಳ ಚರ್ಚೆಯಾಯಿತು. ಸದಾರಿಯಾ ಅವರು ತಾರ್ಕಿಕತೆಯ ಮಧ್ಯಭಾಗದಲ್ಲಿ ಭಾರತದಲ್ಲಿನ ಜೀವನದ ಸಮಗ್ರ ದೃಷ್ಟಿಕೋನವು ಅನುಕೂಲತೆ, ಕೈಗೆಟುಕುವಿಕೆ ಮತ್ತು ಭಾವನಾತ್ಮಕ ಸಂಪರ್ಕಗಳ ಸಮ್ಮಿಲನವನ್ನು ಒಳಗೊಂಡಿದೆ. ಸ್ವದೇಶದಲ್ಲಿನ ನೆರವಿನ ಲಭ್ಯತೆ, ಕೌಟುಂಬಿಕ ಬಂಧಗಳಲ್ಲಿ ಕಂಡುಬರುವ ಸಮಾಧಾನ ಮತ್ತು ಖಾಸಗಿ ಶಿಕ್ಷಣದ ವೆಚ್ಚ-ದಕ್ಷತೆಯನ್ನು ಶ್ಲಾಘಿಸಿದರು. (ಏಜೆನ್ಸೀಸ್​)

https://www.vijayavani.net/today-at-6-pm-india-conquers-moon

https://www.vijayavani.net/political-dominance-about-kaveri-water-is-today