| ಜಯಶ್ರೀ ಜೆ. ಅಬ್ಬಿಗೇರಿ
ಚಿಕ್ಕಂದಿನಿಂದಲೂ ಒಟ್ಟಿಗೆ ಬೆಳೆದು, ಶಾಲೆಯಲ್ಲಿ ಒಟ್ಟಿಗೆ ಕಲಿತು, ಕಾಲೇಜಿಗೂ ಒಟ್ಟಿಗೆ ಹೋದ ರಾಮು ಮತ್ತು ಭೀಮು ಎಂಬ ಇಬ್ಬರು ಸ್ನೇಹಿತರು ಒಟ್ಟಿಗೆ ಸೇನೆ ಸೇರಿದರು. ಯುದ್ಧ ಆರಂಭವಾಗುತ್ತದೆ. ಇಬ್ಬರೂ ಒಂದೇ ತುಕುಡಿಯಲ್ಲಿರುತ್ತಾರೆ. ಒಂದು ರಾತ್ರಿ ಇವರ ಮೇಲೆ ಶತ್ರುಗಳು ಮುಗಿಬೀಳುತ್ತಾರೆ. ಕಗ್ಗತ್ತಲಿನಿಂದ ಶಬ್ಧವೊಂದು ಕೇಳಿಬರುತ್ತದೆ. ಭೀಮು, ಬೇಗ ಬಾ ನನಗೆ ಸಹಾಯ ಮಾಡು ಎಂದು. ತನ್ನ ಗೆಳೆಯ ರಾಮು ಆಪತ್ತಿನಲ್ಲಿದ್ದಾನೆ ಅವನೇ ಕರೆಯುತ್ತಿದ್ದಾನೆಂದು ಗುರುತಿಸಿದ ಭೀಮು, ಕ್ಯಾಪ್ಟನ್ನನ್ನು ಕೇಳುತ್ತಾನೆ, ‘ನಾನೀಗ ಹೋಗಬಹುದೇ’ ಎಂದು. ಆಗ ಕ್ಯಾಪ್ಟನ್, ‘ನೀನೀಗ ಹೋಗಲು ಸಾಧ್ಯವಿಲ್ಲ. ಹೋಗಲು ನಾನು ಬಿಡುವುದಿಲ್ಲ. ನನಗೆ ಯೋಧರ ಕೊರತೆಯಿದೆ. ಹೀಗಿರುವಾಗ ಇನ್ನೊಬ್ಬ ಯೋಧನನ್ನು ಕಳೆದುಕೊಳ್ಳಲು ನಾನು ಬಿಡುವುದಿಲ್ಲ. ಅಲ್ಲದೆ, ಅವನು ಬದುಕಿ ಉಳಿಯಲಾರ ಎಂದೆನಿಸುತ್ತಿದೆ’ ಎನ್ನುತ್ತಾನೆ. ಭೀಮು ಸುಮ್ಮನಾಗುತ್ತಾನೆ.
