ತಮಿಳುನಾಡು Train Accidentಗೆ ಕಾರಣವೇನು? ಹಿರಿಯ ರೈಲ್ವೆ ಅಧಿಕಾರಿ ಹೇಳಿದ್ದಿಷ್ಟು

ನವದೆಹಲಿ: ತಮಿಳುನಾಡಿನ ತಿರುವಳ್ಳೂರು ಜಿಲ್ಲೆಯಲ್ಲಿ ಸ್ಟೇಷನರಿ ಗೂಡ್ಸ್​ ರೈಲಿಗೆ ಮೈಸೂರು-ದರ್ಭಾಂಗ ಎಕ್ಸ್​ಪ್ರೆಸ್​ ರೈಲು ( Mysuru Darbhanga Express ) ಡಿಕ್ಕಿಯಾಗಿ (Train Accident) ಹಳಿತಪ್ಪಿದ ಘಟನೆಗೆ ಸಂಬಂಧಿಸಿದಂತೆ 19ಮಂದಿ ಗಾಯಗೊಂಡಿದ್ದು, ಅವಘಡ ಹೇಗೆ ಸಂಭವಿಸಿತು ಎಂಬುದರ ಬಗ್ಗೆ ಅಧಿಕಾರಿಗಳು ಮಾತನಾಡಿದ್ದಾರೆ.

ಈ ಕುರಿತು ಮಾತನಾಡಿರುವ ದಕ್ಷಿಣ ರೈಲ್ವೆಯ ಜನರಲ್ ಮ್ಯಾನೇಜರ್ (General Manager) ಆರ್.ಎನ್. ಸಿಂಗ್, ಸಿಗ್ನಲ್ ಮತ್ತು ಮಾರ್ಗದ ನಡುವಿನ ಹೊಂದಾಣಿಕೆಯಿಲ್ಲದ ಕಾರಣ ಅವಘಡ ಸಂಭವಿಸಿದೆ. ಘಟನೆ ನಡೆಯುವ ಮುನ್ನ ರೈಲು ಗುಡೂರಿಗೆ (Andhrapradesh)) ಹೊರಟಿತ್ತು. ಇದು ತಿರುವಳ್ಳೂರಿನ ಕವರೈಪ್ಪೆಟ್ಟೈ ರೈಲು ನಿಲ್ದಾಣದಲ್ಲಿ ನಿಂತಿತು, ಅಲ್ಲಿ ಗುಡೂರಿಗೆ ಹೋಗುವ ಸರಕು ರೈಲು ಕೂಡ ಲೂಪ್ ಲೈನ್‌ನಲ್ಲಿತ್ತು. ನನ್ನ ಪ್ರಕಾರ ಇಲ್ಲಿ ಏನೋ ತಪ್ಪಾಗಿದೆ.

ಇದನ್ನೂ ಓದಿ: ನವೆಂಬರ್​ 01ರಂದು ಎಲ್ಲಾ ಕಡೆ ಕನ್ನಡ ಬಾವುಟ ಹಾರಿಸುವುದು ಕಡ್ಡಾಯ: DK Shivakumar

ಏನಾಯಿತು ಎಂದು ನಿಖರವಾಗಿ ಹೇಳಲು ಇಷ್ಟು ಬೇಗ ಸಾಧ್ಯವಿಲ್ಲ. ಟ್ರ್ಯಾಕ್ ರೈಲನ್ನು (Train) ಮುಚ್ಚಿದ ಲೂಪ್‌ಗೆ ಬದಲಾಯಿಸಿದಾಗ ಮುಖ್ಯ ಮಾರ್ಗಕ್ಕೆ ಸಿಗ್ನಲ್ ಹೊಂದಿಸಲಾಗಿದೆ.  ಮುಖ್ಯ ಮಾರ್ಗಕ್ಕೆ ಸಿಗ್ನಲ್ ಕ್ಲಿಯರೆನ್ಸ್ ಹೊರತಾಗಿಯೂ, ಪ್ಯಾಸೆಂಜರ್ ರೈಲು ಲೂಪ್ ಲೈನ್‌ಗೆ ಪ್ರವೇಶಿಸಿ ಹಿಂದಿನಿಂದ ಗೂಡ್ಸ್ ರೈಲಿಗೆ ಡಿಕ್ಕಿ ಹೊಡೆದಿದೆ, ಇದು ರೈಲು ಹಳಿ ತಪ್ಪಲು ಕಾರಣವಾಗಿದ್ದು, ರೈಲು ಲೈನ್​ ಪ್ರವೇಶಿಸುವ ಮೊದಲು ಹೆವಿ ಜರ್ಕ್​ ಆಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅಪಘಾತದಲ್ಲಿ 12 ಕೋಚ್‌ಗಳು ಹಳಿತಪ್ಪಿದ್ದು 19 ಜನರು ಗಾಯಗೊಂಡಿದ್ದಾರೆ. ಲಿನಲ್ಲಿ 1,300ಕ್ಕೂ ಹೆಚ್ಚು ಪ್ರಯಾಣಿಕರಿದ್ದರು. ಪವರ್ ಕಾರಿಗೂ ಬೆಂಕಿ ಹೊತ್ತಿಕೊಂಡಿದೆ. ಅದೃಷ್ಟವಶಾತ್ ಇದುವರೆಗೆ ಯಾವುದೇ ಸಾವು ನೋವು ಸಂಭವಿಸಿಲ್ಲ. ಗಾಯಾಳುಗಳು ಸರ್ಕಾರಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇತರ ಪ್ರಯಾಣಿಕರನ್ನು ಬಸ್​ ಮೂಲಕ ಕಳಿಸಿಕೊಡಲಾಗಿದೆ ಎಂದು ದಕ್ಷಿಣ ರೈಲ್ವೆಯ ಜನರಲ್ ಮ್ಯಾನೇಜರ್ ಆರ್.ಎನ್. ಸಿಂಗ್ ಮಾಹಿತಿ ನೀಡಿದ್ಧಾರೆ.

https://www.vijayavani.net/first-time-in-147-years-test-cricket-pakistans-humiliating-defeat-to-england-in-multan-shatters-all-records

https://www.vijayavani.net/yaduveer-trishika-welcomes-second-baby-amid-mysore-dasara-celebrations