147 ವರ್ಷಗಳ Test Cricket ಇತಿಹಾಸದಲ್ಲಿ ಇದೇ ಮೊದಲು; ಹೀನಾಯವಾಗಿ ಸೋಲುವ ಮೂಲಕ ಹೊಸ ದಾಖಲೆ ಬರೆದ Pak

ಮುಲ್ತಾನ್​: ಇಲ್ಲಿನ ಮುಲ್ತಾನ್​ ಕ್ರಿಕೆಟ್​ ಮೈದಾನದಲ್ಲಿ ಪಾಕಿಸ್ತಾನ ಹಾಗೂ ಇಂಗ್ಲೆಂಡ್​ ನಡುವಿನ ಟೆಸ್ಟ್​ ಸರಣಿಯ (Test Series) ಮೊದಲ ಪಂದ್ಯದಲ್ಲಿ ಪ್ರವಾಸಿ ತಂಡವು ಸಂಪೂರ್ಣ ಮೇಲುಗೈ ಸಾಧಿಸುವ ಮೂಲಕ ಆತಿಥೇಯರಿಗೆ ಶಾಕ್​ ನೀಡಿದ್ದು, ಹೀನಾಯವಾಗಿ ಸೋಲಿಸಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ 556 ರನ್​ ಗಳಿಸಿದ ಹೊರತಾಗಿಯೂ 47 ರನ್​ ಹಾಗೂ ಇನ್ನಿಂಗ್ಸ್​​ ಸೋಲು ಕಂಡಿರುವ ಪಾಕಿಸ್ತಾನ ತಂಡವು ತೀವ್ರ ಟೀಕೆಗೆ ಗುರಿಯಾಗಿದ್ದು, 147 ವರ್ಷಗಳ ಟೆಸ್ಟ್​ ಕ್ರಿಕೆಟ್ (Test Cricket)​ ಇತಿಹಾಸದಲ್ಲಿ ಅನಪೇಕ್ಷಿತ ದಾಖಲೆಯೊಂದನ್ನು ಮಾಡಿದೆ.

147 ವರ್ಷಗಳ ಸುದೀರ್ಘ ಟೆಸ್ಟ್ ಕ್ರಿಕೆಟ್ (Test Cricket) ಇತಿಹಾಸದಲ್ಲಿ, ಯಾವುದೇ ತಂಡವು ಪಾಕಿಸ್ತಾನದ ರೀತಿ ಸೋಲನ್ನು ಎದುರಿಸಿಲ್ಲವಂತೆ. ಇಂಗ್ಲೆಂಡ್​ ಎದುರು ಹೀನಾಯವಾಗಿ ಸೋಲುವ ಮೂಲಕ ಪಾಕಿಸ್ತಾನ ತಂಡವು ಜಾಗತಿಕ ಮಟ್ಟದಲ್ಲಿ ಮತ್ತೊಮ್ಮೆ ಮುಖಭಂಗವನ್ನು ಅನುಭವಿಸಿದ್ದು, ತೀವ್ರ ಟೀಕೆಗೆ ಗುರಿಯಾಗಿದೆ.

ಇದನ್ನೂ ಓದಿ: ನವೆಂಬರ್​ 01ರಂದು ಎಲ್ಲಾ ಕಡೆ ಕನ್ನಡ ಬಾವುಟ ಹಾರಿಸುವುದು ಕಡ್ಡಾಯ: DK Shivakumar

ಮುಲ್ತಾನ್​ ಕ್ರೀಡಾಂಗಣದಲ್ಲಿ ಸಿದ್ದಪಡಿಸಲಾಗಿದ್ದ ಪಿಚ್​ಅನ್ನು ಮೊದಲಿನಿಂದಲೂ ಹೈವೇ ಪಿಚ್​ ಎಂದು ಟೀಕಿಸಲಾಗುತ್ತಿತ್ತು. ಏಕೆಂದರೆ ಮೊದಲ ಇನ್ನಿಂಗ್ಸ್​ನಲ್ಲಿ ಪಾಕಿಸ್ತಾನದ ಮೂವರು ಬ್ಯಾಟರ್​ಗಳಾದ, ಅಲ್ತಾಫ್​, ಸೌದ್​ ಹಾಗೂ ನಾಯಕ ಶಾನ್​ ಮಸೂದ್​ ಭರ್ಜರಿ ಶತಕಗಳನ್ನು ಸಿಡಿಸುವ ಮೂಲಕ ತಂಡಕ್ಕೆ ಆಸರೆಯಾದರು. ಇದನ್ನೇ ಲಾಭ ಪಡೆದ ಇಂಗ್ಲೆಂಡ್​ ಬ್ಯಾಟ್ಸ್​ಮನ್​ಗಳಾದ ಜೋ ರೂಟ್​, ಹ್ಯಾರಿ ಬ್ರೂಕ್​, ಭರ್ಜರಿ ದ್ವಿಶತಕ ಹಾಗೂ ತ್ರಿಶತಕ ಸಿಡಿಸುವ ಮೂಲಕ ಆತಿಥೇಯರ ವಿರುದ್ಧ ಪ್ರಾಬಲ್ಯ ಸಾಧಿಸಿದರು.

ಬಳಿಕ ಬ್ಯಾಟಿಂಗ್​​ಗೆ ಇಳಿದ ಪಾಕಿಸ್ತಾನ ತಂಡವು ಎರಡನೇ ಇನ್ನಿಂಗ್ಸ್​ನಲ್ಲಿ 220 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ ಇನ್ನಿಂಗ್ಸ್​ ಹಾಗೂ 47 ರನ್​ಗಳ ಸೋಲನ್ನು ಕಾಣುವ ಮೂಲಕ 147 ವರ್ಷಗಳ ಟೆಸ್ಟ್​ ಕ್ರಿಕೆಟ್​ (Test Cricket) ಇತಿಹಾಸದಲ್ಲಿ ಪಾಕಿಸ್ತಾನ ಅನಪೇಕ್ಷಿತ ದಾಖಲೆಯನ್ನು ಬರೆದಿದೆ.

https://www.vijayavani.net/sometimes-hardik-pandya-wont-suryakumar-yadav-gives-big-revelation-hails-team-india-youngsters

https://www.vijayavani.net/yaduveer-trishika-welcomes-second-baby-amid-mysore-dasara-celebrations