ಕಳೆದ ಮೂರ್ನಾಲ್ಕು ದಿನಗಳಿಂದ ಪಂಜಾಬ್ ಕಾಶ್ಮೀರ, ಜಮ್ಮು ಹಾಗೂ ರಾಜಸ್ತಾನದ ಭಾರತ ಮತ್ತು ಪಾಕಿಸ್ತಾನದ ಗಡಿಗಳಲ್ಲಿ ಯುದ್ಧದ ಕಾರ್ಮೋಡ ಅವರಿಸುತ್ತಿದ್ದು, ಇದಾಗಲೇ ಗುಂಡು, ಶೆಲ್ ಹಾಗೂ ಡ್ರೋಣ್ಗಳ ದಾಳಿಯನ್ನು ಪಾಕ್ ಸೇನೆ ಮಾಡುತ್ತಿದೆ. ಇತ್ತ ಭಾರತೀಯ ಸೇನಾಪಡೆ ಪಾಕ್ಗೆ ತಕ್ಕಪಾಠ ಕಲಿಸುತ್ತಿದೆ. ಈ ಹಿನ್ನಲೆ ಗಡಿ ಭಾಗದ ಜನರಿಗೆ ಊರು ತೊರೆದು ಸುರಕ್ಷಿತ ಸ್ಥಳಗಳಿಗೆ ತೆರಳುವಂತೆ ಸೂಚಿಸುತ್ತಿದ್ದಾರೆ. ಆದರೆ, ಗ್ರಾಮಸ್ಥರು ಮಾತ್ರ ಇದಕ್ಕೆ ಊ ಎನ್ನುತ್ತಿಲ್ಲ. ನಮ್ಮ ಊರುಗಳು ನಾವು ಬಿಡುವುದಿಲ್ಲ. ಅಗತ್ಯಬಿದ್ದರೆ ಸೈನ್ಯದ ಬೆಂಬಲಕ್ಕೆ ನಿಲ್ಲುತ್ತೇವೆ ಎನ್ನುತ್ತಿದ್ದಾರೆ ಎಂದು ವರದಿಯಾಗಿದೆ. ಇದು ಕೇವಲ ಒಂದು ಅಥವಾ ಎರಡು ಊರು ಕಥೆಗಳಲ್ಲ ಜಮ್ಮು-ಕಾಶ್ಮೀರದಿಂದ ರಾಜಸ್ಥಾನದ ಗಡಿಯವರೆಗೂ ಎಲ್ಲ ಹಳ್ಳಿಗಳ ಜನರು ಇದನ್ನೇ ಹೇಳುತ್ತಿದ್ದಾರೆ.
