ಟಿಕೆಟ್ ದರಗಳಿಂದ ಹಿಡಿದು ಆಹಾರ ಪದಾರ್ಥಗಳವರೆಗೆ ಮಲ್ಟಿಪ್ಲೆಕ್ಸ್ಗಳಲ್ಲಿ ಬೆಲೆಗಳು ಗಗನಕ್ಕೇರಿವೆ. ಕನಿಷ್ಠ ಟಿಕೆಟ್ ಬೆಲೆಯೇ 200 ರೂ.ಗಳಿಗಿಂತ ಹೆಚ್ಚಿದೆ. ನೀರಿನ ಬಾಟಲಿಗೆ 100 ಮತ್ತು ಕಾಫಿಗೆ 700 ರೂಪಾಯಿ ಇದೆ. ಅಲ್ಲದೆ, ಸಾಮಾನ್ಯ ಪಾಪ್ಕಾರ್ನ್ ಬೆಲೆ 500 ರೂ. ಇದೆ. ಇದಕ್ಕೆ ಕ್ಯಾರೆಮಲ್ ಮತ್ತು ಚೀಸ್ ಸೇರಿಸಿದರೆ 700 ರೂ. ತೆಗೆದುಕೊಳ್ಳುತ್ತಾರೆ. ಈ ಬೆಲೆ ಏರಿಕೆಯಿಂದ ಸಾಮಾನ್ಯ ಮತ್ತು ಮಧ್ಯಮ ವರ್ಗದ ಕುಟುಂಬಗಳು ಮಲ್ಟಿಪ್ಲೆಕ್ಸ್ಗಳಿಗೆ ಕಾಲಿಡುವುದೇ ಇಲ್ಲ. ಇದನ್ನು ಗಮನದಲ್ಲಿಟ್ಟುಕೊಂಡು ಸುಪ್ರೀಂ ಕೋರ್ಟ್ ಮಲ್ಟಿಪ್ಲೆಕ್ಸ್ಗಳ ವಿರುದ್ಧ ತನ್ನ ಅಸಮಾಧಾನ ಹೊರಹಾಕಿದೆ. ಬೆಲೆಗಳು ಹೀಗೆ ಮುಂದುವರಿದರೆ ಮುಂದೊಂದು ದಿನ ಸಿನಿಮಾ ಮಂದಿರಗಳನ್ನು ಮುಚ್ಚಬೇಕಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ, ಒಬ್ಬ ಸಾಮಾನ್ಯ ವ್ಯಕ್ತಿ ಸಿನಿಮಾ ನೋಡಲು ಮಲ್ಟಿಪ್ಲೆಕ್ಸ್ಗೆ ಹೋದರೆ, ಆತ 1,500 ರಿಂದ 2,000 ರೂ.ಗಳನ್ನು ಖರ್ಚು ಮಾಡಬೇಕಾಗಿದೆ. ಅಂದರೆ, ಪರಿಸ್ಥಿತಿ ಎಷ್ಟು ಕೆಟ್ಟದಾಗಿದೆ ಎಂಬುದನ್ನು ನೀವು ಇದರಿಂದ ಅರ್ಥಮಾಡಿಕೊಳ್ಳಬಹುದು ಎಂದು ನ್ಯಾಯಾಲಯ ಹೇಳಿತು.
