ಆರ್​ಸಿಬಿಗೆ ಸಿಎಸ್​ಕೆ ಒಂದು ಟ್ರೋಫಿ ದಾನ ಮಾಡುವುದು ಸೂಕ್ತ; ಅಂಬಾಟಿ ರಾಯುಡು ಹೇಳಿಕೆಗೆ ಪಂಚಿಂಗ್ ಉತ್ತರ ಕೊಟ್ಟ ಮಾಜಿ ಆರ್‌ಸಿಬಿ ಆಟಗಾರ!

ಮುಂಬೈ: ಮೇ 18ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಲೀಗ್​ ಹಂತದ 68ನೇ ಐಪಿಎಲ್​ ಪಂದ್ಯದಲ್ಲಿ ಅಲ್ರೌಂಡ್​ ಪ್ರದರ್ಶನದ ಫಲವಾಗಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ಚೆನ್ನೈ ಸೂಪರ್​ಕಿಂಗ್ಸ್​ ವಿರುದ್ಧ 27 ರನ್​ಗಳ ಭರ್ಜರಿ ಜಯ ಸಾಧಿಸುವ ಮೂಲಕ ಪ್ಲೇಆಫ್​ಗೆ ಅರ್ಹತೆ ಪಡೆದಿದೆ. ಆರ್​ಸಿಬಿ ವಿರುದ್ಧ ಗೆದ್ದು ಪ್ಲೇಆಫ್​ ಪ್ರವೇಶಿಸುತ್ತೇವೆ ಎಂದುಕೊಂಡಿದ್ದ ಸಿಎಸ್​ಕೆಗೆ ಫಾಫ್​ ಪಡೆಯೂ ತವರಿನ ಹಾದಿ ತೋರಿಸಿದೆ.

ಪಂದ್ಯ ಮುಗಿದ ಬಳಿಕ ಆರ್​ಸಿಬಿ ಆಟಗಾರರು ಸಿಎಸ್​ಕೆ ಮಾಜಿ ನಾಯಕ ಮಹೇಂದ್ರ ಸಿಂಗ್​ ಧೋನಿ ಅವರಿಗೆ ಗೌರವ ಸೂಚಿಸಿಲ್ಲ ಎಂಬ ವಿವಾದವೂ ವ್ಯಾಪಕ ಚರ್ಚೆಗೆ ಆಸ್ಪದ ಮಾಡಿಕೊಟ್ಟಿದ್ದು, ಈ ಕುರಿತು ಮಾಜಿ ಕ್ರಿಕೆಟಿಗ ಅಂಬಾಟಿ ರಾಯುಡು ವ್ಯಂಗ್ಯಭರಿತವಾಗಿ ಮಾತನಾಡಿದ್ದಾರೆ. ಅವರ ಮಾತುಗಳು ಸಖತ್​ ವೈರಲ್​ ಆಗಿದ್ದು, ಆರ್​ಸಿಬಿ ಅಭಿಮಾನಿಗಳು ಕೆಂಗಣ್ಣಿಗೆ ಗುರಿಯಾಗಿದೆ.

ಇದನ್ನೂ ಓದಿ: ಆರ್​ಸಿಬಿ ಮುಂದಿನ ಎದುರಾಳಿ ಯಾರು ಗೊತ್ತಾ?; ಇಲ್ಲಿದೆ ಕಂಪ್ಲೀಟ್​ ಡೀಟೇಲ್ಸ್

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ, ಅಂಬಾಟಿ ರಾಯುಡು ಸಿಎಸ್​ಕೆಯನ್ನು ಮಣಿಸಿ ಆರ್​ಸಿಬಿ ಅವರು ಪ್ಲೇಆಫ್​ ಪ್ರವೇಶಿಸಿರುವುದು ಫೈನಲ್​ನಲ್ಲಿ ಗೆದ್ದ ರೀತಿ ಸಂಭ್ರಮಿಸುತ್ತಿದ್ದಾರೆ. ಅದಕ್ಕೆ ಸಾಕ್ಷಿ ಎಂದರೆ ಬೆಂಗಳೂರಿನ ಬೀದಿಗಳಲ್ಲಿ ಅಭಿಮಾನಿಗಳು ಸಂಭ್ರಮಿಸಿದ ರೀತಿ. ಇದನ್ನು ನೋಡಿದರೆ ನನ್ನ ಪ್ರಕಾರ ಸಿಎಸ್​ಕೆ ಅವರು ಆರ್​ಸಿಬಿ ತಮ್ಮ ಬಳಿ ಇರುವ ಒಂದು ಟ್ರೋಫಿಯನ್ನು ದಾನ ಮಾಡಿದರೆ ಅವರು ಅದನ್ನು ಇಟ್ಟುಕೊಂಡು ಬೆಂಗಳೂರಿನ ಸುತ್ತ ಪೆರೇಡ್​ ಮಾಡಬಹುದು ಎಂದು ಹೇಳುವ ಮೂಲಕ ತೀವ್ರ ಟೀಕೆಗೆ ಗುರಿಯಾಗಿದ್ದಾರೆ.

ಇದಕ್ಕೆ ತಕ್ಷಣವೇ ಪ್ರತಿಕ್ರಿಯಿಸಿರುವ ಮಾಜಿ ಕ್ರಿಕೆಟಿಗ ವರುಣ್​ ಆರನ್​, ಸಿಎಸ್​ಕೆ ಅವರನ್ನು ಆರ್​ಸಿಬಿ ಅವರು ಸೋಲಿಸಿದ್ದಾರೆ ಎಂಬ ಅಂಶವನ್ನು ಅರಗಿಸಿಕೊಳ್ಳಲಾರದೆ ಅಂಬಾಟಿ ಮಾತನಾಡುತ್ತಿದ್ದಾರೆ ಎಂದು ಹೇಳುವ ಮೂಲಕ ಲೈವ್​ ಶೋನಲ್ಲೇ ತಿರುಗೇಟು ನೀಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗಿದೆ.

https://www.vijayavani.net/rcb-players-didnt-have-the-decency-to-shake-ms-dhonis-hand-vaughan-bhogle-slam-hosts-over-wild-celebrations

https://www.vijayavani.net/up-man-arrested-after-video-of-him-voting-for-bjp-candidate-8-times-goes-viral