ವೋಟರ್​ ಐಡಿ ಈಗ ಇನ್ನಷ್ಟು ಸುಲಭ; 15 ದಿನಗಳಲ್ಲಿ ಬರಲಿದೆ ಗುರುತಿನ ಚೀಟಿ, ಪ್ರಕ್ರಿಯೆ ಹೇಗೆ? ಇಲ್ಲಿದೆ ಮಾಹಿತಿ | Voter ID

Voter ID: ಮತದಾರರ ಗುರುತಿನ ಚೀಟಿ: ಬಹುತೇಕ ಸರ್ಕಾರಿ ಯೋಜನೆಗಳಿಗೆ ಲಗ್ಗತ್ತಿಸಬೇಕಾದ ಪ್ರಮುಖ ದಾಖಲೆಗಳಲ್ಲಿ ಗುರುತಿನ ಚೀಟಿ ಕೂಡ ಒಂದು. ಕೇವಲ ಮತಯಾಚನೆ ಮಾಡುವಾಗ ಮಾತ್ರ ಬಳಕೆಯಾಗದ ವೋಟರ್​ ಐಡಿ, ಹಲವು ಬಹುಮುಖ್ಯ ಕೆಲಸಗಳಿಗೆ ಬೇಕಾದ ಅಗತ್ಯ ಹಾಗೂ ಮೂಲ ದಾಖಲೆ. ಹೊಸ ಗುರುತಿನ ಚೀಟಿ ಪಡೆಯುವವರಿಗೆ ಈಗ ಕೇಂದ್ರ ಸರ್ಕಾರ ಶುಭ ಸುದ್ದಿ ನೀಡಿದ್ದು, ಕೇವಲ 15 ದಿನಗಳಲ್ಲಿ ಚೀಟಿಯನ್ನು ಆನ್​ಲೈನ್​ ಮೂಲಕ ಸುಲಭವಾಗಿ ಪಡೆಯಬಹುದಾಗಿದೆ. ಅದು ಹೇಗೆ? ನಾವೇನು ಮಾಡಬೇಕು? ಎಂಬುದರ ಪೂರ್ಣ ಮಾಹಿತಿ ಇಲ್ಲಿದೆ ಗಮನಿಸಿ.

ಇದನ್ನೂ ಓದಿ: ಮಠದಗುಡ್ಡೆ ಸಂತ್ರಸ್ತರಿಗೆ ಸಿಕ್ಕಿತು ಹಕ್ಕುಪತ್ರ: ಐದು ವರ್ಷಗಳ ಅಲೆದಾಟಕ್ಕೆ ಮುಕ್ತಿ : 5 ಕುಟುಂಬಗಳಿಗೆ ಇನ್ನೂ ಮರೀಚಿಕೆ

ಮತದಾರರ ಗುರುತಿನ ಚೀಟಿ ನಿಯಮಗಳು ಈಗ ಬದಲಾಗಿವೆ. ಈ ಕುರಿತು ಭಾರತ ಚುನಾವಣಾ ಆಯೋಗವು ಪ್ರಮುಖ ಘೋಷಣೆ ಬಿಡುಗಡೆಗೊಳಿಸಿದೆ. ಈ ಹೊಸ ವ್ಯವಸ್ಥೆಯು ಮತದಾರರಿಗೆ ಹೆಚ್ಚಿನ ಪ್ರಯೋಜನವನ್ನು ನೀಡುತ್ತದೆ. ಇನ್ನು ಮುಂದೆ ಮತದಾರರ ಗುರುತಿನ ಚೀಟಿಗಾಗಿ ಹೆಚ್ಚು ಸಮಯ ಕಾಯುವ ಅಗತ್ಯವಿಲ್ಲ. ಕೇವಲ 15 ದಿನಗಳಲ್ಲೇ ವೋಟರ್​ ಐಡಿ ನಿಮ್ಮ ಮನೆ ಬಾಗಿಲಿಗೆ ತಲುಪಲಿದೆ.

ಚುನಾವಣಾ ಆಯೋಗವು ಹೊಸ ಪ್ರಮಾಣಿತ ಕಾರ್ಯಾಚರಣಾ ವಿಧಾನವನ್ನು ಪರಿಚಯಿಸಿದೆ. ಇದು ಮತದಾರರಿಗೆ EPIC ಅಥವಾ ಮತದಾರರ ಗುರುತಿನ ಚೀಟಿಯನ್ನು ವೇಗವಾಗಿ ಒದಗಿಸುತ್ತದೆ. ಈ ವ್ಯವಸ್ಥೆಯಡಿಯಲ್ಲಿ, ಮತದಾರರ ಪಟ್ಟಿಯಲ್ಲಿ ಯಾವುದೇ ಹೊಸ ಮತದಾರರ ಹೆಸರನ್ನು ನೋಂದಾಯಿಸಿದ ಅಥವಾ ನವೀಕರಿಸಿದ15 ದಿನಗಳಲ್ಲಿ EPIC ಕಾರ್ಡ್ ಅನ್ನು ವಿತರಿಸಲಾಗುವುದು ಎಂದು ಕೇಂದ್ರ ತಿಳಿಸಿದೆ.

ಇದನ್ನೂ ಓದಿ: ನಗರದಲ್ಲಿ ನೀರು ತುಂಬಬಿ ಆದ ಹಾನಿಗೆ ಹೊಣೆಗಾರರ್ಯಾರು..?: ನಗರಸಭೆ ಸದಸ್ಯರು ಗರಂ

ಕಳೆದ 4 ತಿಂಗಳುಗಳಲ್ಲಿ, ಚುನಾವಣಾ ಆಯೋಗವು ಮತದಾರರ ಅನುಕೂಲಕ್ಕಾಗಿ ಹಲವು ಕ್ರಮಗಳನ್ನು ತೆಗೆದುಕೊಂಡಿದೆ. ಎಲ್ಲಾ ಮತದಾರರು ಚುನಾವಣೆಗೆ ಸಂಬಂಧಿಸಿದ ಮಾಹಿತಿಯನ್ನು ತ್ವರಿತವಾಗಿ ಪಡೆಯುತ್ತಾರೆ. ಚುನಾವಣಾ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ಮತ್ತು ಭದ್ರತೆಗಾಗಿ ಆಧಾರ್ ಮತ್ತು ಮತದಾರರ ಗುರುತಿನ ಚೀಟಿಯನ್ನು ಲಿಂಕ್ ಮಾಡಲಾಗಿದೆ ಎಂದು ತಿಳಿದುಬಂದಿದೆ.

ಮತದಾರರಿಗೆ SMS ಸೇವೆ

ಈ ಹೊಸ ಟ್ರ್ಯಾಕಿಂಗ್ ವ್ಯವಸ್ಥೆಯು ಚುನಾವಣಾ ನೋಂದಣಿ ಅಧಿಕಾರಿಯಿಂದ ಮತದಾರರ ಗುರುತಿನ ಚೀಟಿಯನ್ನು ನೀಡಿದ ದಿನಾಂಕದಿಂದ ಅಂಚೆ ಇಲಾಖೆಯ ಮೂಲಕ ಮತದಾರರಿಗೆ ತಲುಪಿಸುವವರೆಗೆ ಸಂಪೂರ್ಣ ಪ್ರಕ್ರಿಯೆಯನ್ನು ಟ್ರ್ಯಾಕ್ ಮಾಡುತ್ತದೆ. ಪ್ರತಿಯೊಂದು ಹೆಜ್ಜೆಯನ್ನೂ ಮೇಲ್ವಿಚಾರಣೆ ಮಾಡಲಾಗುತ್ತದೆ. ಮತದಾರರು ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ SMS ಮೂಲಕ ತಮ್ಮ ಮತದಾರರ ಗುರುತಿನ ಚೀಟಿ ವಿವರಗಳನ್ನು ಸ್ವೀಕರಿಸುತ್ತಾರೆ. ಇದು ಯಾವ ಹಂತದಲ್ಲಿದೆ ಎಂಬುದನ್ನು ಕಳುಹಿಸಿರುವ ಲಿಂಕ್ ಮೂಲಕ ಟ್ರ್ಯಾಕ್​ ಮಾಡಬಹುದಾಗಿದೆ.

ಇದನ್ನೂ ಓದಿ:  ರಕ್ತವನ್ನು ಕೃತಕವಾಗಿ ಉತ್ಪಾದಿಸಲು ಆಗದು; ವಿಶ್ವ ರಕ್ತದಾನಿಗಳ ದಿನಾಚರಣೆಯಲ್ಲಿ ಡಾ.ಸರಿತಾ ಕಿವಿಮಾತು; ಭಗತ್‌ಸಿಂಗ್ ಕಾಲೇಜ್‌ನಲ್ಲಿ ರಕ್ತದಾನ ಶಿಬಿರ

ಡೇಟಾ ಭದ್ರತೆಯೊಂದಿಗೆ ಸೇವಾ ವಿತರಣೆ

ESI ಹೊಸ 'ECINet' ಪ್ಲಾಟ್​ಫಾರ್ಮ್​ ಅನ್ನು ಪ್ರಾರಂಭಿಸಲಿದೆ. ವಿಶೇಷ IT ಮಾಡ್ಯೂಲ್ ಅನ್ನು ಸಹ ಒದಗಿಸುತ್ತದೆ. ಹೊಸ ಐಟಿ ಪ್ಲಾಟ್​ಫಾರ್ಮ್ ಪ್ರಸ್ತುತ ವ್ಯವಸ್ಥೆಯನ್ನು ಪರಿವರ್ತಿಸುತ್ತಿದೆ. ಹೀಗಾಗಿ, ಡಿಓಪಿ (DOP) ಅಪ್ಲಿಕೇಶನ್ ಪ್ರೋಗ್ರಾಂ ಇಂಟರ್ಫೇಸ್ (API) ಅನ್ನು ಈ ಪ್ಲಾಟ್​ಫಾರ್ಮ್​ಗೆ ಲಿಂಕ್ ಮಾಡಲಾಗುತ್ತದೆ. ಆದ್ದರಿಂದ ವಿತರಣೆಯಲ್ಲಿ ಯಾವುದೇ ಅಡಚಣೆ ಇರುವುದಿಲ್ಲ. ಇದು ಡೇಟಾ ಭದ್ರತೆಯನ್ನು ಸಹ ಹೊಂದಿದೆ,(ಏಜೆನ್ಸೀಸ್).

https://www.vijayavani.net/microsoft-ready-for-layoffs-amid-ai